2000 жылғы 30 қарашадағы Беларусь Республикасының Үкіметі, Қазақстан Республикасының Үкіметі, Қырғыз Республикасының Үкіметі, Ресей Федерациясының Үкіметі және Тәжікстан Республикасының Yкіметі арасындағы азаматтардың өзара визасыз сапарлары туралы келісімге хаттама (Астана қ., 2005 жылғы 24 наурызда)

2000 жылғы 30 қарашадағы Беларусь Республикасының Үкіметі, Қазақстан Республикасының Үкіметі,
Қырғыз Республикасының Үкіметі, Ресей Федерациясының Үкіметі және Тәжiкстан Республикасының Yкіметі арасындағы азаматтардың өзара визасыз сапарлары туралы келісімге
хаттама
(Астана қ., 2005 жылғы 24 наурызда)

2006 жылғы 25  қарашадағы № 192-III  ҚР Заңымен ратификацияланды

«Қазақстан Республикасы мен Ресей Федерациясы азаматтарының өзара визасыз сапарлары туралы» ҚР Үкіметінің 2005 жылғы 23 мамырдағы № 494 Қаулысын қараңыз

Бұдан әрi Тараптар деп аталатын Беларусь Республикасының Үкіметі, Қазақстан Республикасының Үкіметі, Қырғыз Республикасының Үкіметі, Ресей Федерациясының Үкіметі және Тәжiкстан Республикасының Үкіметі,

Еуразиялық экономикалық қоғамдастыққа мүше барлық мемлекеттер үшiн Қоғамдастық аумағы бойынша азаматтардың жүрiп-тұруына арналған бірыңғай құжаттардың тiзбесiн әзiрлеу мақсатында,

2000 жылғы 30 қарашадағы Беларусь Республикасының Үкіметі, Қазақстан Республикасының Үкіметі, Қырғыз Республикасының Үкіметі, Ресей Федерациясының Үкіметі және Тәжiкстан Республикасының Үкіметі арасындағы азаматтардың өзара визасыз сапарлары туралы келісімнiң 7-бабына сәйкес, төмендегілер туралы осы Хаттаманы жасасты:

1-бап

Жеке басын куәландыратын және олардың иелерiнiң азаматтығын растайтын, Тараптар мемлекеттерiнiң аумақтарына келуге, кетуге, транзиттік жол жүруге, жүрiп-тұруға және онда болуға құқық беретiн құжаттарға осы Хаттамаға 1, 2, 3, 4 және 5-қосымшаларда көрсетiлген құжаттар жатады.

Осы Хаттаманың уақытша қолданылатын күнiнен бастап осы Хаттамаға 1, 2, 3, 4 және 5-қосымшалар жоғарыда аталған Келісімнiң 1, 2, 3, 4 және 5-қосымшаларын алмастырады.

2-бап

Осы Хаттама, оған қол қойылғаннан кейiн 30 күннен соң уақытша қолданыла бастайды және депозитарий оның күшiне енуi үшiн қажеттi мемлекетiшілік рәсiмдердi Тараптардың орындағаны туралы соңғы жазбаша хабарламаны алған күнiнен бастап күшiне енедi.