«Жеке кәсіпкерлік саласындағы тексерілетін білім беру жүйесінің субъектілерін тексеру мәселелері бойынша міндетті ведомстволық есеп беру нысанын бекіту туралы» Қазақстан Республикасы Білім және ғылым министрлігі 2011 жылғы 11 ақпандағы № 56, Қазақстан Республикасы Экономикалық даму және сауда министрлігі 2011 жылғы 16 ақпандағы № 38 және Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті 2011 жылғы 28 ақпандағы № 19 о/қ бірлескен бұйрығы (күші жойылды)

Жеке кәсіпкерлік саласындағы тексерілетін білім беру жүйесінің субъектілерін тексеру мәселелері бойынша міндетті ведомстволық есеп беру нысанын бекіту туралы
Қазақстан Республикасы Білім және ғылым министрлігі 2011 жылғы 11 ақпандағы № 56, Қазақстан Республикасы Экономикалық даму және сауда министрлігі 2011 жылғы 16 ақпандағы № 38 және Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті 2011 жылғы 28 ақпандағы № 19 о/қ бірлескен бұйрығы

ҚР Білім және ғылым министрінің 2015 жылғы 15 шілдедегі № 460, ҚР Ұлттық экономика министрінің 2015 жылғы 20 шілдедегі № 541 және ҚР Бас прокуратурасы құқықтық статистика және арнайы есепке алу жөніндегі комитетің төрағасының 2015 жылғы 21 шілдедегі № 98 н/қ бірлескен бұйрығымен күші жойылды

«Қазақстан Республикасындағы мемлекеттік бақылау және қадағалау туралы» Қазақстан Республикасы Заңының 14-бабын іске асыру мақсатында БҰЙЫРАМЫЗ:

1. Қоса беріліп отырған жеке кәсіпкерлік саласындағы тексерілетін білім беру жүйесінің субъектілерін тексеру мәселелері бойынша міндетті ведомстволық есеп беру нысаны бекітілсін.

2. Қазақстан Республикасы Білім және ғылым министрлігі Білім және ғылым саласындағы бақылау комитеті (М.К.Орынханов):

1) осы бірлескен бұйрықты Қазақстан Республикасының заңнамаларында белгіленген тәртіппен ресми жариялауды және Қазақстан Республикасы Білім және ғылым министрлігінің интернет-ресурсына орналастыруды қамтамасыз етсін;

2) осы бірлескен бұйрықты Қазақстан Республикасы Білім және ғылым министрлігінің құрылымдық бөлімшелерінің назарына жеткізсін;

3) ай сайын есепті келесі есеп айының 10-ында және келесі есеп жылының 20 қаңтарына өткізілген тексерулер мен оның нәтижелері туралы ведомстволық есептің жинақ деректерін, сондай-ақ, облыстар мен Астана, Алматы қалалары бойынша да Қазақстан Республикасы Білім және ғылым министрлігінің интернет-ресурсына жарияласын.