|
|
|
Б.Т. Сұлтановты және Ә.Ә. Бақаевты Бали аралына (Индонезия) іссапарға жіберу туралы (2009.05.06. берілген өзгерістер мен толықтырулармен)
«Орталық және жергілікті мемлекеттік органдарда, холдингтерде, ұлттық компанияларда, әлеуметтік-кәсіпкерлік корпорацияларда әкімшілік шығыстарды қысқарту жөніндегі шаралар туралы» Қазақстан Республикасы Президентінің 2008 жылғы 30 желтоқсандағы № 289 өкіміне сәйкес, Азия Даму Банкі басқарушыларының жыл сайынғы жиналысына қатысу үшін Қазақстан Республикасының Үкіметі ҚАУЛЫ ЕТЕДІ: 1. Қазақстан Республикасының Экономика және бюджеттік жоспарлау министрі Бақыт Тұрлыханұлы Сұлтанов, Қазақстан Республикасы Экономика және бюджеттік жоспарлау министрінің кеңесшісі Әлібек Әсетұлы Бақаев 2009 жылғы 30 сәуір - 6 мамыр кезеңіне Бали аралына (Индонезия) іссапарға жіберілсін. 2. Қазақстан Республикасының Экономика және бюджеттік жоспарлау министрі Б.Т. Сұлтановқа Азия Даму Банкінің жарғылық капиталын 200 %-ға ұлғайту үшін дауыс беруге уәкілеттік берілсін. ҚР Үкіметінің 2009.05.06. № 826 Қаулысымен 3-тармақ жаңа редакцияда (бұр.ред.қара) 3. Қазақстан Республикасы Сыртқы істер министрлігі Бақыт Тұрлыханұлы Сұлтановқа қонақ үйде тұруға, тәуліктік және Астана - Стамбул - Сингапур - Бали - Сингапур - Стамбул - Вена - Астана бағыты бойынша көліктік шығыстарға, Әлібек Әсетұлы Бақаевқа қонақ үйде тұруға, тәуліктік және Астана - Стамбул - Сингапур - Бали - Куала-Лумпур - Дубай - Астана бағыты бойынша көліктік шығыстарға 2009 жылға арналған республикалық бюджетте 005 «Шетелдік іссапарлар» бағдарламасы бойынша көзделген қаражат есебінен валюта айырбастаудың берілетін күнгі нарықтық бағамы бойынша белгіленген тәртіппен шетелдік валютада қаражат бөлсін. 4. Осы қаулы қол қойылған күнінен бастап қолданысқа енгізіледі.
Доступ к документам и консультации
от ведущих специалистов |