Қазақстан Республикасы Еңбек және халықты әлеуметтік қорғау министрлігінің Бақылау және әлеуметтік қорғау комитеті жөніндегі ережені бекіту туралы Қазақстан Республикасы Еңбек және халықты әлеуметтік қорғау министрлігі Жауапты хатшысының 2007 жылғы 10 желтоқсандағы № 295-ө бұйрығы (күші жойылды)

Қазақстан Республикасы Еңбек және   халықты әлеуметтік қорғау министрлігінің  Бақылау және әлеуметтік қорғау комитеті
жөніндегі  ережені бекіту туралы
Қазақстан Республикасы Еңбек және халықты әлеуметтiк қорғау министрлігі Жауапты хатшысының
2007 жылғы  10  желтоқсандағы № 295-ө бұйрығы

 «Қазақстан Республикасы Еңбек және халықты әлеуметтік қорғау министрлігінің  мәселелері» Қазақстан Республикасы Үкіметінің 2007 жылғы 30 қарашадағы № 1159 қаулысына сәйкес БҰЙЫРАМЫН:

1. Қоса беріліп отырған Қазақстан Республикасы Еңбек және халықты әлеуметтік қорғау министрлігінің Бақылау және әлеуметтік қорғау комитеті жөніндегі  ереже бекітілсін (бұдан әрі - Комитет).

2. Осы бұйрық Комитет әділет органдарында мемлекеттік тіркелген өткен күннен бастап қолданысқа енгізіледі.

Қазақстан Республикасы

Еңбек және халықты әлеуметтiк

қорғау министрлігі

Жауапты хатшысының

2007 жылғы «10» желтоқсандағы

     № 295-ө бұйрығымен бекітілген 

Қазақстан Республикасы Еңбек және халықты әлеуметтік қорғау министрлігінің Бақылау және әлеуметтік қорғау комитеті жөніндегі  ереже

1. Жалпы ережелер

1. Қазақстан Республикасы Еңбек және халықты әлеуметтік қорғау министрлігінің Бақылау және әлеуметтік қорғау комитеті (бұдан әрi - Комитет)  Қазақстан Республикасы Еңбек және халықты әлеуметтік қорғау министрлігінің (бұдан әрi - Министрлiк) өз құзыретi шеңберiнде еңбек, еңбек қауіпсіздігі және еңбекті қорғау, жұмыспен қамту, халықты әлеуметтік қорғау, зейнетақымен және әлеуметтік қамсыздандыру, міндетті әлеуметтік сақтандыру саласындағы мемлекеттік саясатты және бақылауды жүзеге асыратын ведомствосы болып табылады.