«Солтүстік Қазақстан облысы Петропавл қаласының бас жоспары туралы» Қазақстан Республикасы Үкіметінің 2007 жылғы 6 наурыздағы № 168 Қаулысы (күші жойылды)

Солтүстік Қазақстан облысы Петропавл қаласының бас жоспары туралы
Қазақстан Республикасы Үкіметінің 2007 жылғы 6 наурыздағы № 168 Қаулысы

ҚР Үкіметінің 2022 жылғы 22 қыркүйектегі № 722 Қаулысымен күші жойылды

«Қазақстан Республикасындағы сәулет, қала құрылысы және құрылыс қызметі туралы» Қазақстан Республикасының 2001 жылғы 16 шілдедегі Заңына сәйкес және Солтүстік Қазақстан облысы Петропавл қаласының кешенді дамуын қамтамасыз ету мақсатында Қазақстан Республикасының Үкіметі ҚАУЛЫ ЕТЕДI:

1. Қоса беріліп отырған Солтүстік Қазақстан облыстық мәслихаты мақұлдаған Солтүстік Қазақстан облысы Петропавл қаласының бас жоспарының жобасы бекітілсін.

2. «Петропавл қаласын дамытудың бас жоспары туралы» Қазақ КСР Министрлер Кеңесінің 1984 жылғы 29 наурыздағы № 120 қаулысының күші жойылды деп танылсын.

3. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2007 жылғы 6 наурыздағы

№ 168 бекітілген Қаулысымен

Петропавл қаласының бас жоспары

1. Бас жоспардың қызметi

Солтүстік Қазақстан облысының орталығы - Петропавл қаласының бас жоспары аймақтандыруды, аумақты жоспарлау құрылымын және функционалдық ұйымдастыруды, көліктік және инженерлік коммуникация жүйелерін, көгалдандыру және абаттандыруды белгілейтін қаланың қосымша құрылысын кешендік жоспарлауды анықтайтын қала құрылысының негізгі құжаты болып табылады.

Петропавл қаласының бас жоспары «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасының Заңына сәйкес әзірленді.

Бас жоспарда келесі жобалық кезеңдер қабылданды:

шығыс жыл - 2003 ж. (01.01.2004)

есептік мерзім - 2004-2015 ж.ж. (2004-2008 ж.ж. құрылыстың бірінші кезегін бөле отырып)