«Өсімдік шаруашылығындағы міндетті сақтандыруды қолдау үшін бөлінетін ақшаны пайдалану қағидаларын бекіту туралы» Қазақстан Республикасы Үкіметінің 2006 жылғы 29 қарашадағы № 1133 Қаулысы (2013.11.11. берілген өзгерістер мен толықтыруларымен) (күші жойылды)

Өсімдік шаруашылығындағы міндетті сақтандыруды қолдау үшін бөлінетін ақшаны пайдалану қағидаларын бекіту туралы
Қазақстан Республикасы Үкіметінің 2006 жылғы 29 қарашадағы № 1133 Қаулысы

(2013.11.11. берілген өзгерістер мен толықтыруларымен)

ҚР Үкіметінің 2015 жылғы 29 желтоқсандағы № 1108 Қаулысымен күші жойылды

ҚР Үкіметінің 2013.11.11. № 1195 Қаулысымен тақырыбы жаңа редакцияда (бұр.ред.қара)

«Өсімдік шаруашылығындағы міндетті сақтандыру туралы» Қазақстан Республикасының 2004 жылғы 10 наурыздағы Заңына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Өсімдік шаруашылығындағы міндетті сақтандыруды қолдау үшін бөлінетін ақшаны пайдалану ережесі бекітілсін.

ҚР Үкіметінің 2007.30.06. № 554 Қаулысымен 2-тармақ жаңа редакцияда (бұр.ред.қара); ҚР Үкіметінің 2008.13.05. № 450  (бұр. ред. қара); 2009.02.07. № 1024 (бұр.ред.қара); ҚР Үкіметінің 2010.20.07. № 741 (бұр.ред.қара); 2011.15.07. № 805 (бұр.ред.қара) Қаулыларымен; 2012.16.08. № 1054 Қаулысымен (бұр.ред.қара) 2-тармақ жаңа редакцияда

2. Агенттің 2012 жылға арналған қызметіне ақы төлеу 64520000 (алпыс төрт миллион бес жүз жиырма мың) теңге мөлшерінде бекітілсін.

ҚР Үкіметінің 2007.30.06. № 554 (бұр.ред.қара); 2008.13.05. № 450 (бұр. ред. қара); 2009.02.07. № 1024 (бұр.ред.қара); 2010.20.07. № 741 (бұр.ред.қара); 2011.15.07. № 805 (бұр.ред.қара) Қаулыларымен 3-тармақ өзгертілді; ҚР Үкіметінің 2012.16.08. № 1054 Қаулысымен 3-тармақ жаңа редакцияда (бұр.ред.қара)

3. Қазақстан Республикасы Ауыл шаруашылығы министрлігі өсімдік шаруашылығы саласындағы уәкілетті мемлекеттік орган мен агент арасында жасалған шартқа сәйкес оны жасасқаннан кейін күнтізбелік 15 күн ішінде агроөнеркәсіптік кешенді дамытуды мемлекеттік қолдау үшін «2012 - 2014 жылдарға арналған республикалық бюджет туралы» Қазақстан Республикасының Заңында көзделген қаражат есебінен агент қызметіне ақы төлеуді жүзеге асырсын.

4. ҚР Үкіметінің 2010.17.05. № 425 Қаулысымен күші жойылды (бұр.ред.қара)

5. «Арнайы шоттағы ақшаны пайдалану және уақытша бос қаражатты орналастыру ережесін бекіту туралы» Қазақстан Республикасы Үкіметінің 2004 жылғы 17 қыркүйектегі № 973 қаулысының (Қазақстан Республикасының ПҮКЖ-ы, 2004 ж., № 35, 463-құжат) күші жойылды деп танылсын.

6. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

Қазақстан Республикасы

Үкіметінің

2006 жылғы 29 қарашадағы

№ 1133 қаулысымен

бекітілген

ҚР Үкіметінің 2010.08.10. № 1042 қаулысымен бүкіл мәтіндегі «сақтандырушыға», «сақтандырушының», «сақтандырушы», «сақтандырушылармен», «сақтандырушымен» деген сөздерден кейін тиісінше «немеме өзара сақтандыру қоғамына», «немесе өзара сақтандыру қоғамының», «немесе өзара сақтандыру қоғамы», «немесе өзара сақтандыру қоғамдарымен», «немесе өзара сақтандыру қоғамымен» деген сөздермен толықтырылды (бұр.ред.қара)

Өсімдік шаруашылығындағы міндетті сақтандыруды қолдау үшін

бөлінетін ақшаны пайдалану

ережесі

1. Жалпы ережелер

1. Осы Ереже «Өсімдік шаруашылығындағы міндетті сақтандыру туралы» Қазақстан Республикасының 2004 жылғы 10 наурыздағы Заңына сәйкес өсімдік шаруашылығындағы міндетті сақтандыруды қолдау үшін бөлінетін ақшаны пайдалану тәртібін реттейді.

ҚР Үкіметінің 2010.08.10. № 1042 қаулысымен 2-тармақ өзгертілді (бұр.ред.қара)

2. Өсімдік шаруашылығындағы міндетті сақтандыруды қолдау үшін бөлінетін бюджет қаражаты және уақытша бос ақшаны Қазақстан Республикасы Ұлттық Банкіндегі (бұдан әрі - Ұлттық Банк) депозиттерге және мемлекеттік бағалы қағаздарға орналастырудан түскен кірістер есептелетін Ұлттық Банктегі шоттағы ақша мынадай мақсаттарда пайдаланылады:

1) қолайсыз табиғат құбылыстарының нәтижесінде туындаған сақтандыру жағдайлары бойынша сақтандырушыға немеме өзара сақтандыру қоғамына сақтандыру төлемдерінің елу пайызын өтеуге;

2) уақытша бос қаражатты Ұлттық Банктегі депозиттерге және мемлекеттік бағалы қағаздарға орналастыруға.

2. Ағымдағы шоттан ақшаны пайдалану тәртібі

ҚР Үкіметінің 2007.30.06. № 554 Қаулысымен 3-тармақ өзгертілді (бұр.ред.қара)

3. Агент ағымдағы шоттан сақтандырушының немесе өзара сақтандыру қоғамының банктік шотына сақтандыру төлемдерінің бір бөлігін өтеу сомасын аудару үшін Ұлттық Банкке өтемді төлеуге арналған төлем тапсырмасын береді.

4. Сақтандырушы немесе өзара сақтандыру қоғамы ағымдағы шоттан ақшаны алғаннан кейін 5 жұмыс күні ішінде агенттің сақтандыру төлемінің бір бөлігін өтеу сомалары бойынша агентпен салыстырып тексеру актісін үш данада ресімдейді.

5. Тоқсан сайын есептіден кейінгі айдың 20-күнінен кешіктірмей агент өсімдік шаруашылығы саласындағы уәкілетті органға осы Ережеге 1 және 2-қосымшаларға сәйкес нысандар бойынша сақтандыру төлемдерінің бір бөлігіне жүргізілген өтемдер туралы мынадай құжаттарды ұсына отырып, есептер береді:

Сақтандырушылармен немесе өзара сақтандыру қоғамы жасалған салыстырып тексеру актісі;

жүргізілген өтем төлемдері туралы ағымдағы шоттан үзінді көшірме;

өтемдерді төлеуге арналған төлем құжаттарының көшірмелері.

6. Сақтандырушы немесе өзара сақтандыру қоғамы агентке көрінеу жалған мәліметтер хабарлаған және (немесе) ұсынған жағдайда агент сақтандырушыға немеме өзара сақтандыру қоғамына жүргізілген сақтандыру төлемінің бір бөлігін өтеуден бас тартады.

7. Агент ағымдағы шоттан түсетін қаражаттың түсімдері және оларды пайдалану жөніндегі операцияларды бухгалтерлік есепке алуды жарғылық қызмет нәтижелерінен оқшау жүргізеді.

8. Қаржы жылының соңындағы ағымдағы шоттағы қаражат қалдықтары өсімдік шаруашылығы саласындағы уәкілетті мемлекеттік органға және тиісінше бюджетке қайтаруға жатпайды.

ҚР Үкіметінің 2010.08.10. № 1042 қаулысымен 9-тармақ жаңа редакцияда (бұр.ред.қара)

9. Агент өсімдік шаруашылығы саласындағы уәкілетті органмен келісім бойынша ағымдағы шоттан бос қаражатты:

1) Ұлттық Банкпен салым операцияларын жүзеге асыру кезінде пайдаланылатын стандартты шарттар туралы бас келісім жасасу жолымен Ұлттық Банктегі депозиттік шоттарға;

2) Қазақстан Республикасының бағалы қағаздар нарығы туралы заңнамасына сәйкес мемлекеттік бағалы қағаздарда орналастырады.

ҚР Үкіметінің 2010.08.10. № 1042 қаулысымен 10-тармақ өзгертілді (бұр.ред.қара)

10. Уақытша бос қаражатты депозиттерге және мемлекеттік бағалы қағаздарға орналастырудан алынған кірістер ағымдағы шотқа есептеледі.

11. Агенттің қызметін бақылауды уәкілетті мемлекеттік органдар Қазақстан Республикасының заңнамасына сәйкес жүзеге асырады.

ҚР Үкіметінің 2010.08.10. № 1042 қаулысымен 1-қосымша өзгертілді (бұр.ред.қара)

Өсімдік шаруашылығындағы міндетті

сақтандыруды қолдау үшін бөлінетін

ақшаны пайдалану ережесіне

1-қосымша

20_жылғы «___» _______ 20_жылғы «___» _______

дейінгі кезеңдегі агенттің ағымдағы шоты бойынша ақшаның

қозғалысы туралы есеп

                                                                                                                                                 (теңгемен)

ҚР Үкіметінің 2010.08.10. № 1042 қаулысымен 2-қосымша өзгертілді (бұр.ред.қара)

Өсімдік шаруашылығындағы міндетті

сақтандыруды қолдау үшін бөлінетін

ақшаны пайдалану ережесіне

2-қосымша

Өсімдік шаруашылғындағы міндетті сақтандыру туралы

20 _ жылғы «___»________ жағдай бойынша есеп

(теңгемен)