| ||||||||||||||||||||
|
|
|
Қазақстан Республикасының Премьер-Министрі, Премьер-Министрінің орынбасарлары және Премьер-Министрі Кеңсесінің Басшысы арасында міндеттерді бөлу туралы (2009.13.07. берілген өзгерістер мен толықтырулармен)
ҚР Премьер-Министрінің 2010 жылғы 5 мамырдағы № 61-ө Өкімімен күші жойылды
1. Қоса беріліп отырған Қазақстан Республикасының Премьер-Министрі, Премьер-Министрінің орынбасарлары және Премьер-Министрі Кеңсесінің Басшысы арасында міндеттерді бөлу бекітілсін. 2. Министрлер мен агенттіктердің төрағалары өздері басқаратын мемлекеттік органдардың Қазақстан Республикасы Үкіметінің стратегиялық басымдықтары мен бағдарламалық құжаттарын іске асыру жөніндегі қызметі үшін дербес жауаптылықта болады деп белгіленсін. 3. Қазақстан Республикасы Премьер-Министрінің 2008 жылғы 24 қаңтардағы № 18-ө өкімінің күші жойылды деп танылсын.
Премьер-Министрінің 2009 жылғы 18 наурыздағы № 41-ө өкімімен бекітілген
Қазақстан Республикасының Премьер-Министрі, Премьер-Министрінің орынбасарлары және Премьер-Министрі Кеңсесінің Басшысы арасында міндеттерді бөлу
Қазақстан Республикасының Премьер-Министрі К.Қ. Мәсімов
Үкіметтің қызметіне басшылық жасау. Экономикалық, қаржы, фискалдық және кеден саясатының, мемлекеттік бюджеттің стратегиялық мәселелері. Мемлекетаралық қатынастар мен халықаралық ынтымақтастық мәселелері. Алматы қаласының өңірлік қаржы орталығы қызметінің, қаржы нарығын және қаржы ұйымдарын реттеу мен қадағалау мәселелері. Ақпараттандыру және байланыс мәселелері. Қорғаныс және құқық тәртібі мәселелері. Мұнай-газ секторын дамыту мәселелері. Заң шығару қызметін үйлестіру. Үкіметтің кадр мәселелері. Республикалық бюджет комиссиясының, Экономикалық саясат жөніндегі кеңестің, Экономиканы жаңғырту мәселелері жөніндегі мемлекеттік комиссияның және Қазақстан Республикасының Премьер-Министрі басшылық ететін басқа да консультативтік-кеңесші органдардың жұмысына басшылық ету. Мемлекеттік тілді дамыту мәселелері. Қазақстан Республикасының Президентімен, сондай-ақ Парламентпен, Конституциялық Кеңеспен, Жоғарғы Сотпен, Бас прокуратурамен және басқа да конституциялық органдармен қатынастарда Үкіметтің атынан өкілдік ету.
Қазақстан Республикасы Премьер-Министрінің бірінші орынбасары Ө.Е. Шөкеев
Экономиканы жедел басқару, өңірлік және инвестициялық саясат мәселелері. Ауыл шаруашылығы мен агроөнеркәсіптік кешен, ауылдық аумақтарды дамыту, жер және су қатынастары, қоршаған ортаны қорғау, табиғи ресурстарды пайдалану және құрылыс мәселелері. Энергетика және өндірістік саланы дамыту мәселелері. Төтенше жағдайлар және жұмылдыру жұмысы мәселелері. Әлеуметтік-кәсіпкерлік корпорациялар қызметінің мәселелері. Индустриялық-инновациялық даму стратегиясын және серпінді жобаларды іске асыру мәселелері. Сауда саясаты, Қазақстанның Дүниежүзілік сауда ұйымына кіруі, ТМД елдерімен және олардың ықпалдастық бірлестіктерімен өзара қарым-қатынастар мәселелері. Еуразия экономикалық қоғамдастығы (ЕурАзЭҚ) шеңберіндегі ынтымақтастық мәселелері. Қазақстан Республикасының Премьер-Министрі болмаған кезде оны алмастырады.
Қазақстан Республикасы Премьер-Министрінің орынбасары Е.Т. Орынбаев
Мемлекеттік органдардың әкімшілік реформаны іске асыруын қамтамасыз ету. Макроэкономикалық саясат мәселелері. Жұмыспен қамту, демографиялық және көші-қон саясаты мәселелері. Білім беруді, ғылымды, ақпаратты, мәдениетті, денсаулық сақтауды, туризм мен спортты, әлеуметтік саясат пен әлеуметтік әріптестікті дамыту мәселелері. Дүниежүзілік Банктің, Экономикалық ынтымақтастық пен даму ұйымының (ЭЫДҰ) жобаларын, оның ішінде «Қазақстандық ресурстарды тікелей шетелдік инвестициялар және секторалдық инвестицияларды дамыту жөніндегі бағдарламаларды жетілдіру үшін әртараптандыру» жобасын, Еуропа комиссиясы мен Американдық-қазақстандық мемлекеттік-жеке меншік экономикалық әріптестік бастамасы жобаларын үйлестіру және іске асыру мәселелері.
Қазақстан Республикасы Премьер-Министрінің орынбасары С.Н. Ахметов
ҚР Премьер-Министрінің 2009 жылғы 13 шілдедегі № 99-ө Өкімімен бөлім өзгертілді (бұр.ред.қара) Көлікті және оның инфрақұрылымын дамыту, Көлік стратегиясын іске асыру мәселелері. Шағын және орта кәсіпкерлікті дамыту, бизнес-қоғамдастықтың мемлекеттік органдармен өзара байланысын үйлестіру мәселелері. Мемлекеттік органдардың тұрғын үй-коммуналдық шаруашылықты дамыту және жаңғырту жөніндегі қызметін үйлестіру мәселелері. Мемлекеттік органдар, ұлттық компаниялар, жер қойнауын пайдаланушылар және жүйе құраушы кәсіпорындар тауарларды, жұмыстар мен қызметтерді сатып алуды жүзеге асырған кезде ұлттық қамту үлесін арттыру мәселелері. Мемлекеттік-жеке меншік әріптестікті дамыту мәселелері. Қорғаныс-өнеркәсіп кешенін дамыту мәселелері.
Қазақстан Республикасының Премьер-Министрі Кеңсесінің Басшысы Ғ.Р. Әбдірахымов
Орталық және жергілікті атқарушы органдардың, ведомстволардың Үкіметтің шешімдерін дайындау және олардың орындауын ұйымдастыру бөлігіндегі, мемлекеттік және орындаушылық тәртіпті сақтау, мемлекеттік құпияларды қорғау және ақпараттық қауіпсіздікті қамтамасыз ету мәселелері жөніндегі қызметін үйлестіру. Үкіметтің кадр саясатын іске асыру жөніндегі жұмысты ұйымдастыру. Премьер-Министр Кеңсесінің Президент Әкімшілігімен, Парламент палаталары аппараттарымен және облыс әкімдіктерімен өзара іс-қимылын қамтамасыз ету. «Самұрық-Қазына» ұлттық әл-ауқат қоры» акционерлік қоғамы Директорлар кеңесінің қызметін қамтамасыз ету.
Доступ к документам и консультации
от ведущих специалистов |