(БҰРЫНҒЫ РЕДАКЦИЯ) ҚР ҮКІМЕТІНІҢ 2004 Ж. 13 ҚАҢТАРДАҒЫ № 32 ҚАУЛЫСЫ

Мемлекеттік орман қоры учаскелеріндегi орман ресурстарын ұзақ мерзiмдi
орман пайдалануға беру жөнiнде тендерлер өткізу ережесін бекіту туралы
Қазақстан Республикасы Үкіметінің 2004 жылғы 13 қаңтардағы № 32 Қаулысы

(2010.17.06. берілген өзгерістермен)

Осы редакция 2011 жылғы 1 қыркүйекте енгізілген өзгерістеріне дейін қолданылды

Қазақстан Республикасының 2003 жылғы 8 шiлдедегi Орман кодексiнiң 35-бабына сәйкес Қазақстан Республикасының Үкіметі қаулы етеді:

1. Қоса беріліп отырған Мемлекеттік орман қоры учаскелеріндегі орман ресурстарын ұзақ мерзiмдi орман пайдалануға беру жөнiнде тендерлер өткізу ережесi бекітілсiн.

2. Қосымшаға сәйкес Қазақстан Республикасы Yкіметінiң кейбір шешiмдерiнiң күшi жойылды деп танылсын.

3. Осы қаулы қол қойылған күнiнен бастап күшiне енедi және жариялануға тиiс.

Қазақстан Республикасының

Қазақстан Республикасы

Yкіметінiң

2004 жылғы 13 қаңтардағы

 № 32 қаулысымен

бекітілген

Мемлекеттік орман қоры учаскелеріндегі орман ресурстарын ұзақ

мерзiмдi орман пайдалануға беру жөнiнде тендерлер өткізу

ережесi

1. Жалпы ережелер

1. Осы Ереже Қазақстан Республикасының Орман кодексiне сәйкес әзiрлендi және мемлекеттік орман қоры учаскелеріндегі орман ресурстарын ұзақ мерзiмдi орман пайдалануға беру жөнiнде тендерлер (бұдан әрi тендерлер) ұйымдастыру және өткізу тәртібін айқындайды.

Осы Ереже ерекше қорғалатын табиғи аумақтардың орман ресурстарына қолданылмайды.

2. Осы Ережеде Қазақстан Республикасының Орман кодексiнде көзделген ұғымдар және мынадай негiзгi ұғымдар пайдаланылады:

1) лот - мемлекеттік орман иеленушiнiң тендерге қойылатын орман ресурстары бойынша белгіленген тәртiппен құжаттама түрiнде ресiмделген және келісілген ұсынысы;

2) өтiнiм-лот - қалыптасу және уәкiлеттi органмен келісіп алу процесіндегі тендерге қойылатын орман ресурстары бойынша мемлекеттік орман иеленушiнiң ұсынысы;

3) тендердi ұйымдастырушы - тендерге қойылатын мемлекеттік орман қоры учаскелеріндегі орман ресурстары функционалдық қарауында болатын облыстық атқарушы органдар немесе орман шаруашылығы саласындағы уәкiлеттi органның аумақтық органдары;

4) уәкiлеттi орган - мемлекеттік орман қоры учаскелерiнде орман ресурстарын ұзақ мерзiмдi орман пайдалануға беру тәртібінiң сақталуын үйлестiру мен бақылауды жүзеге асыратын орман шаруашылығы саласындағы уәкiлеттi мемлекеттік орган және оның аумақтық органдары;

5) тендерге қатысушы - осы Ережеге сәйкес ұзақ мерзiмдi орман пайдалану құқығын алу үшiн өзiнiң тендерге қатысатынын мәлiмдеген жеке және заңды тұлғалар;

6) тендер құжаттамасы - лоттың сипаттамасын, ұзақ мерзiмдi орман пайдалану шартының жобасын (бұдан әрi - шарт жобасы) қамтитын құжаттар жиынтығы және теңдер өткізу рәсiмiн айқындайтын құжаттар;

7) тендер өтiнiмi - тендерге қатысушы тендер комиссиясына тапсырған және тендер ұйымдастырушы мен осы Ереженiң талаптарына сәйкес ресiмделген құжаттар жиынтығы.

3. Тендерге орман ресурстарын пайдалануды бiр орман пайдаланушыға берiп, бiр учаскеде орман пайдаланудың бiр немесе бiрнеше түрiн көздейтiн лоттар қойылуы мүмкiн.

2. Өтінiм-лоттарды қалыптастыру тәртібі

4. Өтінiм-лоттарды мемлекеттік орман иеленушi орман өсiру материалдарына сәйкес және орман ресурстары нарығының қажеттiлiктерi туралы ақпараттың негiзiнде әзiрлейдi.

ҚР Үкіметінің 2010.17.06. № 604 Қаулысымен 5-тармақ өзгертілді (бұр.ред.қара)

5. Орман пайдаланудың жекелеген түрлерiне өтiнiм-лоттарды қалыптастыру мына ерекшелiктердi ескере отырып жүзеге асырылады:

1) сүрек дайындау үшiн орман ресурстарын ұзақ мерзiмдi орман пайдалануға беру туралы ұсыныстар әзiрленген жағдайда мемлекеттік орман қорының учаскесi сүрек қоры басты және аралық мақсатта пайдалануға кесудi жүргiзу кезiнде сүрек ресурстарын толассыз және таусылмайтындай дәрежеде пайдалануды қамтамасыз ететiндей жолмен iрiктеп алынады.

Лоттар арнайы мақсаттағы плантациялық екпелер құру үшiн орман пайдаланушыға мемлекеттік орман қорының аумағында қосымша учаске беру мүмкіндігін көздеуі мүмкін;

2) аң шаруашылығының мұқтажы үшiн мемлекеттік орман қоры учаскелерiн ұзақ мерзiмдi орман пайдалануға беру туралы ұсыныс әзiрленген жағдайда учаскелер шаруашылықаралық аңшылықты жайластыру және аңшылық-экономикалық зерттеулер материалдарының негiзiнде және оңтайлы күзет режимi қамтамасыз етiлетiндей, молықтыру iс-шараларының кешенiн жүзеге асыру үшiн жағдайлар жасалатындай және аңшылық шаруашылығын жүргiзудiң экономикалық қажеттiлiгi қамтамасыз етiлетiндей жолмен iрiктеп алынады.

Мемлекеттік орман қоры учаскелерiн аңшылық шаруашылығының мұқтажы үшiн ұзақ мерзiмдi орман пайдалануға беру туралы сондай-ақ мемлекеттік орман қорының құрамына енбейтiн, бiрақ жануарлар дүниесiн қорғау, молықтыру және пайдалану жөніндегі iс-шаралар кешенiн жүзеге асыру үшiн қажет болып табылатын жер учаскелерiн енгiзудi көздейтiн ұсыныс әзiрлеу кезiнде көрсетiлген учаскелердегi аң ауланатын жерлердi бекіту Жануарлар дүниесін қорғау, өсімін молайту және пайдалану туралы» Қазақстан Республикасының Заңында белгiленген тәртiппен жүзеге асырылады;

3) орман пайдалану мерзiмдерi бойынша:

сүрек дайындау - 10 жылдан 49 жылға дейiн;

шайыр мен сүрек шырындарын дайындау - 10 жылдан 15 жылға дейiн;

мемлекеттік орман қоры учаскелерiн аңшылық шаруашылығының мұқтажы үшiн пайдалану - 10 жылдан 49 жылға дейiн;

мемлекеттік орман қоры учаскелерiн мәдени-сауықтыру, рекреациялық, туристiк және спорттық мақсаттар үшiн пайдалану - 10 жылдан 49 жылға дейiн.

6. Өтiнiм-лот мемлекеттік орман иеленушi куәландырған мына материалдарды қамтуға тиiс:

1) ықтимал орман пайдаланушы үшiн орман телiмдерi мен орамдары желісін, соқпақтар мен жол желісін, аралас жер пайдалану белгiсiн және басқа да қажеттi картографиялық ақпаратты қамтитын орман карталарының материалдары бойынша орындалған ұзақ мерзiмдi орман пайдалану учаскесiнiң абрисi;

2) орман телiмдерi мен орамдарының тiзбесi қосылған, апандар мен қажетті бағалау деректерi көрсетiлген учаскенiң сипаттамасы;

3) өтiнiм-лотқа енгiзілген орман пайдаланудың әрбiр түрi бойынша ресурстық деректер;

4) өтiнiм-лотқа енгiзілген орман пайдаланудың әрбiр түрi бойынша жыл сайынғы орман пайдаланудың қолданыстағы тексеру кезеңi шегіндегі рұқсат етiлген көлемдерi;

5) өтiнiм-лотқа енгiзілген орман пайдаланудың әрбiр түрi бойынша салық заңнамасына сәйкес белгiленген ақы төлеу мөлшерлерi;

6) ұзақ мерзiмдi орман пайдалану учаскелерiне тiкелей жақын маңда елдi мекендердiң бар-жоғы, оларда тұратын халықтың саны туралы мәлiметтер, сондай-ақ жергiлiктi халықтың жұмыспен қамтылуы, орман пайдаланудың дәстүрлi түрлерi, әлеуметтiк iс-шараларды iске асыруға және елдi мекендердiң инфрақұрылымын қолдауға қажеттiлiктер туралы деректер;

7) орман пайдаланушыларға қойылатын орман заңнамасында белгіленген жалпы талаптар.

7. Тендердi ұйымдастырушы өтiнiм-лоттар келiп түскен сәттен бастап екi апта мерзiмде оларды қарайды, олар бойынша шарттар жобаларын әзiрлейдi және өтiнiм-лоттар мен шарттар жобаларын уәкiлеттi органға келiсуге жiбередi.

8. Уәкiлеттi орган өтiнiм-лоттар келiп түскеннен кейiн бiр жарым ай мерзiмде оларды тендерге қоюға арналған лоттар ретiнде қарайды және келiседi, сондай-ақ шарт жобасын келiседi.

Ұсынылған материалдар бойынша елеулi ескертпелер болған жағдайда өтінiм-лоттар мен шарттар жобалары пысықтау үшiн тендердi ұйымдастырушыға қайтарылады.

9. Тендердi ұйымдастырушы өтiнiм-лоттар мен шарттар жобаларын уәкiлеттi органмен келісіп алғаннан кейiн тендер құжаттамасының жиынтығын бекiтедi.

3. Тендерлердi ұйымдастыру

10. Тендердi ұйымдастырушы құрамына тендердi ұйымдастырушының, қоршаған ортаны қорғау саласындағы уәкiлеттi органның аумақтық органдарының, орталық атқарушы органның басқа да мүдделi мемлекеттік органдардың, облыстық өкiлдi органның, мүдделi мемлекеттік орман иеленушiнiң, қоғамдық ұйымдардың өкілдерi енетiн тендер комиссиясын құрады. Теңдер комиссиясының төрағасы болып тендердi ұйымдастырушы басшыларының бiрi, хатшысы болып тендердi ұйымдастырушының лауазымды тұлғасы тағайындалады. Тендер комиссиясының хатшысы оның құрамына енбейдi.

Тендер комиссиясы мүшелерiнiң саны кемiнде жетi адам болуға тиiс.

11. Тендердi ұйымдастырушы тендер комиссиясымен бiрлесiп:

1) тендердi өткізу уақыты мен орнын;

2) тендер комиссиясы орналасатын жердi;

3) теңдер құжаттамасын алу орны мен тәсілдерiн;

4) тендер өтінiмдерiн беру мерзiмдерiн;

5) тендер комиссиясы отырыстарының регламентiн айқындайды.

12. Тендердi ұйымдастырушы кемiнде бiр ай бұрын Қазақстан Республикасының бүкiл аумағына таралатын мерзiмдi баспасөз басылымында алдағы тендер туралы хабарландыру жариялайды. Тендердi өткізу туралы хабарландыру тендерге қойылатын лоттардың атауын, сондай-ақ осы Ереженiң 11-тармағының 1) - 4) тармақшаларында көрсетілген мәлiметтердi, тендердi ұйымдастырушы айқындайтын басқа да қажеттi ақпаратты қамтуға тиiс.

13. Тендерге қатысуға ниет білдiрген тұлға лоттың (лоттардың) атауын көрсетiп, тендер құжаттамасын алуға жазбаша нысанда өтiнiш бередi, тендер құжаттамасында белгiленген талаптарға сәйкес тендер өтiнiмiн әзiрлейдi және оны тендердi ұйымдастырушыға конвертке салынған күйiнде белгiленген мерзiмде тiркеуге тапсырады.

Тендер өтiнiмi тiркелген сәттен бастап тендер өтiнiмiн берген тұлға тендерге қатысушы мәртебесiне ие болады.

ҚР Үкіметінің 2010.17.06. № 604 Қаулысымен 14-тармақ өзгертілді (бұр.ред.қара)

14. Тендерге қатысушы тапсыратын тендер өтiнiмi:

1) үмiткердiң тендерге қатысуға келісімiн қамтитын тендерге қатысуға берiлген өтiнiмдi және оның тендер талаптарын орындау және тиiстi шарт жасасу жөніндегі мiндеттемелерiн;

2) тендерге қатысушыға қойылатын талаптарға сай келетiнiн растайтын құжаттар тiзбесiн:

заңды тұлғалар үшін - жарғының және өтініш берушінің заңды тұлға ретінде мемлекеттік тіркелгені туралы куәлігінің (салыстыру үшін түпнұсқалар ұсынылмаған жағдайда нотариалдық куәландырылған) көшірмелері;

жеке тұлғалар үшін - салық төлеуші кәсіпкерлік қызметті жүзеге асыру құқығын растайтын құжаттың көшірмесі, сондай-ақ жеке куәлігінің немесе паспортының, салық төлеуші куәлігінің (салыстыру үшін түпнұсқалары ұсынылмаған жағдайда нотариалдық куәландырылған) көшірмелері;

лицензиялардың, патенттердің, куәліктердің, сертификаттардың, дипломдардың, тендерге қатысушының орман пайдалану құқығын растайтын басқа құжаттардың (салыстыру үшін түпнұсқалары ұсынылмаған жағдайда нотариалдық куәландырылған) көшірмелері;

бухгалтерлiк теңгерiмдi; тендер өтiнiмдерi салынған конверттер ашылатын күннiң қарсаңында үш айдан астам iшiнде банк (банктер) алдында теңдерге қатысушының мерзiмi өткен берешегi жоқ екенi туралы банктiң (банктердiң) анықтамасын;

салықтық берешегi жоқ екенi туралы салық органының анықтамасын;

тендерге қатысушыда орман пайдалануды жүзеге асыру, ормандарды күзету, қорғау және молықтыру жөніндегі iс-шараларды өткізу үшiн қажет қаражат пен өндiрiстiк қуаттардың бар екенi туралы құжаттарды (оның iшiнде қызметкерлердiң біліктiлiгi көрсетiлiп олардың бар екенi және саны, мамандықтары бойынша жұмыс стажы туралы құжаттарды);

3) ормандарды күзетуге және молықтыруға, жаңа жұмыс орындарын құруға, жергiлiктi халыққа қызметтер көрсетуге бағытталған ұсынылатын қосымша қызметтер мен жұмыстарды;

4) тендер құжаттамасына сәйкес ұсынылуы қажет басқа да құжаттарды қамтуға тиiс.

15. Мемлекеттік орман иеленушi тендер өткiзiлгенге дейiн тендерге қатысушыларды тендерге қойылатын орман пайдалану учаскелерiмен таныстырады.

ҚР Үкіметінің 2010.17.06. № 604 Қаулысымен 16-тармақ өзгертілді (бұр.ред.қара)

16. Тендерге қатысушы тендер нәтижелерiне қарамастан, өзiнiң тендер өтiнiмiн дайындау және тапсыру жөніндегі шығыстарды көтереді.

ҚР Үкіметінің 2010.17.06. № 604 Қаулысымен 17-тармақ өзгертілді (бұр.ред.қара)

17. Тендердi ұйымдастырушы ұсынылған тендер құжаттамасы үшiн тендер құжаттамасын көшiрiп басуға жұмсалатын нақты шығындардан аспайтын ақы алады.

4. Тендерлердi өткізу

18. Тендер комиссиясы тендер өтінiмдерi салынған конверттердi белгiленген мерзiмде ашады. Тендерге қатысушының тендер өтiнiмдерi салынған конверттердi ашу кезiнде қатысып тұруына болады.

19. Тендер өтiнiмдерi салынған конверттердi ашу кезiнде тендер комиссиясының хатшысы қатысып отырған адамдарға тендерге қатысушылардың атаулары мен орналасқан жерлерiн хабарлайды, олар қатысып отырған лоттың (лоттардың) атауын, тендер өтiнiмiне енгiзілген құжаттардың тiзбесiн оқиды.

Тендер өтiнiмдерi салынған конверттердi ашу нәтижелерi бойынша конверттердi ашу хаттамасы жасалады, оның куәландырылған көшiрмелерi ашу рәсiмi кезiнде қатысып отырған тендерге қатысушыларға берiледi.

5. Тендер өтiнiмдерiн қарау және тендерлер

жеңiмпаздарын анықтау

20. Тендер өтiнiмдерiн бағалауды тендер комиссиясы конверттер ашылған күннен бастап жетi жұмыс күнi iшiнде жүргiзедi.

Тендерге қатысушылар тендер өтiнiмдерiн бағалауға қатыспайды.

21. Тендер өтiнiмдерiн қарау барысы туралы ақпарат және оларды бағалау материалдары құпия сипатта болады және бағалау рәсiмiне ресми қатысы жоқ тұлғаларға берiлмейдi.

22. Тендер комиссиясының шешiмi бойынша ұсыныстары тендер құжаттамасында айтылған барлық талаптарға сай келетiн және тендер шарттарын орындау бөлiгiнде таңдаулы болып табылатын қатысушы тендер жеңiмпазы болып танылады. Назарға сондай-ақ ұсынылған тендер өтiнiмдерiнiң қосымша техникалық, біліктiлiк, ұйымдық және өзге де артықшылықтары алынуы мүмкiн.

ҚР Үкіметінің 2010.17.06. № 604 Қаулысымен 23-тармақ өзгертілді  (бұр.ред.қара)

23. Басқа үмiткерлер болмаған жағдайда, егер лот бойынша тендердiң бiрден-бiр қатысушысы тендер өтiнiмiне қойылатын негiзгi талаптарды сақтаған және орман пайдалануды ұйымдастыру мен жүзеге асыру жөнiнде ол жасаған ұсыныстар тендер шарттарына сай келетiн болса, сол қатысушы тендер жеңiмпазы болып танылады.

ҚР Үкіметінің 2010.17.06. № 604 Қаулысымен 24-тармақ өзгертілді (бұр.ред.қара)

24. Тендердi ұйымдастырушы, егер теңдерге қатысушылардың ұсыныстарын тендер комиссиясы тендер шарттарын қанағаттандырмайтын ұсыныстар деп таныса, оны өтпедi деп таниды.

ҚР Үкіметінің 2010.17.06. № 604 Қаулысымен 25-тармақ жаңа редакцияда (бұр.ред.қара)

25. Тендерге қатысушылар қатарынан оның жеңімпазын таңдау тендер комиссиясы мүшелерінің жалпы санының кемінде үштен екісі қатысқан жағдайда, тендер комиссиясының отырысында жүргізіледі. Мемлекеттік орман қоры учаскелерінде орман ресурстарын ұзақ мерзімді орман пайдалануға беру жөніндегі тендер комиссиясының хаттамасында (бұдан әрі - тендер комиссиясының хаттамасы) тендер комиссиясының қандай да бір мүшесі болмаған жағдайда осы фактіні растайтын құжатты (бар болған жағдайда) қоса оның болмау себебін көрсетеді.

Тендер комиссиясының шешімі ашық дауыс беру арқылы қабылданады және егер оған тендер комиссиясына қатысушы мүшелердің жалпы санының көпшілік даусы берілген болса, қабылданды деп есептеледі. Дауыстар тең болған жағдайда, тендер комиссиясының төрағасы немесе ол болмаған жағдайда, төрағаның орынбасары дауыс берген шешім қабылданды деп есептеледі.

Тендер комиссиясының шешімімен келіспеген жағдайда, осы тендер комиссиясының кез келген мүшесі ерекше пікір білдіре алады, ол жазбаша түрде айтылуы және тендер комиссиясының хаттамасына қоса берілуге тиіс.

Тендер комиссиясының хаттамасы осы Ережеге 1-қосымшаға сәйкес нысан бойынша ресімделеді.

26. Тендер комиссиясының әрбiр лот бойынша хаттамасына тендер комиссиясының қатысқан барлық мүшелерi, сондай-ақ оның хатшысы қол қояды.

27. Тендердi ұйымдастырушы тендер комиссиясының хаттамасы ұсынылғаннан кейiн тендер жеңiмпазына (жеңiмпаздарына) хабарлама жiбередi және он күн мерзiмде онымен осы Ережеге 2-қосымшаға сәйкес мемлекеттік орман қоры учаскелерiнде ұзақ мерзiмдi орман пайдалану шартын (бұдан әрi - шарт) жасасады.

Тендер нәтижелерi туралы хабар тендер өткізу туралы хабарландыру жарияланған баспа басылымында жарияланады.

28. Тендер нәтижелерi туралы есеп тендердi ұйымдастырушы тендер комиссиясының хаттамасына қол қойғаннан кейiн жетi күн мерзiмде уәкiлеттi органға ұсынылады.

29. Тендер өткізудiң белгiленген тәртібі бұзылған жағдайда оның нәтижелерiн уәкiлеттi орган жарамсыз деп тануы мүмкiн.

ҚР Үкіметінің 2010.17.06. № 604 Қаулысымен 30-тармақ өзгертілді (бұр.ред.қара)

30. Тендер комиссиясының шешiмiмен келiспеген жағдайда тендер нәтижелерiне Қазақстан Республикасының Азаматтық іс жүргізу кодексінде белгiленген тәртiппен шағым жасалуы мүмкiн.

Мемлекеттік орман қоры

учаскелеріндегі орман ресурстарын

ұзақ мерзiмдi орман пайдалануға беру

жөнiнде тендерлер өткізу ережесіне

1-қосымша

  Мемлекеттік орман қоры учаскелеріндегі орман ресурстарын ұзақ

   мерзiмдi орман пайдалануға беру жөніндегі тендер комиссиясы

         хаттамасының үлгілiк нысаны

             №___

   _____________        20__ ж.»___»_____________

   (елдi мекен)

   Тендердiң басталу күнi және уақыты ________________

   Тендердiң аяқталу күнi және уақыты ________________

     1. Тендер комиссиясы мына құрамда (Т.А.Ә. лауазымы

   көрсетiлсiн):

   ______________________________________- комиссия төрағасы

   комиссия мүшелерi:

   _________________________________________________;

   _________________________________________________;

   _________________________________________________;

   _________________________________________________;

   құрылып,_________________________________________________________

     (тендер комиссиясын құрған органның кесiмi, құжаттың күнi

      мен нөмiрi көрсетiледi)

   мемлекеттік  орман  қоры  учаскелеріндегі  орман  ресурстарын ұзақ

мерзiмдi орман пайдалануға беру жөнiнде тендер өткiздi.

     2. Тендерге мынадай лот қойылды:

Лот  

    Лоттың сипаттамасы 

     3. Тендер құжаттамасын алғандар:

  Жеке немесе заңды тұлғаның   

     атауы       

   Мекен-жайы   

1                     

2                     

3                     

   4. Тендерге  қатысуға  тендер  өнiмiн  тендердiң  мына  қатысушылары

тапсырды:

 Тендерге қатысушылардың  

  атауы     

 Мекен-жайы 

    Теңдер  

   өтiнiмдерiн  

   берген күнi мен

   уақыты   

1                      

2                      

3                      

   5.  (Конверттердi  ашу  кезiнде  тендер    өтінiмдерiнiң

қабылданған-қабылданбағаны  және  олардың  қабылданбау  себептерi

көрсетiлсiн).

   6. Тендерге қатысушы мынадай құжаттар тiзбесiн тапсырды:

    Тендерге қатысушылардың атауы  

   7. Тендерге қатысушылар  тендер  құжаттамасының  шарттарына  мынадай

қосымша ұсыныстар тапсырды:

Тендерге қатысушының   

 атауы       

     Ұсыныстар        

   8. Тендер  комиссиясы  тендер  өтінiмдерiн  бағалау  және  салыстыру

нәтижелерi бойынша былай деп ұйғарды:

   1. Мемлекеттік орман қоры  учаскелеріндегі  орман  ресурстарын  ұзақ

мерзiмдi орман пайдалануға берудiң мына шарттарына:

   __________________________________________________________________

   __________________________________________________________________

   __________________________________________________________________

   __________________________________________________________________

   ____________________________________________________________сәйкес

   ________________________тендер өтiнiмi тендердi ұтты деп танылсын.

   (лот бойынша тендер жеңiмпазының атауы)

   2. Облыстық атқарушы орган (орман шаруашылығы саласындағы  уәкiлетті

органның  аумақтық  органы)  он  күн  мерзiмде  мемлекеттік  орман қоры

учаскелеріндегі орман ресурстарын ұзақ мерзiмдi  орман  пайдалануға  беру

туралы шарт жасассын.

Комиссия төрағасы __________________________

Комиссия мүшелерi __________________________

      __________________________

      __________________________

Комиссия хатшысы __________________________

Тендердi ұйымдастырушының

   М.О

Мемлекеттік орман қоры

учаскелеріндегі орман ресурстарын

ұзақ мерзiмдi орман пайдалануға беру

жөнiнде тендерлер өткізу ережесіне

2-қосымша

    Мемлекеттік орман қоры учаскелерiнде ұзақ мерзiмдi

      орман пайдалануға беру шартының үлгiлiк нысаны

           №______

   _____________        20__ ж.»___»_____________

   (елдi мекен)

   Бiрлесiп «Тараптар», деп аталатын____________________________

   негiзiнде iс-әрекет жасайтын, бұдан әрi «Уәкiлеттi орган» деп

аталатын

   _____________________________________________________________

   (қарауында мемлекеттік орман қорының берiлетiн учаскелерi бар орман

   шаруашылығы саласындағы уәкiлеттi органның аумақтық органының немесе

облыстық атқарушы органның атауы)

   арқылы және__________________негiзiнде iс-әрекет жасайтын бұдан әрi

   «Орман пайдаланушы» деп аталатын____________________________

            заңды тұлғаның атауы немесе т.а.ә.)

   төмендегілер туралы осы Шартты жасасты.

           1. Шарттың мәнi

   1.  Уәкілеттi  орган  Орман  пайдаланушыға  мемлекеттік  орман  қоры

учаскелеріндегі орман ресурстарын ұзақ мерзiмдi  орман  пайдалануға  беру

жөніндегі 200_ жылғы»_"_____№___  тендер  хаттамасының  негiзiнде  орман

ресурстарын___________________________________

     (орман пайдалану түрлерi көрсетiлсiн)

жүзеге асыру үшiн осы Шартқа қоса берiлiп отырған мемлекеттік орман  қоры

учаскесi жоспарының (1-қосымша) шегiнде ___ жыл  мерзiмге  ұзақ  мерзiмдi

орман пайдалануға бередi.

   2.  Орман  пайдалану  жүзеге  асырылатын  мемлекеттік  орман  қоры

учаскесiнiң  алаңы  мен  бағалау  көрсеткiштерi  осы  Шартқа  2-қосымшада

көрсетiлген.

   3. Орман пайдалану осы Шартқа 3-қосымшада көрсетiлген көлем (мөлшер)

шегiнде жүзеге асырылады.

   4. Орман пайдаланушыда қызметтiң: ________________________

   лицензияланатын  түрiн  жүзеге  асыруға  лицензиясы (лицензиялары)

болады.

   5. Орман  пайдаланудың  жыл  сайынғы  төлемақысы  мемлекеттік  орман

пайдаланушы салық заңнамасына сәйкес есептеген орман пайдаланудың  рұқсат

етiлген  көлемдерi  негiзiнде  айқындалады  және  оны  Орман  пайдаланушы

бюджетке аудару арқылы төлеп тұрады.

       2. Тараптардың құқықтары мен міндеттерi

   (Орман пайдаланушы мен Уәкiлеттi органның құқықтары  мен  мiндеттерi

орман заңнамасының талаптарына сәйкес әзiрленедi)

        3. Тараптардың жауапкершiлiгi

   10. Орман пайдаланушы  орман  пайдаланудың  төлемақысын  белгiленген

мерзiмде  уақтылы  енгiзбеген  жағдайда  Орман  пайдаланушы   Қазақстан

Республикасының заңнамасына сәйкес жауаптылықта болады.

   11. Шарттың және орман заңнамасының талаптарын бұзғаны үшiн тараптар

Қазақстан Республикасының заңнамасына сәйкес жауаптылықта болады.

        4. Дауларды қарау тәртібі

   12.  Осы  Шартты  орындаумен  байланысты  туындайтын  барлық  даулар

келіссөз жүргiзу және қосымша келісімдер жасасу арқылы шешiледi. Тараптар

келiспеген жағдайда даулар Қазақстан Республикасының  заңнамасына  сәйкес

соттың қарауына жатады.

           5. Өзге шарттар

   13. Осы Шартта көрсетiлген барлық қосымшалар  оның  ажырамас  бөлiгi

болып табылады.

   14. Осы шартқа енгiзілетiн барлық өзгерістер  мен  толықтырулар  осы

Шарттың мәтiнiне қайшы  келмеуге  тиiс,  жазбаша  нысанда  жасалып,  оған

тараптар қол қоюға тиiс.

   15. Осы Шарт  қайта  жасалуға  жатады  немесе  оған  кезектi  немесе

кезектен тыс орман өсiрудi  (аңшылықты)  жайластыру  жүргiзiлiп,  ықтимал

орман пайдалану көлемдерi мен шарттары  нақтыланғаннан  кейiн  өзгерістер

мен толықтырулар енгiзiлуi тиiс.

   16. Осы  Шартқа  енгiзiлген  өзгерістер  мен  толықтырулар  тiркеушi

органда мемлекеттік тiркеуге жатады.

   17. Осы Шарт 3 данада - Орман пайдаланушы мен Уәкiлеттi  орган  үшiн

бiр-бiр данада және бiр данасы  тiркеушi  органда  сақтау  үшiн  жасалды.

Барлық 3 дананың заңдық күшi бiрдей.

   6. Шарттың қолданылуы