| ||||||||||||||||||||
|
|
|
Қазақстан Республикасының министрлiктерiнде, мемлекеттік комитеттерi (2000.07.06. берілген өзгерістерімен)
ҚР Үкіметінің 2006 жылғы 9 қарашадағы № 1072 Қаулысымен күші жойылды
Министрлiктерде, мемлекеттік комитеттер мен өзге де орталық атқарушы органдарда заң қызметiнiң ролiн арттыру, оның ұйымдық нығайтылуы мен құқықтық жұмысын жақсарту жөнiнде белгiлi бiр жұмыс iстейдi. Жекелеген министрлiктер мен өзге де орталық атқарушы органдар заң қызметiнiң санын көбейтiп қана қоймай, дербес құрылымдық бөлiмшелер құруға, салаға құқықтық қызмет көрсету жүйесiн қайта ұйымдастыруға шаралар қолданды. Заңгерлер орталық атқарушы органдарда және оларға бағынысты кәсiпорындар мен ұйымдарда, құқықтық мәселелер бойынша консультанттар болып қана қоймай, қызметтiң барлық учаскелерiнде заңдылықты қамтамасыз ету және құқықтық құралдарды тиiмдi пайдалану жөніндегі жұмысты ұйымдастырушы болып табылады. Бiрақ министрлiктердiң, мемлекеттік комитеттер мен өзге де орталық атқарушы органдардың бәрiнде бiрдей заң қызметi жұмысының жоғары деңгейi қамтамасыз етiлмеген. Құқықтық жұмыстың маңызын бағаламау, заң консультанттарын мақсатсыз пайдалану фактiлерi әлi де жойылған жоқ. Басқару аппаратының штат санын заң консультанттары есебiнен қысқарту жағдайларына жол берiледi. Заң консультанттары басқа құрылымдық бөлiмшелер басшыларына қаншалықты бағынатын болса, олардың ролiнiң соншалықты төмендеуi фактiлерi орын алуда. Заң білімi жоқ адамдардың заңгер болып жұмыс iстейтiнi жиi кездеседi. Заң қызметiне орталық атқарушы органдардың басшылары тарапынан көңiл бөлудiң жоқтығы салдарынан мемлекеттiң мүлiктiк және басқа мүдделерiн қорғауды тиiстi деңгейде қамтамасыз етпейдi. Дебиторлық және кредиторлық берешектердi жоюда олардың ролi әлсiз. Заңсыз ведомстволық құқықтық актiлер шығарудың, құқықсыз шешiмдер қабылдаудың көптеген фактiлері әлi де орын алуда. Заң қызметi құқықтық білімдi насихаттаумен, ведомствоға қарасты ұйымдарға құқықтық және әдiстемелiк көмек көрсетумен жеткiлiксiз шұғылданады. Құқықтық жұмыстарды жақсарту, заң қызметiнiң ролiн арттыру, заңдылық пен құқық тәртібін нығайтуға оның ықпалын күшейту мақсатында Қазақстан Республикасының Үкіметі қаулы етедi: 1. Қазақстан Республикасының министрлiктерiнiң, мемлекеттік комитеттерi мен өзге де орталық атқарушы органдарының басшылары құқықтық жұмысты ұйымдастырудағы елеулi кемшiлiктерге назар аударсын. 2. Қазақстан Республикасының министрлiктерiнiң, мемлекеттік комитеттерi мен өзге де орталық атқарушы органдарының басшылары: алқа жиналысында құқықтық жұмыстың жай-күйi туралы мәселенi талқыласын; мемлекеттік басқару органдары мен олардың ведомствоға қарасты кәсiпорындарының, ұйымдарының заң қызметi туралы ережесiнiң талаптарын орындауды қамтамасыз етсiн; заң қызметтерiнiң мәртебесiн арттыру, олардың жұмысын өзiне тән емес функцияларды орындаудан босата отырып тәртiпке келтiру жөніндегі шараларды iске асырсын; заң консультанттары қызметтерiн қысқарту практикасы тоқтатылсын; заң қызметтерiн кадрлармен қамтамасыз етуге және нығайтуға шаралар қабылдасын; заң консультанттарына талапты арттырсын, олардың жұмысына қажеттi жағдайлар жасасын, министрлiктердiң, мемлекеттік комитеттер мен өзге де орталық атқарушы органдардың қызметiнде заңдылықты нығайтудағы және олардың мүлiктiк және басқа мүдделерiн қорғаудағы заң қызметтерiне белсендi қатысуды қамтамасыз етсiн; Қазақстан Республикасының Конституциясын және қолданылып жүрген заңды кеңiнен насихаттау мен түсiндiрудi, жалпыға бiрдей құқықтық оқуды ұйымдастыру мен өткiзудi қамтамасыз етсiн; ведомствоға қарасты кәсiпорындар мен ұйымдардағы құқықтық жұмыс жағдайына басшылық ету мен бақылау жасау жөніндегі шараларды әзiрлеп, бекiтсiн, олардың заң қызметтерiне тұрақты түрде әдiстемелiк және ұйымдық көмек көрсетсiн; ведомстволық нормативтiк актiлердi қолданылып жүрген заңдарға сәйкес келуiне қарай қайта қарасын және белгiленген тәртiппен Қазақстан Республикасының Әдiлет министрлігіне тiркеуге ұсынсын. 3. ҚР Үкіметінің 2000.07.06. № 868 қаулысымен 3-тармақтың күші жойылды 4. Қазақстан Республикасының Әдiлет министрлігі: министрлiктердегi, мемлекеттік комитеттер мен өзге де орталық атқарушы органдардағы құқықтық жұмысқа әдiстемелiк басшылықты күшейтсiн; министрлiктерде, мемлекеттік комитеттер мен өзге де орталық атқарушы органдарда құқықтық жұмысты ұйымдастыруды зерделесiн және жылына екi рет Қазақстан Республикасының Үкіметіне хабарласын; Қазақстан Республикасының Үкіметі жанындағы мемлекеттік қызметшiлердi қайта даярлау мен олардың біліктiлiгiн арттыру институтымен бiрлесiп 1996-1997 жылдары орталық және жергiлiктi атқарушы органдардың, олардың ведомстволарына қарасты кәсiпорындар мен ұйымдардың заң қызметтерi қызметкерлерiн құқықтық оқытуды ұйымдастырсын. Қазақстан Республикасының Премьер-Министрi
Доступ к документам и консультации
от ведущих специалистов |