Қазақстан Республикасы Президентінің 2006 жылғы 1 наурыздағы «Қазақстанның әлемдегі бәсекеге барынша қабілетті елу елдің қатарына кіру стратегиясы» атты Қазақстан халқына Жолдауы мен Қазақстан Республикасы Үкіметінің 2006 - 2008 жылдарға арналған бағдарламасының негізгі ережелерін насихаттау және түсіндіру жөніндегі жұмысты ұйымдастыру туралы Қазақстан Республикасы Премьер-Министрінің 2006 жылғы 8 маусымдағы № 157-ө Өкімі

Қазақстан Республикасы Президентінің 2006 жылғы 1 наурыздағы «Қазақстанның
әлемдегі бәсекеге барынша қабілетті елу елдің қатарына кіру стратегиясы»
атты Қазақстан халқына Жолдауы мен Қазақстан Республикасы Үкіметінің
2006 - 2008 жылдарға арналған бағдарламасының негізгі ережелерін насихаттау
және түсіндіру жөніндегі жұмысты ұйымдастыру туралы
Қазақстан Республикасы Премьер-Министрінің 2006 жылғы 8 маусымдағы
№ 157-ө Өкімі

Қазақстан Республикасы Президентінің 2006 жылғы 1 наурыздағы «Қазақстанның әлемдегі бәсекеге барынша қабілетті елу елдің қатарына кіру стратегиясы» атты Қазақстан халқына Жолдауы (бұдан әрі - Жолдау) мен Қазақстан Республикасы Үкіметінің 2006 - 2008 жылдарға арналған бағдарламасын (бұдан әрі - Бағдарлама) насихаттау және түсіндіру жөнінде халық арасында мақсатқа бағытталған ақпараттық-саяси жұмыс жүргізу мақсатында:

1. Осы өкімге 1-қосымшаға сәйкес Қазақстан Республикасының Үкіметі мүшелерінің, Қазақстан Республикасы Үкіметінің құрамына кірмейтін орталық атқарушы органдар мен басқа да мемлекеттік органдар басшыларының бұқаралық ақпарат құралдарында Жолдау мен Бағдарламаның негізгі ережелерін насихаттау және түсіндіру жөніндегі сөз сөйлеу кестесі бекітілсін.

2. Осы өкімге 2-қосымшаға сәйкес құрамда Жолдау мен Бағдарламаның негізгі ережелерін насихаттау және түсіндіру жөніндегі ведомствоаралық ақпараттық-насихаттау топтары (бұдан әрі - АНТ) құрылсын.

АНТ-тың жетекшілері кемінде екі рет 2006 жылғы маусым - қарашада ел өңірлеріне шығуды және түсіндіру жұмысын жүргізуді ұйымдастырсын.