«Қазақстан Республикасының стратегиялық даму жоспарын, Елдің аумақтық-кеңістіктік дамуының болжамды схемасын, мемлекеттік бағдарламаларды, аумақтарды дамыту бағдарламаларын және мемлекеттік органдардың стратегиялық жоспарларының форматын қамтитын мемлекеттік органдардың стратегиялық жоспарларын әзірлеу жөніндегі әдістемелік ұсынымдарды бекіту туралы» Қазақстан Республикасы Экономикалық даму және сауда министрінің 2010 жылғы 1 шілдедегі № 101 бұйрығы (2013.21.05. берілген өзгерістер мен толықтырулармен) (күші жойылды)

Қазақстан Республикасының стратегиялық даму жоспарын, Елдің аумақтық-кеңістіктік дамуының болжамды схемасын, мемлекеттік бағдарламаларды, аумақтарды дамыту бағдарламаларын және мемлекеттік органдардың стратегиялық жоспарларының форматын қамтитын мемлекеттік органдардың стратегиялық жоспарларын әзірлеу жөніндегі әдістемелік ұсынымдарды бекіту туралы
Қазақстан Республикасы Экономикалық даму және сауда министрінің 2010 жылғы 1 шілдедегі № 101 бұйрығы

(2013.21.05. берілген өзгерістер мен толықтырулармен)

ҚР Ұлттық экономика министрінің 2014 жылғы 26 желтоқсандағы № 172 бұйрығымен күші жойылды

ҚР Экономика және бюджеттік жоспарлау министрінің 2013.21.05. № 146 бұйрығымен тақырыбы жаңа редакцияда (бұр.ред.қара)

Қазақстан Республикасы Президентінің әкімшілігі Басшысының 2010 жылғы 9 сәуірдегі № 01-39.26 бұйрығымен бекітілген Қазақстан Республикасындағы Мемлекеттік жоспарлау жүйесінің одан әрі жұмыс істеуі жөніндегі ұйымдастыру іс-шаралары жоспарының 3-тармағын орындау үшін БҰЙЫРАМЫН:

ҚР Экономика және бюджеттік жоспарлау министрінің 2013.21.05. № 146 бұйрығымен 1-тармақ өзгертілді (бұр.ред.қара)

1. Қоса беріліп отырған:

1) 1-қосымшаға сәйкес Қазақстан Республикасының стратегиялық даму жоспарын;

2) 2- қосымшаға сәйкес Елдің аумақтық-кеңістіктік дамуының болжамды схемасын;

3) 3-қосымшаға сәйкес мемлекеттік бағдарламаларды;

4) 4-қосымшаға сәйкес аумақтарды дамыту бағдарламаларын;

5) 5-қосымшаға сәйкес мемлекеттік органдардың стратегиялық жоспарларының форматын қамтитын мемлекеттік органдардың стратегиялық жоспарларын әзірлеу жөніндегі әдістемелік ұсынымдар бекітілсін.

ҚР Экономика және бюджеттік жоспарлау министрінің 2013.21.05. № 146 бұйрығымен 2-тармақ өзгертілді (бұр.ред.қара)

2. Орталық мемлекеттік және жергілікті атқарушы органдар Қазақстан Республикасының стратегиялық даму жоспарын, Елдің аумақтық-кеңістіктік дамуының болжамды схемасын, мемлекеттік бағдарламаларды, аумақтарды дамыту бағдарламаларын және мемлекеттік органдардың стратегиялық жоспарларын әзірлеу кезінде әдістемелік ұсынымдарды басшылыққа алсын.