Қолданыстағы заңнаманы сыбайлас жемқорлыққа қарсы іс-қимыл бөлігінде жетілдіру мәселелері жөнінде ведомствоаралық комиссия құру туралы
Қазақстан Республикасы Үкіметінің 2007 жылғы 14 наурыздағы № 193 Қаулысы
(2011.30.05. берілген өзгерістер мен толықтыруларымен)
ҚР Үкіметінің 2014 жылғы 9 сәуірдегі № 329 Қаулысымен күші жойылды
Сыбайлас жемқорлыққа қарсы күрес жөніндегі заңнаманы жетілдіру мақсатында Қазақстан Республикасының Үкіметі ҚАУЛЫ ЕТЕДI:
1. Қосымшаға сәйкес құрамда Қолданыстағы заңнаманы сыбайлас жемқорлыққа қарсы іс-қимыл бөлігінде жетілдіру мәселелері жөніндегі ведомствоаралық комиссия (бұдан әрі - Комиссия) құрылсын.
2. Қоса беріліп отырған Комиссия туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | Д. Ахметов |
ҚР Үкіметінің 2007.18.04. № 309 (бұр.ред.қара); 2007.05.10. № 905 (бұр.ред.қара); 2008.07.04. № 323 (бұр.ред.қара); 2008.16.06. № 587 (бұр.ред.қара); 2008.24.12. № 1248 (бұр.ред.қара); 2009.15.05. № 728 (бұр.ред.қара); 2009.29.10. № 1707 (бұр.ред.қара); 2010.23.06. № 632 (бұр.ред.қара); 2011.30.05. № 600 Қаулысымен (бұр.ред.қара) Қаулыларымен құрам өзгертілді
Қазақстан Республикасы
Үкіметінің
2007 жылғы 14 наурыздағы
№ 193 қаулысына
қосымша
Қолданыстағы заңнаманы сыбайлас жемқорлыққа қарсы іс-қимыл бөлігінде жетілдіру
мәселелері жөніндегі ведомствоаралық комиссияның құрамы
| Түсіпбеков Рашид Төлеутайұлы | - Қазақстан Республикасының Әділет министрі, төраға |
| Лукин Андрей Иванович | - Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының орынбасары, төрағаның орынбасары (келісім бойынша) |
| Темірболатов Серік Ғабдоллаұлы | - Қазақстан Республикасының Парламенті Мәжілісінің депутаты (келісім бойынша) |
| Тұрмағамбетов Мәжит Әбдіхалықұлы | - Қазақстан Республикасының Қоршаған ортаны қорғау вице-министрі |
| Нұрымбетов Біржан Бидайбекұлы | - Қазақстан Республикасының Еңбек және халықты әлеуметтік қорғау вице-министрі |
| Дәулеталин Сатыбалды Телағысұлы | - Қазақстан Республикасы Парламенті Мәжілісінің Аппарат Басшысының орынбасары (келісім бойынша) |
| Рахметов Саттар Мұқанұлы | - Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) Қаржы полициясы академиясының Ғылыми-зерттеу орталығы және адъюнктура бастығы, заң ғылымдарының докторы, профессор (келісім бойынша) |
| Баймаханов Мұрат Тәжімұратұлы | - «Қазақ гуманитарлық заң университеті» акционерлік қоғамы Ғылыми сараптама және талдау институтының директоры, заң ғылымдарының докторы, профессор, Қазақстан Республикасы Ұлттық ғылым академиясының академигі (келісім бойынша) |
| Бабушкин Михаил Федорович | - Қазақстан Республикасы Жоғарғы Сотының судьясы (отставкада) (келісім бойынша) |
| Құсдәулетов Дулат Рашитұлы | - Қазақстан Республикасының Әділет вице-министрі, төрайымның орынбасары |
| Ақылбай Серік Байсейітұлы | - Қазақстан Республикасы Парламентінің Сенатының депутаты (келісім бойынша) |
| Ищанов Қайрат Қыдырбайұлы | - Қазақстан Республикасы Парламентінің Сенаты, Қаржы және бюджет комитетінің төрағасы (келісім бойынша); |
| Рахманбердиев Орынбай | - Қазақстан Республикасы Парламентінің Сенаты Халықаралық істер, қорғаныс және қауіпсіздік комитетінің мүшесi |
| Көмекбаев Әли Амантайұлы | - Қазақстан Республикасы Мемлекеттік қызмет істері агенттігі төрағасының орынбасары |
| | |
| Тәжияқов Бисенғали Шамғалиұлы | - Қазақстан Республикасы Ұлттық Банкі Төрағасының орынбасары |
| Кравченко Андрей Николаевич | - Қазақстан Республикасы Бас прокуратурасы Мемлекеттік органдар қызметіндегі заңдылықты қадағалау департаментінің бастығы |
| Жұмағұлов Ерлан Әскерұлы | - Қазақстан Республикасы Әділет министрлігі Заңнама департаментінің Директоры |
| Мәуленов Ғазиз Сырбайұлы | - Қазақ гуманитарлық заң университеті қылмыстық-құқықтық пәндер кафедрасының меңгерушісі, заң ғылымдарының докторы, профессор; |
| Жалмағамбетова Светлана Жақиянқызы | - Қазақстан Республикасының Парламенті Сенатының депутаты (келісім бойынша) |
| Айтжанов Дулат Нулиұлы | - Қазақстан Республикасының Ауыл шаруашылығы вице-министрі |
| Құдайбергенов Ескендір Көпбосынұлы | - Қазақстан Республикасы Табиғи монополияларды реттеу агенттігі төрағасының орынбасары |
| Ескендіров Абай Мұқашұлы | - Қазақстан Республикасынық Экономикалық даму және сауда вице-министрі, |
| Үкібаев Ермек Елеуханұлы | - Қазақстан Республикасы Республикалық ұланы қолбасшысының бірінші орынбасары (келісім бойынша) |
| Тәжияқов Бисенғали Шамғалиұлы | - Қазақстан Республикасы Ұлттық Банкі Төрағасының орынбасары (келісім бойынша) |
| Абайділдин Талғатбек Жәмшитұлы | - Қазақстан Республикасының Парламенті Сенатының депутаты (келісім бойынша) |
| Турецкий Николай Николаевич | - Қазақстан Республикасының Парламенті Мәжілісінің депутаты (келісім бойынша) |
| Мамытбеков Еділ Құламқадырұлы | - Қазақстан Республикасының Индустрия және сауда вице-министрі |
| Бөрібаев Асқар Исмайылұлы | - Қазақстан Республикасының Мәдениет вице-министрі; |
| Құрманғалиев Әсет Қабиұлы | - Қазақстан Республикасы Қорғаныс министрінің орынбасары, |
| Дүйсембаев Еркін Сейдеғалиұлы | - Қазақстан Республикасының Көлік және коммуникация вице-министрі |
| Әшитов Батыржан Зайырқанұлы | - «Нұр Отан» халықтық демократиялық партиясы Партиялық бақылау комитетінің инспекторы (келісім бойынша) |
| Сарыбеков Махметғали Нұрғалиұлы | - Қазақстан Республикасының Білім және ғылым вице-министрі, |
| Күреңбеков Амантай Жәнкеұлы | - Қазақстан Республикасы Ішкі істер министрінің орынбасары |
| Әбдібеков Нұрмұхамбет Қанапияұлы | - Қазақстан Республикасының Индустрия және жаңа технологиялар вице-министрі; |
| Бұсұрманов Жұмабек Дүйсешұлы | - «Қазақстан Республикасы Заң шығару институты» мемлекеттік мекемесінің директоры, заң ғылымдарының докторы, Заң ғылымдары академиясының академигі, хатшы; |
| Мизанбаев Өсер Елеусізұлы | - Қазақстан Республикасы Ұлттық қауіпсіздік комитеті төрағасының бірінші орынбасары (келісім бойынша); |
| Аман Евгений Иосифович | - Қазақстан Республикасы Ауыл шаруашылығы министрлігінің жауапты хатшысы; |
| Әбсеметов Дінмұхамед Бақытжанұлы | - «Атамекен» Одағы» Қазақстанның ұлттық экономикалық палатасы заң департаментінің директоры (келісім бойынша); |
| Сәрсенов Сәкен Сейітжаппарұлы | - Қазақстан Республикасының Байланыс және ақпарат вице-министрі |
Қазақстан Республикасы
Үкіметінің
2007 жылғы 14 наурыздағы
№ 193 қаулысымен
бекітілген
Қолданыстағы заңнаманы сыбайлас жемқорлыққа қарсы іс-қимыл бөлігінде жетілдіру
мәселелері жөнінде ведомствоаралық комиссия құру туралы
ереже
1. Жалпы ережелер
1. Қолданыстағы заңнаманы сыбайлас жемқорлыққа қарсы іс-қимыл бөлігінде жетілдіру мәселелері жөнінде ведомствоаралық комиссия (бұдан әрі - Комиссия) Қазақстан Республикасы Үкіметінің жанындағы консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасының Президенті мен Үкіметінің актілерін және өзге де нормативтік құқықтық актілерді, сондай-ақ осы Ережені басшылыққа алады.
2. Комиссияның міндеттері мен құқықтары
3. Комиссияның негізгі міндеттері:
1) сыбайлас жемқорлық құқық бұзушылықтарды жасағаны үшін жағдай туғызатын нормалардың болу мәніне қолданыстағы заңнаманы талдауды қарау қорытындылары бойынша;
2) қолданыстағы заңнамаға сыбайлас жемқорлыққа қарсы іс-қимыл бөлігінде өзгерістер мен толықтырулар енгізу жөнінде ұсыныстар әзірлеу болып табылады.
4. Өз міндеттеріне сәйкес Комиссияның:
1) Комиссияның құзыретіне кіретін мәселелер бойынша орталық атқарушы және басқа да мемлекеттік органдармен және ұйымдармен өзара іс-қимыл жасауға;
2) Комиссияның құзыретіне кіретін мәселелер бойынша Қазақстан Республикасы мемлекеттік органдарының және ұйымдарының өкілдерін шақыруға және тыңдауға;
3) заңнамада белгіленген тәртіппен мемлекеттік және басқа да ұйымдардан Комиссияның міндеттерін іске асыру үшін қажетті материалдарды сұратуға және алуға құқығы бар.
3. Комиссияның қызметін ұйымдастыру
5. Комиссияның төрағасы оның қызметіне басшылық жасайды, отырыстарына төрағалық етеді, жұмысын жоспарлайды, шешімдерінің іске асырылуына жалпы бақылауды жүзеге асырады. Төраға болмаған уақытта оның функциясын орынбасары атқарады.
6. Комиссияның жұмыс органы Қазақстан Республикасы Әділет министрлігі болып табылады.
7. Жұмысты ұйымдастыруды, тиісті құжаттарды, материалдарды дайындауды және Комиссияның отырысынан кейін хаттаманы ресімдеуді Комиссияның хатшысы жүзеге асырады.
Комиссия отырыстарының материалдары Комиссия отырысын өткізуге дейін кемінде 3 жұмыс күнінен кешіктірмей Комиссия мүшелеріне жібереді.
8. Комиссия отырысы күнтізбелік жылғы айдың үшінші дүйсенбісінде, қажет болған кезде Комиссия төрағасы белгілейтін өзге де күндерде өткізіледі. Комиссияның отырысы Комиссия мүшелерінің жалпы санынан кемінде жартысы қатысқан кезде заңды деп есептеледі.
9. Отырыстардың күн тәртібі, сондай-ақ олардың өтетін орны мен уақытын Комиссия мүшелерінің келісімі бойынша Комиссия төрағасы белгілейді және нақтылайды.
10. Комиссияның шешімдері ашық дауыс беру арқылы қабылданады және егер олар үшін Комиссия мүшелерінің жалпы санының көпшілігі дауыс берсе, қабылданды деп есептеледі, Комиссия отырысының хаттамасымен ресімделеді және ұсынымдық сипатта болады. Дауыстар тең болған жағдайда, төраға дауыс берген шешім қабылданды деп есептеледі.
Комиссия мүшелерінің ерекше пікірге құқығы бар, оны білдірген жағдайда, жазбаша түрде жазылуы және Комиссияның хаттамасына қоса берілуі тиіс.
11. Комиссия өз қызметін Қазақстан Республикасы Үкіметінің шешімі негізінде тоқтатады.
