«Қазақстан Республикасы Үкіметінің 2003 жылғы 30 қаңтардағы № 106 қаулысына өзгерістер мен толықтыру енгізу туралы» Қазақстан Республикасы Үкіметінің 2009 жылғы 30 желтоқсандағы № 2310 Қаулысы (күші жойылды)

Қазақстан Республикасы Үкіметінің 2003 жылғы 30 қаңтардағы № 106 қаулысына өзгерістер мен толықтыру енгізу туралы
Қазақстан Республикасы Үкіметінің 2009 жылғы 30 желтоқсандағы № 2310 Қаулысы

ҚР Үкіметінің 2010 жылғы 18 қазандағы № 1070 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Азаматтық авиация саласындағы кейбір нормативтік құқықтық кесімдерді бекіту туралы» Қазақстан Республикасы Үкіметінің 2003 жылғы 30 қаңтардағы № 106 қаулысына (Қазақстан Республикасының ПҮАЖ-ы, 2003 ж., № 4, 53-құжат) мынадай өзгерістер мен толықтыру енгізілсін:

1) көрсетілген қаулымен бекітілген Азаматтық әуе кемелерін пайдаланушыларды және олар көрсететін қызметтерді сертификаттау ережесінде:

көрсетілген Ереженің 1-қосымшасында:

бірінші абзац мынадай редакцияда жазылсын:

    «                                                                        -- Елтаңба --

_______________________________

Уәкілетті орган

ПАЙДАЛАНУШЫНЫҢ СЕРТИФИКАТЫ

№________

Осы сертификат пайдаланушы _________________________ Қазақстан Республикасы Үкіметінің 2003 жылғы 30 қаңтардағы № 106 қаулысымен бекітілген Азаматтық әуе кемелерін пайдаланушыларды және олар көрсететін қызметтерді сертификаттау ережелерінің талаптарын, Қазақстан Республикасы азаматтық авиациясының қызметін регламенттейтін нормативтік құқықтық актілердің талаптары мен Халықаралық азаматтық авиация туралы конвенцияның (Чикаго қаласы, 1944 жыл) ережелерін қанағаттандыратынын куәландырады.

Пайдаланушы ____________________ қоса беріліп отырған Пайдалану жөніндегі арнайы ережелерде белгіленгендей, ұшуды орындау жөніндегі басшылыққа сәйкес коммерциялық әуе тасымалдарын жүзеге асыру құқығы берілген.