|
Балық шаруашылығы су тоғандарын (учаскелерiн) бекітіп беру бойынша (2006.06.02. берілген өзгерістер мен толықтырулармен)
Осы редакция 2006 ж. 27 ақпанға дейін енгізілген өзгерістеріне дейін қолданылды
"Жануарлар дүниесiн қорғау, өсiмiн молайту және пайдалану туралы" Қазақстан Республикасының 2004 жылғы 9 шілдедегi Заңына сәйкес Қазақстан Республикасының Үкіметі ҚАУЛЫ ЕТЕДI: 1. Қоса берілiп отырған Балық шаруашылығы су тоғандарын (учаскелерiн) бекітіп беру бойынша конкурс өткізу ережесi және конкурсқа қатысушыларға қойылатын біліктілiк талаптары бекітілсiн. 2. Қосымшаға сәйкес Қазақстан Республикасы Yкіметінiң кейбір шешiмдерiнiң күшi жойылды деп танылсын. 3. Осы қаулы 2005 жылғы 1 қарашадан бастап күшiне енедi және жариялануға тиiс. Қазақстан Республикасының
Қазақстан Республикасы Үкiметінiң 2005 жылғы 4 ақпандағы № 102 қаулысымен бекітілген Балық шаруашылығы су тоғандарын (учаскелерiн) бекітіп беру бойынша конкурс өткізу ережесi және конкурсқа қатысушыларға қойылатын біліктiлiк талаптары 1. Жалпы ережелер 1. Осы балық шаруашылығы су тоғандарын (учаскелерiн) бекітіп беру бойынша конкурс өткізу ережесi және конкурсқа қатысушыларға қойылатын біліктiлiк талаптары (бұдан әрi - Ереже) жануарлар дүниесiн қорғау, өсiмiн молайту және пайдалану туралы" Қазақстан Республикасының 2004 жылғы 9 шiлдедегi Заңына сәйкес әзiрлендi және балық шаруашылығы су тоғандарын (учаскелерiн) бекітіп беру бойынша конкурс (бұдан әрi Конкурс) ұйымдастыру мен өткізудiң тәртібін айқындайды. 2. Конкурс өткізудiң мақсаты жеке және заңды тұлғаларға оларға бекітілiп берiлген балық шаруашылығы су тоғандарында (учаскелерiнде) балық шаруашылығын жүргiзу құқығын беру болып табылады. 3. Осы Ереженiң күші, қызметтiң аталған түрiн жүзеге асыруға рұқсаттар берудiң өзге тәртібін көздейтiн, ерекше қорғалатын табиғи аумақтарға қолданылмайды. 4. Конкурсты дайындау және өткізу жөніндегі ұйымдастыру iс-шараларын балық ресурстары мен басқа да су жануарларын қорғау, өсiмiн молайту және пайдалану саласындағы уәкiлеттi орган (бұдан әрi - уәкiлетті орган) мен оның аумақтық органдары облыстық атқарушы органдармен бiрлесiп жүзеге асырады. Халықаралық және республикалық маңызы бар балық шаруашылығы су тоғандарын (учаскелерiн) бекітіп беру бойынша Конкурсты осы Ережеге сәйкес Қазақстан Республикасының Үкіметі құратын комиссия жүргiзедi. Комиссияның құрамына: 1) уәкілеттi органның (комиссия төрағасы); 2) тиiстi облыстар әкiмдiктерiнiң (облыс әкімінiң орынбасарынан төмен емес); 3) балық ресурстары мен басқа да су жануарларын қорғау, өсiмiн молайту және пайдалану саласындағы ғылыми және басқа да мамандандырылған ұйымдардың (бұдан әрi - ғылыми ұйымдар); 4) уәкiлеттi орган аумақтық органының; 5) су қорын пайдалану және қорғау саласындағы уәкілеттi орган аумақтық органының өкiлдерi енгiзіледi. 5. Жергілікті маңызы бар су тоғандары бойынша Конкурс өткізу үшiн уәкілеттi орган құрамына уәкілетті орган аумақтық органының (Комиссия төрағасы), облыстық атқарушы органның, ғылыми ұйымдардың, су қорын пайдалану мен қорғау саласындағы уәкiлеттi органның, сондай-ақ басқа да мүдделi мемлекеттік органдардың өкiлдерi кiретiн Конкурс өткізу жөніндегі конкурстық комиссия (бұдан әрi - Комиссия) құрады. Комиссия мүшелерiнiң саны бес адамнан кем болмауы және тақ санды құрауы тиiс. Комиссияның шешiмi мәжілiске оның мүшелерiнiң кемiнде 2/3-і қатысуы шартымен көпшiлiк дауыспен қабылданады және хаттамамен ресiмделедi. 6. Уәкілетті орган және/немесе оның аумақтық органы Конкурс өткiзгенге дейiн: 1) Конкурстың өткiзілетін уақыты мен орнын; 2) конкурстық құжаттарды алатын орынды және алу тәртібін; 3) конкурстық өтiнiмдердi беру мерзiмiн; 4) Конкурсқа шығарылатын балық шаруашылығы су тоғандарының (учаскелерiнiң) санын, олардың орналасқан жерiн, шекарасы мен балық өнiмдiлiгiн айқындайды. Балық шаруашылығы су тоғандарын (учаскелерiн), олардың шекараларын белгілеудi уәкілетті орган және/немесе оның аумақтық органы ғылыми ұйымдардың ұсынымдары негiзiнде айқындайды. 7. Конкурсқа шаруашылықаралық балық шаруашылығы iсiн ұйымдастыру және биологиялық-экономикалық зерттеу негiзiнде балық шаруашылығын жүргiзу үшiн перспективалы деп танылған резервтiк қордың балық шаруашылығы су тоғандары (учаскелерi) шығарылады. Жануарлар дүниесiн пайдаланушыларға бекiтілген балық шаруашылығы су тоғандары (учаскелерi) облыстық атқарушы органдар оларға балық шаруашылығы су тоғандарын (учаскелерiн) бекітіп беру туралы шешiмдерiнiң күшін мынадай: 1) уәкілеттi органның аумақтық органы мен жануарлар дүниесiн пайдаланушылар арасында жасалған кәсiпшілiк балық аулау шартының және/немесе балық шаруашылығын жүргiзу шартының бұзылуы (тоқтатылуы); 2) сот шешiмінің заңдық күшiне енуi; 3) кәсiпшілік балық аулауға және/немесе балық шаруашылығын жүргiзуге арналып жасалған шарттардың талаптарын орындауға кедергi келтiретiн еңсерiлмейтін күш жағдаяттарының (форс-мажор) туындауы негіздемелерi бойынша жойған жағдайда Конкурсқа шығарылуы мүмкiн. 8. Уәкілетті орган және/немесе оның аумақтық органы кемiнде жиырма күнтiзбелiк күн бұрын республикалық немесе облыстық мәнi бар мерзiмдiк баспа басылымына алда болатын Конкурс туралы хабарландыру бередi. Балық шаруашылығы су тоғандарын (учаскелерiн) бекітіп беру бойынша Конкурс өткізу туралы хабарландыру Конкурстың өткiзілетiн орны, уақыты және оны өткізу шарттары мен конкурстық құжаттаманы алу туралы ақпаратты қамтуы тиiс. Республикалық және халықаралық мәнi бар балық шаруашылығы су тоғандарын (учаскелерiн) бекітіп беру бойынша Конкурс өткізу туралы хабарландыру кемiнде аптасына 5 рет шығарылатын және Қазақстан Республикасының барлық аумағында тарайтын мерзiмдi баспа басылымдарында жарияланады. 9. Конкурсқа қатысуға тiлек бiлдiрген жеке және заңды тұлғалар Конкурсқа қатысуға арналған конкурстық құжаттама алу үшiн уәкiлетті органның аумақтық органдарына жүгiнедi, осы Ереже талаптарына сәйкес конкурстық өтінім дайындайды және оны уәкілетті органның аумақтық органына: 1) қатысушының толық атауы және мекен-жайы (егер ол кешiккен болып хабарланса, конкурстық өтiнiмдi ашылмаған күйде қайтару мақсатында); 2) уәкілетті орган аумақтық органының мекен-жайы; 3) "Балық шаруашылығы су тоғандарын (учаскелерiн) бекітіп беру жөніндегі конкурс" деген сөздер көрсетiлген жабық конвертпен ұсынады. Конкурстық өтiнiм тiркелген сәттен бастап аталған өтінімді ұсынған тұлға Конкурсқа қатысушы болады. 10. Уәкiлеттi орган немесе оның аумақтық органдары конкурстық өтiнiмдер берудiң түпкiлiктi мерзiмi аяқталғанға дейiн жетi күнтiзбелiк күннен кем емес мерзiмде хаттама ресiмдеу жолымен конкурстық құжаттамаға өз бастамасымен өзгерістер енгiзе алады. Енгiзiлген өзгерістер конкурстық құжаттаманы алған Конкурсқа қатысушыға дереу хабарланады. 1) Конкурсқа қатысуға арналған белгiленген нысандағы өтiнiштi (1-қосымша); ҚР Үкіметінің 2006.06.02. № 68 қаулысымен 2) тармақша өзгертілді (бұр.ред.қара) (жарияланғаннан кейін он күнтізбелік күн өткен соң қолданысқа енгізіледі) 2) өтінiм берушінің Конкурсқа қатысушыға қойылатын білiктілiк талаптарына сәйкестігін растайтын құжаттарды (түпнұсқалары немесе нотариалды куәландырылған көшiрмелерi): жарғының нотариалды куәландырылған көшiрмесiн, мемлекеттік тiркеу куәлiгін, салық төлеушiнiң куәлiгiн; кәсіпкерлік қызметтің осы түрiн жүзеге асыруға құқық беретiн құжаттың нотариалды куәландырылған көшiрмесiн, жеке куәлiктi немесе паспортты және салық төлеушiнiң куәлiгiн; аулаушы және көліктік флоты, оның iшiнде шағын көлемдiсiн тiркеу туралы аумақтық көлiктiк бақылау органының анықтамасын; балық және басқа да су жануарларын аулау және қайта өңдеу жөніндегі негізгі құралдардың, технологиялық жабдықтардың және басқа материалдық-техникалық құралдардың болуы туралы нотариалды түрде куәландырылған құжаттардың көшірмесін; қорықшылық қызметті құру туралы бұйрықтың нотариалды куәландырылған көшiрмесiн; уәкiлетті органмен немесе оның аумақтық органымен келісілген өтiнiм берушiнiң басшысы бекiткен балық шаруашылығын дамыту жоспарын; салық төлеушінің салықтық берешегінің, міндетті зейнетақы жарналары мен әлеуметтік аударымдар бойынша берешегінің болмауы (болуы) туралы салық органының анықтамасын қамтиды.
1. Конкурстық өтiнiмдерi бар конверттердi ашу 12. Комиссия конкурстық өтiнiмдерi бар конверттерді белгiленген уақытта Конкурсқа қатысушының немесе оның өкiлiнiң қатысуымен ашады. Конкурсқа қатысушының немесе оның өкiлiнiң конкурстық өтiнiмдерi бар конверттердi ашу жөніндегі мәжіліске қатыспауы аталған қатысушының конкурстық өтiнiмiн қарамауға негіз болып табылмайды. 13. Конкурстық өтiнiмдерi бар конверттердi ашу кезiнде Комиссия хатшысы Конкурсқа қатысушы ұсынған құжаттаманың бар екендігі туралы, сондай-ақ олар үмiттенетiн балық шаруашылығы су тоғандары (учаскелерi) туралы ақпаратты хабарлайды. Конкурстық өтінімдерi бар конверттердi ашу нәтижелерi мәжіліске қатысқан барлық Комиссия мүшелерi қол қоятын конверттердi ашу хаттамасында көрсетіледi. 2. Конкурстық өтінiмдердi қарау және Конкурс қорытындыларын шығару 14. Балық шаруашылығы су тоғандарын (учаскелерiн) бекітіп беруге конкурстық өтiнiмдердi қарауды Комиссия конверттер ашылған сәттен бастап бес жұмыс күнi iшiнде жүргiзедi. Конкурсқа қатысушылар немесе олардың өкiлдерi Комиссияның конкурстық өтінiмдердi қарауы кезiнде қатыса алмайды. Бұл ретте, конкурстық өтiнiмдердi қарау барысында қажеттi мәселелердi түсiндiру үшiн Комиссия Конкурсқа қатысушыны түсiнiк беруге шақыруы немесе тапсырылған құжаттардың дұрыстығын растау үшiн тиiстi мемлекеттік органдарға жазбаша сұрау салу жiберуi мүмкiн. 15. Конкурсқа қатысушы осы Ереженiң 4-бөлiмiнде белгiленген біліктiлiк талаптарына сәйкес болуы тиiс. Конкурсқа қатысушының жоғарыда аталған біліктiлiк талаптарына сәйкестігін растайтын құжаттар болмаған немесе тиiстi дәрежеде ресімделмеген жағдайда мұндай қатысушы Конкурстың талаптарына сәйкес емес деп саналады және мұндай қатысушының өтінiмi қабылданбайды. 16. Егер Конкурсқа жiберiлген барлық қатысушылардың ұсыныстарын Комиссия Конкурс шарттарына жауап бермейдi деп таныса, Конкурс өтпеген болып танылуы мүмкiн. 17. Өткiзiлген Конкурстың қорытындыларын конкурстық комиссия конкурстық өтінімi бар конверттер ашылған күннен бастап он күнтізбелiк күн iшiнде шығарады. 18. Балық шаруашылығы су тоғандарын (учаскелерiн) бекітіп беру бойынша жеңiмпазды анықтауды Комиссия қатысушыны рейтингтiк бағалау негiзiнде жүргiзедi. Рейтингтік баға осы Ереженiң 4-бөлiмiнде көрсетiлген біліктiлiк талаптарына сәйкес белгіленедi. Рейтингтік бағаны белгілеу тәртібін уәкiлеттi орган бекiтедi. Жеңiмпазды анықтау кезiнде шарттар тең болған жағдайда бұрын осы су тоғандары (учаскелерi) бекітілiп берілген заңды және жеке тұлғалар, сондай-ақ негiзгі қызметi балық аулау және сонымен байланысты өндiрiс болып табылатын жергiлiктi жағалаулық аудандардағы заңды және жеке тұлғалар артықшылықты пайдаланады. 19. Конкурстың нәтижелерi Комиссия мәжілісiнiң хаттамасымен ресімделеді, Комиссияның барлық қатысқан мүшелерiнiң қолы қойылады және балық шаруашылығы су тоғандарын (учаскелерін) бекітіп беру бойынша шешiм қабылдау үшiн тиiстi облыстық атқарушы органдарға жiберiледi (2-қосымша). 20. Конкурстық орта болмаған жағдайда (бip үмiткердiң болуы), конкурсқа бiрден бiр қатысушы, егер ол конкурсқа қатысушыларға қойылатын барлық талаптарды сақтаса конкурстың жеңiмпазы деп танылуы мүмкiн. 21. Облыстық атқарушы орган хаттаманы алған күннен бастап бес күнтізбелік күн iшiнде облыстың әкiмшілiк шекаралары шегіндегі балық шаруашылығы су тоғандарын (учаскелерiн) пайдаланушыларға бекітіп беру туралы шешiм шығарады. 22. Облыстық атқарушы органның балық шаруашылығы су тоғандарын (учаскелерiн) бекітіп беру туралы шешiмiнiң негізiнде уәкiлеттi органның аумақтық органы мен жануарлар дүниесiн пайдаланушы арасында балық шаруашылығын жүргiзуге шарт жасалады. 4. Конкурсқа қатысушыларға қойылатын біліктiлiк талаптары 23. Конкурсқа қатысушыларға мынадай біліктілік талаптары қойылады: 1) шаруашылық қызметiнiң негiзгi бағыты балық шаруашылығын жүргiзу және/немесе сонымен байланысты өндiрiс болуы тиiс; 2) балық аулау (олжалау) және көлiк флотының, аулау құралдарының болуы; 3) балық өнімдерiн қайта өңдеу мен сақтауға арналған өндiрiстiк базаның, ағымдық мелиорация жүргiзу мен шабақтарды құтқаруға арналған техникалық құралдардың болуы; 4) жұмыстардың тiзбесi мен көлемi, оларды орындау мерзiмi және қаржыландыру көздерi көрсетiлген, өтiнiм берушiнiң басшысы бекiткен және уәкілеттi органмен немесе оның аумақтық органымен келiсілген балық шаруашылығын дамыту жоспары; 5) қорықшылық қызметтiң болуы; 6) салық берешегiнiң болмауы; 7) ғылыми-кәсiпшілiк, бақылаулық және спорттық-әуесқойлық аулауды жүзеге асыру үшiн уәкiлеттi орган мен ғылыми ұйымдарға сервитут ұсыну - өтінім берушiнiң бiрiншi басшысының қолы қойылған жазбаша мiндеттемемен расталады. Балық шаруашылығы су тоғандарын (учаскелерiн) бекітіп беру бойынша конкурс өткізу ережесіне және конкурсқа қатысушыларға қойылатын біліктiлiк талаптарына 1-қосымша Балық шаруашылығы су тоғандарын (учаскелерiн) бекітіп беру жөнінде конкурсқа қатысуға өтiнiш _____________________________________________________________ (су тоғандары, учаскелерi) бойынша балық шаруашылығы су тоғандарын (учаскелерiн) бекiтіп беру жөніндегі Конкурсқа қатысуға рұқсат етудi және қажеттi конкурстық құжаттаманы берудi сұраймын. 1. Өтінiм берушi туралы мәлiметтер (ұйымның атауы, ведомстволық тиесілiлiгi, деректемелерi, мекен-жайы)______________ __________________________________________________________________ 2._________________________________облысы әкiмдігінiң 20_жылғы "_" _____№_________ қаулысына және балық ресурстары мен басқа да су жануарларын қорғау, өсiмiн молайту және пайдалану саласындағы уәкілетті органмен жасалған 20_жылғы "__"______№___ келісімге сәйкес бұрын бекітілiп берiлген су тоғаны (учаске) (итбалық аулайтын орын)__________________________ 3. Өтiнiм берiлген балық шаруашылығы су тоғаны (учаскесi) 1)______________________________________________________ 2)______________________________________________________ 3)______________________________________________________ 4)______________________________________________________ 5)______________________________________________________ 4. Өтінiм берiлген балық шаруашылығы су тоғанын (учаскесiн) бекітіп беру мерзiмi ___________ жыл. Берiлген күнi 200__ жылғы "_"_______ Өтінiм берушi___________________________________ (аты-жөнi немесе ұйымның атауы) MО қолы_______________ Балық шаруашылығы су тоғандарын (учаскелерiн) бекітіп беру бойынша конкурс өткізу ережесіне және конкурсқа қатысушыларға қойылатын біліктiлiк талаптарына 2-қосымша Балық шаруашылығы су тоғандарын (учаскелерiн) бекітіп беру жөніндегі конкурстың №_______хаттамасы __________________________ "__"_______________200__ ж. Конкурстың басталу уақыты Конкурстың аяқталу уақыты______________ 1. Құрамында (аты-жөнi және лауазымын көрсету): ________________________ - комиссия төрағасы; ________________________ - комиссия хатшысы комиссия мүшелерi______________________________________бар ___________________________________________________________________ (конкурсты ұйымдастырушының конкурстық комиссия құру туралы актiсiн, құжаттың күнiн және нөмiрiн көрсету) бұйрығымен құрылған Конкурстық комиссия балық және басқа да су жануарларын алудың тн__лимитiмен____________бассейнi (cу тоғаны), оның iшiнде___________________бойынша балық шаруашылығы су тоғандарын (учаскелерiн) бекітіп беру жөнiнде конкурс өткiздi. 2. Балық шаруашылығы су тоғандарын (учаскелерiн) бекітіп беру жөніндегі конкурсқа (бұдан әрi - Конкурс)_______ конкурстық өтiнiмдер пакетi түсті. 3. Конкурстық комиссия ұсынылған конкурстық өтiнiмдердiң конкурсқа қатысушыларға қойылатын талаптарға сәйкестiгiн қарай келiп, қатысушылардың рейтингтік баға көрсеткiштерiн бағалай және пiкiр алмаса отырып, ШЕШТI: 1) Конкурсқа____ өтiнiм жiберiлсiн (өтінiм берiлген су тоғандарын (учаскелерiн) көрсете отырып, конкурсқа жiберілген қатысушылардың тiзiмi, қоса берілiп отыр); 2) Конкурсқа____ өтiнiм қабылданбасын (конкурстық өтінiмдердiң қайтарылған себептерi көрсетiле отырып, Конкурсқа жiберiлмеген қатысушылардың тiзiмi, қоса берiліп отыр); 3) балық және басқа да су жануарларын алуға квоталарымен (квоталарсыз) мынадай балық шаруашылығы су тоғандары (учаскелерi) табиғатты пайдаланушыларға бекітілiп берілсiн (балық және басқа да су жануарларын алуға квоталарымен (квоталарсыз) балық шаруашылығы су тоғандарының (учаскелерiнiң) тiзiмi, қоса берiлiп отыр). 4. Хаттаманың бiр данасы шешiм шығару_________облысының әкiмдiгiне жiберiлсiн. Қолдары:
Комиссия мүшелерi ___________________________ Қазақстан Республикасы Үкіметінiң 2005 жылғы 4 ақпандағы № 102 қаулысына қосымша Қазақстан Республикасы Үкіметінің күшi жойылған кейбір шешімдерінің тiзбесi 1. "Қазақстан Республикасының балық шаруашылығы су айдындарында балық кәсiпшiлігі учаскелерiн бекітіп беру және балық пен басқа да су жануарларын аулаудың лимиттерін бөлу жөнiндегі жекелеген мәселелер" туралы Қазақстан Республикасы Үкіметінiң 2000 жылғы 3 ақпандағы № 158 қаулысы. 2. "Қазақстан Республикасы Үкіметінiң 2000 жылғы 3 ақпандағы № 158 қаулысына өзгерістер енгізу туралы" Қазақстан Республикасы Үкіметінiң 2000 жылғы 22 ақпандағы № 276 қаулысы. 3. "Қазақстан Республикасы Үкіметінiң 2000 жылғы 3 ақпандағы № 158 қаулысына өзгерістер енгізу туралы" Қазақстан Республикасы Үкіметінiң 2001 жылғы 25 наурыздағы № 378 қаулысы. 4. "Қазақстан Республикасы Үкіметінiң 2000 жылғы 3 ақпандағы № 158 қаулысына өзгерістер енгізу туралы" Қазақстан Республикасы Үкіметінiң 2002 жылғы 14 наурыздағы № 304 қаулысы. 5. "Қазақстан Республикасы Үкіметінiң 2000 жылғы 3 ақпандағы № 158 қаулысына өзгерістер мен толықтырулар енгізу туралы" Қазақстан Республикасы Үкіметінiң 2003 жылғы 21 наурыздағы № 290 қаулысы. 6. "Қазақстан Республикасы Үкіметінің 1996 жылғы 4 желтоқсандағы № 1480 және 2000 жылғы 3 ақпандағы № 158 қаулыларына өзгерістер мен толықтырулар енгізу туралы" Қазақстан Республикасы Үкіметінiң 2003 жылғы 29 қарашадағы № 1204 қаулысының 1-тармағының 2) тармақшасы (Қазақстан Республикасының ПҮКЖ-ы, 2003 ж., № 45, 495-құжат). |