Кыргыз Республикасынын Жогорку Сотунун Соттук иштер боюнча коллегияларынын 2010-жылдын 13-январындагы № 4-009/10 УД токтомдору жана аларга түшүндүрмөлөр

Кыргыз Республикасынын Жогорку Сотунун Соттук иштер боюнча коллегияларынын 2010-жылдын 13-январындагы № 4-009/10 УД токтомдору жана аларга түшүндүрмөлөр

Жазык иштери боюнча

Иш № 4-009/10 УД

Кыргыз Республикасынын Жогорку Сотунун жазык иштер жана административдик укук бузуулар жөнүндөгү иштери боюнча соттук коллегиясы ачык соттук отурумунда көзөмөл иретинде Чүй областтык сотунун 9-октябрь 2009-жылдагы аныктамасына келтирилген акталышкан Ж.Адылканованын арызы, Осмонкулова А. жана Б.Жекшенованын кызыкчылыгын жактаган адвокат В.Уметованын даттануусу, прокурордун жана жабырлануучу А.Жунушовдун өкүлү Ж.Бакасовдун каршы пикирлери боюнча жазык ишти карая, төмөнкүлөрдү тапкан.

Тергөө органы тарабынан Адылканова Ж. Сокулук районунда Сокулук айылында Ленинград көчөсүндө № 9 үйдө 1989-жылдан бери жашап туруп, алдамчылык жолу менен башка бирөөнүн мүлкүнө ээ болуу максатында, Сокулук районунда Таш-Булак айыл өкмөтүнүн жооптуу катчысы А.Осмонкулова менен алдын-ала сүйлөшүп алышып эски 1970-жылдагы № 27 формадагы бланкага 1920-жылы туулган Жунушов Адылкандын Таш-Булак айылында Совет көчөсүндө № 34 үйдө жашагандыгын жана анын 7-март 2002-жылы каза болгондугун көрсөтүшүп толтурушуп, справкада өлгөн Жунусов менен бирге жашаган аялы Жунушова Нуркалияны, кызы Адылканова Жаңылбүбүнү, ал жерде жашабаса даты кошо жаздырып документ жасалмалашкан.

Ал үйдө ата-энеси менен бирге жашаган баласы Жунушов Өмүрбек Адылкановичти справкага көргөзүшпөстөн нотариалдык конторага мураскор күбөлүгүн алууга айыл өкмөттөн алган справканы 25-октябрь 2006-жыл/197_ж. деген дата менен толтурушуп кварталдык комитетинин төрайымынын ордуна Осмонкулова А. өзү кол коюп, айыл өкмөтүнүн мөөрүн, штампын басып берген.