«Қазақстан Республикасы Әділет министрлігінің аттестаттау комиссиясы қызметінің ережесін бекіту туралы» Қазақстан Республикасы Әділет Министрлігінің 2010 жылғы 20 сәуірдегі № 126 Бұйрығы (күші жойылды)

Қазақстан Республикасы Әділет министрлігінің аттестаттау комиссиясы қызметінің ережесін бекіту туралы
Қазақстан Республикасы Әділет Министрлігінің 2010 жылғы 20 сәуірдегі № 126 Бұйрығы

ҚР Әділет Министрлігінің 2015 жылғы 27 ақпандағы № 65 бұйрығымен күші жойылды

«Қазақстан Республикасындағы сот-сараптама қызметі туралы» Қазақстан Республикасы Заңын іске асыру мақсатында БҰЙЫРАМЫН:

1. Қоса беріліп отырған Қазақстан Республикасы Әділет министрлігінің аттестаттау комиссиясы қызметінің ережесі бекітілсін.

2. Осы бұйрықтың орындалуын бақылау жетекшілік ететін Әділет вице-министріне жүктелсін.

3. Осы бұйрық қол қойылған күнінен бастап қолданысқа енгізіледі.

Қазақстан Республикасы

Әділет министрінің

2010 жылғы 20 сәуірдегі

№ 126 бұйрығымен

бекітілді

Қазақстан Республикасы Әділет министрлігінің аттестаттау комиссиясы қызметінің

ережесі

1. Осы Ереже «Қазақстан Республикасындағы сот сараптама қызметі туралы» Қазақстан Республикасының 2010 жылғы 20 қаңтардағы Заңына (бұдан әрі - Заң) сәйкес әзірленді және Қазақстан Республикасы Әділет министрлігінің аттестаттау комиссиясы қызметінің бірыңғай тәртібін белгілейді.

2. Комиссияның құрамы тақ саннан тұрады (кемінде 5 адам) және Қазақстан Республикасы Әділет министрлігі сот сараптамасы органы басшысының ұсынысы бойынша міндеттерді бөле отырып үш жыл мерзімге Қазақстан Республикасы Әділет министрінің бұйрығымен бекітіледі. Өзгерістер оның уәкілеттілігі мерзімі кезінде Комиссияның құрамына сол тәртіпке сәйкес енгізіледі.

3. Комиссия құрамына:

1) Комиссия төрағасы - Қазақстан Республикасының Әділет вице-министрі;

2) Комиссия төрағасының орынбасары - Қазақстан Республикасы Әділет министрлігінің сот сараптамасы органының басшысы;