Роялти бойынша салық есептілігін (декларация) жасау ережелері (500.00-нысан) (Қазақстан Республикасы Қаржы министрінің 2009 жылғы 24 желтоқсандағы № 574 Бұйрығымен бекітілген) (2010.30.06. берілген өзгерістермен) (күші жойылды)

Қазақстан Республикасы Қаржы министрінің

2009 жылғы 24 желтоқсандағы № 574

Бұйрығымен бекітілген

Роялти бойынша декларацияға

(500.00-нысан)

қосымша

ҚР Қаржы министрінің 2009 жылғы 24 желтоқсандағы № 574 Бұйрығының 4-тармағына сәйкес ереженің қолданысы 2010 жылдың 1 қаңтарынан бастап 2010 жылғы 31 желтоқсанына дейінгі кезеңде туындаған қатынастарға қолданылады

ҚР Қаржы министрінің 2010.30.06. № 311 Бұйрығымен мәтіні бойынша «2010 жылдың 13 тамызына дейін» деген сөздер «2012 жылдың 1 қаңтарына дейін» деген сөздермен ауыстырылды, «2010 жылдың 13 тамызынан бастап» деген сөздер «2012 жылдың 1 қаңтарынан бастап» деген сөздермен ауыстырылды (бұр.ред.қара)

Роялти бойынша салық есептілігін (декларация) жасау
ережелері
(500.00-нысан)

(2010.30.06. берілген өзгерістермен)

1. Жалпы ережелер

1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) сәйкес әзірленген және роялти бойынша салықты есептеуге арналған, осы Ережелерге сәйкес, роялти бойынша салық есептілігінің нысандарын (бұдан әрі - Декларация) жасау тәртібін айқындайды. Декларацияны есеп кезеңіде олардың өткізілген-өткізілмегеніне қарамастан, техногендік минералды құралымдардан пайдалы қазбалар алуды қоса алғанда, пайдалы қазбалар өндіруді жүзеге асыратын жер қойнауын пайдаланушылар, сондай-ақ, Салық кодексінің 308-бабы 2-тармағына сәйкес көзделген, жер қойнауын пайдалануға жасалған келісім-шарттар негізінде қызметті жүзеге асыратын жер қойнауын пайдаланушылар жасайды.

2. Декларация Декларацияның өзінен (500.00-нысан) және төлеуге роялти есептеу туралы ақпаратты нақты көрсету үшін арналған, оған қосымшадан (500.01-нысан) тұрады.

3. Декларацияны толтыру кезінде түзетулерге, өшіруге және тазалауға жол берілмейді.

4. Көрсеткіштер жоқ болған кезде Декларацияның тиісті торкөздері толтырылмайды.

5. Декларацияға қосымша тиісті көрсеткіштердің мәнін ашуды қажет ететін Декларациядағы жолдарды толтыру кезінде міндетті түрде жасалады.

6. Декларацияға қосымша парағындағы жолдарда көрсеткіштер саны асқан жағдайда, Декларацияға қосымшаның осындай парағы толтырылады.