«Кәсіпорындардың негізгі экономикалық қызмет түрлерін анықтау әдістемесін бекіту туралы» Қазақстан Республикасы статистика агенттігінің 2010 жылғы 15 қарашадағы № 261 Бұйрығы

Кәсіпорындардың негізгі экономикалық қызмет түрлерін анықтау әдістемесін бекіту туралы
Қазақстан Республикасы статистика агенттігінің 2010 жылғы 15 қарашадағы № 261 Бұйрығы

Қазақстан Республикасы Үкіметінің 2004 жылғы 31 желтоқсандағы № 1460 қаулысымен бекітілген Қазақстан Республикасы Статистика агенттігі туралы ереженің 19-тармағының 3) тармақшасына сәйкес, БҰЙЫРАМЫН:

1. Кәсіпорындардың негізгі экономикалық қызмет түрлерін анықтау әдістемесі бекітілсін.

2. Стратегиялық даму департаменті (Қ.К. Орынханов) осы бұйрықты Қазақстан Республикасы Статистика агенттігінің мүдделі құрылымдық бөлімшелері мен аумақтық органдарына басшылыққа алу және пайдалану үшін жеткізсін.

3. Осы бұйрықтың орындалуын бақылау Қазақстан Республикасы Статистика агенттігінің жауапты хатшысы Ю.К. Шоқамановқа жүктелсін.

4. Осы бұйрық кол қойылған күнінен бастап қолданысқа енгізіледі.

Кәсіпорындардың негізгі экономикалық қызмет түрлерін анықтау

әдістемесі

NACE Rev.2 және CPA 2008 халықаралық жіктеуіштердің негізінде экономикалық қызмет түрлері және экономикалық қызмет түрлері бойынша өнімдер жаңа нұсқаларын енгізуге байланысты әдістеме қайта қаралды. Әдістеме кәсіпорынның негізгі экономикалық қызмет түрлерін анықтау үшін негізгі теореялық ережелерден және тәжірибелік ұсыныстардан тұрады.

Әдістеме статистикада тіркелімдерді жүргізу, есеп беретін кәсіпорындар каталогын жасау және статистикалық деректерді жинау кезінде пайдалануға арналған.

Осы әдістемеде пайдаланылатын негізгі ұғымдар

1) қызмет түрі - қызмет түрі жіктелімінің ең үлкен дәрежелерін сипаттайтын өнімнің біртекті жинағын құру үдерісі. (тауарлар және қызмет көрсетулер);