«Білім беру қызметінде білім беру ұйымдары пайдаланатын қатаң есептегі құжаттардың нысандарын бекіту туралы» Қазақстан Республикасы Білім және ғылым министрінің 2004 жылғы 26 қарашадағы № 969 бұйрығы (күші жойылды)

«Білім беру қызметінде білім беру ұйымдары пайдаланатын қатаң есептегі құжаттардың
нысандарын бекіту туралы»
Қазақстан Республикасы Білім және ғылым министрінің 2004 жылғы 26 қарашадағы № 969 бұйрығы

ҚР Білім және ғылым министрінің м.а. 2007 жылғы 23 қазандағы № 502 бұйрығымен күші жойылды

«Білім туралы» Қазақстан Республикасы Заңының 30-бабының 16-2)-тармақшасын жүзеге асыру мақсатында БҰЙЫРАМЫН:

1. Қоса беріліп отырған білім беру қызметінде білім беру ұйымдары пайдаланатын қатаң есептегі құжаттардың нысандары бекітілсін.

2. Орта білім департаменті (Есбосынова С.Б.) осы бұйрықты белгіленген тәртіппен Қазақстан Республикасының Әділет министрлігіне мемлекеттік тіркеуге ұсынсын.

3. Осы бұйрық Қазақстан Республикасының Әділет министрлігінде мемлекеттік тіркеуден өткен күннен бастап күшіне енеді.

4. Осы бұйрықтың орындалуын бақылау Қазақстан Республикасының Білім және ғылым бірінші вице-министрі Г.Н.Гамарникке жүктелсін.