«Мемлекеттік мекемелердің және коммуналдық кәсіпорындардың балансындағы объектілерді мүліктік жалға (жалдауға) беру Нұсқаулығын бекіту туралы» Қарағанды облысының әкімдігінің 2006 жылғы 20 қарашадағы № 25/01 Қаулысы (күші жойылды)

Мемлекеттік мекемелердің және коммуналдық кәсіпорындардың балансындағы объектілерді мүліктік жалға (жалдауға) беру Нұсқаулығын бекіту туралы
Қарағанды облысының әкімдігінің 2006 жылғы 20 қарашадағы № 25/01 Қаулысы

Қарағанды облысы әкімдігінің 2011 жылғы 29 қарашадағы № 43/09 Қаулысымен күші жойылды

«Қазақстан Республикасындағы жергілікті мемлекеттік басқару туралы» 2001 жылғы 23 қаңтардағы Қазақстан Республикасының Заңына сәйкес Қарағанды облысының әкімдігі ҚАУЛЫ ЕТЕДІ:

1. Қоса беріліп отырған Мемлекеттік мекемелердің және коммуналдық кәсіпорындардың балансындағы объектілерді мүліктік жалға (жалдауға) беру Нұсқаулығы бекітілсін.

2. Осы қаулыны қабылдау кезіндегі мүліктік жалға (жалдауға) берудің ұзақ мерзімді шарттары, мерзімдері аяқталғанға дейін, бұрын келісілген шарттар негізінде әрекет етуі белгіленсін.

Жалға берушілер, осы қаулыны қабылдау кезіндегі қолданыстағы мүліктік жалға (жалдауға) берудің белгісіз мерзімге немесе әрекет ету мерзімі көрсетілмей жасалған шарттарына, осы қаулыны ескере отырып, өзгерістер мен толықтырулар енгізсін. Жалдаушылар бас тартқан жағдайда заңнамада көзделген тәртіппен шартты тоқтату шараларын қабылдасын.

Егерде, жалдаушы мүліктік жалға (жалдауға) берудің белгісіз мерзімге немесе әрекет ету мерзімі көрсетілмей жасалған шарттары бойынша алдын-ала төлем жүргізсе, өзгерістер мен толықтырулар енгізу жөніндегі шарттар, төлем жүргізілген кезең аяқталған сәттен бастап күшіне ену шарты қойылып, жасалуға жатады.

3. Облыстық бюджеттен қаржыландырылатын жергілікті атқарушы органдар:

1) ведомстволық бағыныстағы мемлекеттік мекемелердің және коммуналдық кәсіпорындардың берілген Нұсқаулығын ұстануын;