«Қазақстан Республикасының халқын тіркеудің кейбір мәселелері туралы«Қазақстан Республикасы Үкіметінің 2005 жылғы 21 шілдедегі № 761 Қаулысы (2011.01.12. берілген өзгерістер мен толықтыруларымен)

Қазақстан Республикасының халқын тiркеудiң кейбір мәселелерi туралы
Қазақстан Республикасы Үкіметінің 2005 жылғы 21 шілдедегі № 761 Қаулысы

(2011.01.12. берілген өзгерістер мен толықтыруларымен)

Қазақстан Республикасының халқын тiркеу жүйесiн одан әрi жетiлдiру мақсатында Қазақстан Республикасының Үкіметі ҚАУЛЫ ЕТЕДI:

1. 2005 жылғы 1 қыркүйектен бастап азаматтарды тiркеу кiтаптары қолданысқа енгiзiлсiн.

ҚР Үкіметінің 2007.27.02. № 149 Қаулысымен 2-тармақ өзгертілді (бұр.ред.қара) (2007 жылғы 1 қаңтардан бастап қолданысқа енгізілді)

2. Тұрғындарды есепке алу кiтаптары 2008 жылға 31 желтоқсанға дейін қолданылады деп белгiленсiн.

ҚР Үкіметінің 2007.27.02. № 149 Қаулысымен 3-тармақ өзгертілді (бұр.ред.қара) (2007 жылғы 1 қаңтардан бастап қолданысқа енгізілді)

3. Қазақстан Республикасы Әдiлет министрлігі 2008 жылға 31 желтоқсанға дейін мерзiмде тұрғындарды есепке алу кiтаптарын азаматтарды тiркеу кiтаптарына ауыстыруды жүргiзсiн.

Тұрғындарды есепке алу кiтабын азаматтарды тiркеу кiтабына ауыстыру азаматтың тұрақты тұратын (тiркеу) орны бойынша аумақтық әдiлет органына азамат өтiнiш берген кезде жүргізiледi.

4. Қоса беріліп отырған Қазақстан Республикасы Үкiметінiң кейбір шешiмдерiне енгiзiлетiн өзгерістер мен толықтырулар бекітілсiн.

5. Осы қаулы 2005 жылғы 1 қыркүйектен бастап қолданысқа енгiзiледi және міндетті түрде ресми жариялануға тиіс.

Қазақстан Республикасы

Үкіметінiң

2005 жылғы 21 шілдедегi

№ 761 қаулысымен

бекiтiлген

Қазақстан Республикасы Үкіметінің кейбір шешiмдерiне

енгізiлетiн өзгерістер мен толықтырулар

1. ҚР Үкіметінің 2008.23.04. № 381 Қаулысымен күші жойылды (бұр.ред.қара)

2. ҚР Үкіметінің 2011.01.12. № 1420 Қаулысымен күші жойылды (бұр. ред. қара)

3. «Қазақстан Республикасының халқын құжаттандыру және тiркеу ережесін бекіту туралы» Қазақстан Республикасы Үкiметінiң 2000 жылғы 12 шілдедегi № 1063 қаулысында (Қазақстан Республикасының ПҮКЖ-ы, 2000 ж., № 29, 359-құжат):

көрсетілген қаулымен бекiтілген Қазақстан Республикасының халқын құжаттандыру және тiркеу ережесінде:

33-тармақта:

екiншi абзацта «тұрғындарды есепке алу» деген сөздер «азаматтарды тiркеу» деген сөздермен ауыстырылсын;

үшiншi абзац мынадай редакцияда жазылсын:

«Азаматтарды тiркеу кiтабы жеке тұлғаның тұрақты тiркелу орнын және онымен бірге отбасы мүшелерiнің бiрлесiп тұрып жатқан фактiсiн растайтын құжат болып табылады және заңнамада белгiленген жағдайларда мүдделi органдарға көрсетiледi»;

төртiншi абзацта «Тұратын жерi» деген сөздердiң алдынан «Жеке тұлғаны» деген сөздермен, «тiркеуден шығаруды» деген сөздерден кейiн «, сондай-ақ онымен бірге отбасы мүшелерінің бiрлесiп тұрып жатқан фактiсiн» деген сөздермен толықтырылсын;

35-тармақта «тұрғындарды есепке алу» деген сөздер «азаматтарды тiркеу» деген сөздермен ауыстырылсын.

4. ҚР Үкіметінің 2006.17.08. № 777 Қаулысымен күші жойылды (бұр. ред. қара)

5. ҚР Үкіметінің 2006.30.06. № 623 Қаулысымен күші жойылды (бұр. ред. қара)

6. ҚР Үкіметінің 2006.05.05. № 371 Қаулысымен күші жойылды (бұр. ред. қара)