«Әлеуметтік-кәсіпкерлік корпорациялар құру және олардың қызметін қамтамасыз ету жөніндегі шаралар туралы» Қазақстан Республикасы Президентінің 2007 жылғы 13 қаңтардағы № 274 Жарлығы (2008.20.07. берілген өзгерістер мен толықтыруларымен)

Қазақстан Республикасы Президентінің  Жарлығы
 
Әлеуметтік-кәсіпкерлік корпорациялар құру және олардың қызметін
қамтамасыз ету жөніндегі шаралар туралы

(2008.20.07. берілген өзгерістер мен толықтыруларымен)

Осы Жарлықты іске асыру мақсатында ҚР Үкіметінің 2007.15.01. № 22 Қаулысын қара

Индустриялық-инновациялық саясат аясында өңірді дамытудың тиімділігін арттыру мақсатында қаулы етемін:

1. Қазақстан Республикасының Үкіметі заңнамада белгіленген тәртіппен:

1) пилоттық жоба ретінде жарғылық капиталына мемлекет жүз процент қатысатын «Сарыарқа» әлеуметтік-кәсіпкерлік корпорациясы» ұлттық компаниясы» акционерлік қоғамын (бұдан әрі - «Сарыарқа» ӘКК» ҰК» АҚ) құрсын және оның орналасу орнын Астана қаласы деп айқындасын;

ҚР Президентінің 2008.20.07 № 632 Жарлығымен 2) тармақша өзгертілді (бұр.ред.қара)