«Қазастан Республикасында күйдіргінің алдын алу жөніндегі іс-шараларды күшейту туралы» Қазақстан Республикасының Денсаулық сақтау министрлігінің 2004 ж. 1 қазаңдағы № 725 және Қазақстан Республикасының Ауыл шаруашылығы министрлігінің 2004 ж. 7 қазаңдағы № 575 бірлескен бұйрығы

«Қазастан Республикасында күйдіргінің алдын алу жөніндегі іс-шараларды күшейту туралы»
Қазақстан Республикасының Денсаулық сақтау министрлігінің 2004 ж. 1 қазаңдағы № 725
және  Қазақстан Республикасының Ауыл шаруашылығы министрлігінің
2004 ж. 7 қазаңдағы № 575    бұйрығы

Күйдіргінің алдын алу жөніндегі іс-шаралардың тиімділігін арттыру, жұқтыру қаупін азайту және адамдар мен жануарлардың жаппай науқастануының алдын алу мақсатында БҰЙЫРАМЫЗ:

1. Қоса беріліп отырған:

1) «Адамдар мен жануарлар күйдіргісінің этиологиясы, эпидемиологиясы, эпизоотологиясы» әдістемелік ұсынымы;

2) «Күйдіргінің клиникасы, диагностикасы және емдеу» әдістемелік ұсынымы;

3) «Адамдардағы, жануарлардағы күйдіргінің зертханалық диагностикасы» әдістемелік ұсынымы;

4) «Мал етінен жасалған шикізатта және қоршаған орта объектілерінде күйдіргі қоздырғыштарының табылуы» әдістемелік ұсынымы;

5) «Сараланған қоректік ортаны дайындау тәсілдері мен рецептурасы және күйдіргі қоздырғыштарын бөлу кезінде пайдаланылатын басқа да әдістер» әдістемелік ұсынымы;

6) «Күйдіргі ошақтарында жүргізілетін дезинфекциялық іс-шаралар» әдістемелік ұсынымы;      

7) күйдіргінің эпизоотиялық ошағын эпизоотологиялық-эпидемиологиялық тексеру сызбасы;

8) күйдіргі бойынша стационарлық қолайсыз пунктті тіркеу журналы нысаны;

9) күйдіргі бойынша қолайсыз аудандағы аурудың қайталама жағдайларын тіркеу журналы нысаны;

10)   «Қолайсыз пункттердегі күйдіргі ошақатарының сипаттамасы» журналы нысаны бекітілсін.

2. Қазақстан Республикасы Ауыл шаруашылығы министрлігінің облыстық аумақтық басқармалары ветеринарлық бөлімдерінің бастықтары, облыстардың, Астана, Алматы қалалары денсаулық сақтау басқармаларының (департаменттерінің) бастықтары (директорлары), мемлекеттік санитарлық-эпидемиологиялық қадағалау басқармаларының (департаменттерінің) бастықтары:

1)   облыстар мен аудандарда ауылшаруашылығы жануарлары мен адамдар науқастануының алдын алу жөніндегі бірлескен кешенді жоспарлар әзірлеуді және жергілікті атқарушы органдарда бекітуді;