Алюминий, магний ұнтақтары мен опаларын және олардың негізіндегі қорытпаларды өндіру кезіндегі өнеркәсіптік қауіпсіздік талаптары (Қазақстан Республикасы Төтенше жағдайлар министрінің 2008 жылғы 25 шілдедегі № 132 бұйрығымен бекітілген) (2009.21.10. берілген өзгерістермен) (күші жойылды)

ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды

Қазақстан Республикасы

Төтенше жағдайлар министрінің

2008 жылғы 25 шілдедегі

№ 132 бұйрығымен

бекітілген

ҚР Төтенше жағдайлар министрінің 2009.21.10. № 244 бұйрығымен барлық мәтін бойынша «Ереже», «Ережелерді» сөздері сәйкесінше «Талап», «Талаптарды» сөздерімен алмастырылды (бұр.ред.қара)

Алюминий, магний ұнтақтары мен опаларын және олардың негізіндегі қорытпаларды өндіру кезіндегі өнеркәсіптік
қауіпсіздік талаптары

(2009.21.10. берілген өзгерістермен)

Мазмұны

1-тарау. Негізгі талаптар

1. Осы Өнеркәсіптік қауіпсіздік талабы алюминий, магний ұнтақтары мен опаларын және олардың негізіндегі қорытпалар өндірісін жобалауға, салуға, пайдалануға, қайта құруға, кеңейтуге, техникалық қайта жарақтауға, консервациялауға, таратуға қолданылады.

2. Өндірістік процестерді ұйымдастыруға қойылатын талаптар:

1) технологиялық регламенттің, өнеркәсіптік, өрт және экологиялық қауіпсіздік параметрлерін сақтау;

2) сақтандырғыш бұйымдардың, дабылдың, бұғаттағыштың дұрыстығы, сығылған ауамен және электр энергиясымен үздіксіз жабдықтау, желдету қондырғыларының тиімді жұмыс істеуін қамтамасыз ету;

3) жабдық пен құбыр өткізгіштің герметикалығын, өндірістік орын-жайлардағы ауа ортасының жай-күйін жүйелі бақылау;

4) машиналар мен көтергіштердің, монтаждау жыралары мен дренаждық сыйымдылықтар жолдарының және тағы басқа жетектерінің берік орнығуы және қоршаулары мен барлық басқа да қозғалмалы және айналмалы бөліктерінің дұрыстығы;