«Көрнекті әдебиет және ғылым кайраткерлерінің көп томдық шығармалар жинақтарын және көп томдық энциклопедиялар шығару туралы Ережені бекіту туралы» Қазақстан Республикасы Байланыс және ақпарат министрлігі Ақпарат және мұрағат комитеті төрағасының 2010 жылғы 1 қазандағы № 133 бұйрығы

Көрнекті әдебиет және ғылым кайраткерлерінің көп томдық шығармалар жинақтарын және көп томдық
 энциклопедиялар шығару туралы Ережені бекіту туралы
Қазақстан Республикасы Байланыс және ақпарат министрлігі Ақпарат және мұрағат комитеті төрағасының
2010 жылғы 1 қазандағы № 133 бұйрығы

Қазақстан Республикасы Президенті Әкімшілігінің 2010 жылғы 31 мамырдағы № 32-22.181 тапсырмасына сәйкес және 021 «Әлеуметтік маңызды әдебиет түрлерін басып шығару» бюджеттік бағдарламасын сапалы әрі тиімді орындау мақсатында БҰЙЫРАМЫН:

1. Қоса беріліп отырған Көрнекті әдебиет және ғылым кайраткерлерінің көп томдық шығармалар жинақтарын және көп томдық энциклопедиялар шығару туралы Ереже бекітілсін.

2. Баспа бағдарламалары басқармасы әлеуметтік маңызды әдебиет түрлерін басып шығару тақырыптық жоспарын қалыптастыру кезіңде осы ережені басшылыққа алсын.

3. Осы бұйрықтың орындалуын бақылауды өзіме қалдырамын.

4. Осы бұйрық қол қойылған күнінен бастап қолданысқа енгізіледі.

Қазақстан Республикасы

Байланыс және ақпарат министрлігі

 Ақпарат және мұрағат комитеті төрағасының

2010 жылғы 1 қазандағы

№  133  бұйрығымен бекітілген

Көрнекті әдебиет және ғылым қайраткерлерінің көп томдық шығармалар жинақтарын және

 көп томдық энциклопедиялар шығару туралы

ереже

1. Кіріспе

1. Көрнекті әдебиет және ғылым қайраткерлерінің көп томдық шығармалар жинақтарын және көп томдық энциклопедиялар шығару туралы Ереже (бұдан әрі - Ереже) Қазақстан Республикасы Байланыс және ақпарат министрлігі әкімшісі болып табылатын 021 «Әлеуметтік маңызды әдебиеттер шығару» бюджеттік бағдарламасын сапалы әрі тиімді орындау мақсатында және Қазақстан Республикасы Президенті Әкімшілігінің 2010 жылғы 31 мамырдағы № 32-22.181 тапсырмасына сәйкес әзірленді.