«Жоғары оқу орнынан кейінгі кәсіптік оқу бағдарламаларын іске асыратын жоғары оқу орындарында шетел, қазақ және орыс тілдерінен кешенді тестілеуді өткізу туралы» Қазақстан Республикасы Білім және ғылым министрінің 2010 жылғы 24 маусымдағы № 332 бұйрығы (күші жойылды)

Жоғары оқу орнынан кейінгі кәсіптік оқу бағдарламаларын іске асыратын жоғары оқу орындарында шетел, қазақ және орыс тілдерінен кешенді тестілеуді өткізу туралы
Қазақстан Республикасы Білім және ғылым министрінің 2010 жылғы 24 маусымдағы № 332 бұйрығы

ҚР Білім және ғылым министрінің м.а. 2011.08.07. № 297 бұйрығымен күші жойылды

Қазақстан Республикасы Білім және ғылым министрінің 2008 жылғы 1 сәуірдегі № 161 бұйрығымен бекітілген Жоғарғы оқу орнынан кейінгі білімнің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережесіне сәйкес БҰЙЫРАМЫН:

1. Қоса беріліп отырған:

1) Шетел, қазақ және орыс тілдерінен кешенді тестілеуді өткізетін жоғары оқу орындарының және оларға бекітілген жоғары оқу орындары мен ғылыми ұйымдардың тізімі;

2) Астана қаласы бойынша шетел, қазақ және орыс тілдерінен кешенді тестілеуді өткізетін жоғары оқу орындарының тізімі;

3) 2010 жылы үміткерлердің деректер базасын қалыптастыратын жоғары оқу орындарының және оларға бекітілген жоғары оқу орындары мен ғылыми ұйымдардың тізімі бекітілсін.

2. Ұлттық тестілеу орталығы (И. Сағындықов) Жоғары оқу орнынан кейінгі кәсіптік оқу бағдарламаларын іске асыратын жоғары оқу орындарында шетел, қазақ және орыс тілдерінен кешенді тестілеуді 2010 жылғы 11 тамызда өткізсін.

3. Жоғары және жоғары оқу орнынан кейінгі білім департаменті (Г.Н. Доғалова) осы бұйрықты жоғары оқу орындарының назарына жеткізсін.

4. «Жоғары оқу орнынан кейінгі кәсіптік оқу бағдарламаларын іске асыратын Қазақстан Республикасы жоғары оқу орындарында шетел, қазақ және орыс тілдерінен кешенді тестілеуді өткізу туралы» Қазақстан Республикасы Білім және ғылым министрінің 2009 жылғы 23 маусымдағы № 304 бұйрығының күші жойылсын.

5 Осы бұйрықтың орындалуын бақылау вице-министр М. Сарыбековке жүктелсін.

Қазақстан Республикасы

Білім және ғылым министрінің

2010 жылғы 24 маусымдағы

№ 332 бұйрығымен бекітілген