«Операциялық жоспарды әзірлеу, іске асыру, мониторингілеу және бақылау ережесін бекіту туралы» Қазақстан Республикасы Экономикалық даму және сауда министірінің 2010 жылғы 31 тамыздағы № 166 Бұйрығы

Операциялық жоспарды әзірлеу, іске асыру, мониторингілеу және бақылау ережесін бекіту туралы
Қазақстан Республикасы Экономикалық даму және сауда министірінің 2010 жылғы 31 тамыздағы № 166 Бұйрығы

Қазақстан Республикасы Президентінің 2010 жылғы 4 наурыздағы Жарлығымен бекітілген Қазақстан Республикасының стратегиялық даму жоспарын, Елдің аумақтық-кеңістіктік дамуының болжамды схемасын, мемлекеттік бағдарламаларды, аумақтарды дамыту бағдарламаларын, мемлекеттік органдардың стратегиялық жоспарларын әзірлеу, іске асыру, мониторингілеу, бағалау және бақылау жүргізу ережесінің 6-бөлімінің 226-тармағына, сондай-ақ Қазақстан Республикасы Президентінің Әкімшілігі Басшысының 2010 жылғы 9 сәуірдегі № 01-39.26 бұйрығымен бекітілген Қазақстан Республикасындағы Мемлекеттік жоспарлау жүйесінің одан әрі жұмыс істеуі жөніндегі ұйымдастыру іс-шаралары жоспарының 7-тармағына сәйкес, БҰЙЫРАМЫН:

1. Қоса беріліп отырған Операциялық жоспарды әзірлеу, іске асыру, мониторингілеу және бақылау ережесі (бұдан әрі - Ереже) бекітілсін.

2. Орталық мемлекеттік және жергілікті атқарушы органдар операциялық жоспарды әзірлеу, іске асыру, мониторингілеу және бақылау кезінде осы Ережені басшылыққа алсын.

3. Осы бұйрықтың орындалуын бақылау Экономикалық даму және сауда министрлігінің Жауапты хатшысы Д.М. Шәженоваға жүктелсін.

4. Осы бұйрық қол қойылған күнінен бастап күшіне енеді.

Қазақстан Республикасы

Экономикалық даму және сауда

министрлігінің 2010 жылғы

31 тамыздағы № 166

бұйрығымен бекітілген

Операциялық жоспарды әзірлеу, іске асыру, мониторинг және бақылау

ережесі

Жалпы ережелер

Осы Операциялық жоспарды әзірлеу, іске асыру, мониторингі және бақылау ережесі (бұдан әрі - Ереже) мемлекеттік органның операциялық жоспарын әзірлеуді, іске асыруды, мониторингін және бақылауды әдістемелік қамтамасыз ету мақсатында әзірленген.