(БҰРЫНҒЫ РЕДАКЦИЯ) ҚР ТАБИҒИ МОНОПОЛИЯЛАРДЫ РЕТТЕУ АГЕНТТІГІ...

Аэронавигация қызметтерін көрсететін табиғи монополия субъектілерінің табыстарды, шығындар мен іске қосылған активтерді бөлектеп есепке алуды жүргізу ережесін бекіту туралы
Қазақстан Республикасы Табиғи монополияларды реттеу агенттігі Төрағасының
2004 жылғы 15 қарашадағы № 448-НҚ бұйрығы

Осы редакция 2007 ж. 04 сәуірдегі енгізілген өзгерістеріне дейін қолданылды

Қазақстан Республикасы Үкіметінің 2002 жылғы 15 қазандағы № 1126 қаулысымен бекітілген Табиғи монополиялар субъектілерінің тарифтік саясатын жетілдірудің 2002-2004 жылдарға арналған бағдарламасын іске асыру жөніндегі іс-шаралар жоспарының 49-тармағына және Қазақстан Республикасы Үкіметінің 2004 жылғы 28 қазандағы № 1109 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 9-тармағының 3) тармақшасына сәйкес Бұйырамын:

1. Қоса беріліп отырған Аэронавигация қызметтерін көрсететін табиғи монополия субъектілерінің табыстарды, шығындар мен іске қосылған активтерді бөлектеп есепке алуды жүргізу ережесі (бұдан әрі - Ереже) бекітілсін.

2. Аэронавигация қызметтерін көрсететін табиғи монополия субъектілері:

1) табиғи монополиялар туралы заңнамаға сәйкес реттелетін аэронавигация қызметтерінің түрлері бойынша әзірленген табыстарды, шығындар мен іске қосылған активтерді бөлектеп есепке алуды жүргізу әдістемесін келісуге Қазақстан Республикасы Табиғи монополияларды реттеу агенттігіне 2005 жылғы 1 мамырға дейінгі мерзімде ұсынсын;

2) Қазақстан Республикасы Табиғи монополияларды реттеу агенттігіне:

2006 жылғы 15 тамызға 2006 жылғы бірінші жарты жылдық үшін өндірістік процестердің топтары бойынша есептілікті;

2007 жылғы 15 сәуірге 2006 жылғы екінші жарты жылдық үшін реттелетін қызметтердің түрлері бойынша және тұтастай реттелмейтін қызметтер бойынша есептілікті ұсынсын.

3. Қазақстан Республикасы Табиғи монополияларды реттеу агенттігінің Телекоммуникациялар және аэронавигация саласындағы реттеу мен бақылау департаменті (Е.М.Досмағамбет):