«Беларусь Республикасының президенті Александр Григорьевич Лукашенконың Қазақстан Республикасына ресми сапарын дайындау және өткізу туралы» Қазақстан Республикасы Премьер-Министрінің 2005 жылғы 17 мамырдағы № 125-ө Өкімі

“Беларусь Республикасының президентi Александр Григорьевич Лукашенконың Қазақстан Республикасына ресми сапарын дайындау және өткізу туралы”
Қазақстан Республикасы Премьер-Министрінің 2005 жылғы 17 мамырдағы № 125-ө Өкімі

Қазақстан Республикасы мен Беларусь Республикасы арасындағы екi жақты ынтымақтастықты нығайту және 2005 жылғы 18-19 мамырда Астана қаласында Беларусь Республикасының президентi Александр Григорьевич Лукашенконың Қазақстан Республикасына ресми сапарын (бұдан әрi - сапар) дайындау және өткізу жөніндегі протоколдық-ұйымдастыру iс-шараларын қамтамасыз ету мақсатында:

1. Қазақстан Республикасы Сыртқы iстер министрлігі сапарды дайындау және өткізу жөніндегі протоколдық-ұйымдастыру iс-шараларын қамтамасыз етсiн.

2. Қазақстан Республикасы Президентінің Iс басқармасы (келісім бойынша):

қосымшаға сәйкес Беларусь Республикасы ресми делегациясының мүшелеріне қызмет көрсету жөнiнде қажеттi ұйымдастыру шараларын қабылдасын;

2005 жылға арналған республикалық бюджетте 001 "Мемлекет басшысының, Премьер-Министрдiң және мемлекеттік органдардың басқа да лауазымды тұлғаларының қызметiн қамтамасыз ету" бағдарламасы бойынша көзделген қаражат есебiнен сапарды өткізуге арналған шығыстарды қаржыландыруды қамтамасыз етсiн.

3. Қазақстан Республикасы Iшкi iстер министрлігі, Қазақстан Республикасы Президентінің Күзет қызметi (келісім бойынша), Қазақстан Республикасы Ұлттық қауiпсiздiк комитетi (келісім бойынша) Беларусь Республикасының ресми делегациясы мүшелерiнiң Астана қаласының әуежайындағы, тұратын және болатын орындарындағы қауiпсiздiгiн, жүретiн бағыттары бойынша бірге жүрудi, сондай-ақ арнайы ұшақты күзетудi қамтамасыз етсiн.

4. Қазақстан Республикасы Көлiк және коммуникация министрлігі белгіленген тәртiппен:

Қазақстан Республикасы Қорғаныс министрлігімен және Сыртқы iстер министрлігімен бiрлесiп, Беларусь Республикасының президентi Александр Григорьевич Лукашенконың арнайы ұшағының Қазақстан Республикасы аумағының үстiнен ұшып өтуiн, Астана қаласының әуежайына қонуын және одан ұшып шығуын;

Астана қаласының әуежайында арнайы ұшаққа техникалық қызмет көрсетудi, оның тұрағын және жанармай құюды қамтамасыз етсiн.

5. Қазақстан Республикасы Мәдениет, ақпарат және спорт министрлігі сапардың бұқаралық ақпарат құралдарында жария етiлуiн қамтамасыз етсiн.

6. Астана қаласының әкімі Беларусь Республикасының ресми делегациясын қарсы алуды және шығарып салуды, Астана қаласының әуежайы мен көшелерiн безендiру жөніндегі ұйымдастыру iс-шараларының орындалуын қамтамасыз етсiн.

7. Қазақстан Республикасы Республикалық ұланы (келісім бойынша) Астана қаласының әуежайында Беларусь Республикасының президентi Александр Григорьевич Лукашенконы қарсы алу және шығарып салу рәсiмiне қатыссын, Қазақстан Республикасы Президентінің атынан қабылдау кезiнде концерттік бағдарлама ұйымдастырсын.

8. Осы өкiмнiң iске асырылуын бақылау Қазақстан Республикасы Сыртқы iстер министрлiгіне жүктелсін.

Қазақстан Республикасы

Премьер-Министрінің

2005 жылғы 17 мамырдағы

№ 125-ө өкіміне

қосымша

Беларусь Республикасы ресми делегациясының мүшелерiне

қызмет көрсету жөніндегі ұйымдастыру шаралары

1. Беларусь Республикасы ресми делегациясының мүшелерiн және бірге жүретiн адамдарды Астана қаласының қонақ үйiне орналастыру, тамақтандыру және оларға көлiктiк қызмет көрсету.

2. Қазақстан Республикасының Президентi Күзет қызметiнiң қызметкерлерiн ресми делегация мүшелерiн орналастыратын жерлерге жайғастыру.

3. Баспа өнiмдерiн (бейдждер, автокөлiктерге арнайы рұқсатнамалар, куверттiк карталар, қабылдауға шақырулар) дайындау.

4. Беларусь Республикасы ресми делегациясының басшысы мен мүшелерi үшiн сыйлық және кәдесыйлар сатып алу.

5. Беларусь Республикасының ресми делегациясын қарсы алу және шығарып салу кезiнде Астана қаласының әуежайында шай дастарханын ұйымдастыру.

6. Қазақстан Республикасының Президентi Н. Назарбаевтың атынан Беларусь Республикасының президентi А. Лукашенконың құрметiне Астана қаласында ресми қабылдау ұйымдастыру.

7. Қазақстан Республикасының Премьер-Министрi Д. Ахметовтiң Беларусь Республикасының президентi А. Лукашенкомен Астана қаласында таңертеңгілiк асын ұйымдастыру.

8. Ресми делегацияның мүшелерiне және бірге жүретiн адамдарға медициналық қызмет көрсету.