(БҰРЫНҒЫ РЕДАКЦИЯ) ҚР ӘДІЛЕТ МИНИСТРІНІҢ М.А. 2013.21.08 № 279 БҰЙРЫҒЫ

Мемлекет кепілдік берген заң көмегін көрсету туралы есептердің нысандарын бекіту туралы
Қазақстан Республикасы Әділет министрінің м.а. 2013 жылғы 21 тамыздағы № 279 бұйрығы

Осы редакция 2015 жылғы 30 шілдеде енгізілген өзгерістеріне дейін қолданылды

 «Мемлекет кепілдік берген заң көмегі туралы» Қазақстан Республикасы Заңының 13-бабының 5 және 6-тармақтарына және «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес, БҰЙЫРАМЫН:

1. Мыналар:

1) осы бұйрықтың 1-қосымшасына сәйкес адвокат көрсеткен мемлекет кепілдік берген заң көмегі туралы адвокат есебінің нысаны;

2) осы бұйрықтың 2-қосымшасына сәйкес адвокаттар мемлекет кепілдік берген заң көмегін көрсеткені туралы адвокаттар алқасының жиынтық есебінің нысаны бекітілсін.

2. Қазақстан Республикасы Әділет министрлігінің Тіркеу қызметі және құқықтық көмек көрсету комитеті:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықты Қазақстан Республикасы Әділет министрлігінің Интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Әділет вице-министрі Д.Р. Құсдәулетовке және Қазақстан Республикасы Әділет министрлігі Тіркеу қызметі және құқықтық көмек көрсету комитетінің төрағасы Б.Ш. Әбішевке жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

«Келісілді»

Қазақстан Республикасы

Статистика агенттігінің

төрағасы

А. Смайылов __________

2013 жылғы 21 тамыз

Қазақстан Республикасы

Әділет министрінің

2013 жылғы 21 тамыздағы

№ 279 бұйрығына

1-қосымша

Нысан

Нысан адвокаттың мемлекет кепілдік берген заң көмегін
көрсеткені туралы есебіне арналған

Кезеңділігі: ай сайын

Ұсынатын: адвокат

Нысан қайда ұсынылады: өзі мүшесі болып табылатын адвокаттар алқасының төралқасына.

Тапсыру мерзімі: ай сайын, есепті айдан кейінгі айдың 5-і күніне қарай.