(БҰРЫНҒЫ РЕДАКЦИЯ) «НОТАРИУСТАРДЫҢ ӨТІНІШТЕРІН ҚАБЫЛДАУ, МӨРЛЕРІН ТІРКЕ...

Осы редакция 2018 жылғы 10 қаңтарда енгізілген өзгерістеріне дейін қолданылды

Қазақстан Республикасы

Әділет министрінің

2015 жылғы 24 сәуірдегі

№ 232 бұйрығына 3-қосымша

«Нотариустардың өтініштерін қабылдау, мөрлерін тіркеу және беру»

мемлекеттік көрсетілетін қызмет стандарты

1. Жалпы ережелер

1. «Нотариустардың өтініштерін қабылдау, мөрлерін тіркеу және беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Әділет министрлігі (бұдан әрі — Министрлік) әзірледі.

3. Мемлекеттік қызметті облыстардың, Астана және Алматы ққ. әділет департаменттері (бұдан әрі - қызмет беруші) көрсетеді.

2. Мемлекеттік қызмет көрсету тәртібі

4. Мемлекеттік қызмет көрсету мерзімдері:

1) мемлекеттік қызмет көрсету мерзімі көрсетілетін қызмет алушының тапсырған сәтінен бастап күнтізбелік 15 (он бес)күн;

2) құжаттар топтамасын тапсыру үшін күтудің рұқсат берілген ең ұзақ уақыты — 15 (он бес) минут;

3) көрсетілетін қызмет алушыға қызмет көрсетудің рұқсат берілген ең ұзақ уақыты — 15 (он бес) минуттан аспайды.

5. Мемлекеттік қызмет көрсету нысаны: қағаз жүзінде.

6. Мемлекеттік қызмет көрсетудің нәтижесі: осы мемлекеттік көрсетілетін қызмет стандартына 1-қосымшаға сәйкес нысан бойынша нотариустардың мөрлерін беру.

Көрсетілетін қызметті беруші нотариустың мөрін осы мемлекеттік көрсетілетін қызмет стандартына 2-қосымшаға сәйкес мөрді беру журналында қол қою арқылы береді.

7. Мемлекеттік қызмет тегін көрсетіледі.

8. Көрсетілетін қызметті берушінің жұмыс кестесі — Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбіден бастап жұманы қоса алғанда, сағат 13.00-ден 14.30-ға дейін түскі үзіліспен, сағат 9.00-ден 17.30-ге дейін. Мемлекеттік қызмет кезек тәртібімен, алдын ала жазылусыз және жеделдетілген қызмет көрсетусіз жүзеге асырылады.