|
«Назарбаев Зияткерлік мектептері» мамандандырылған білім беру ұйымдарында дарынды балалардың оқуын төлеу үшін Қазақстан Республикасы Тұңғыш Президентінің «Өркен» білім беру грантын тағайындау ережесі мен мөлшерін бекіту туралы (2011.27.06. берілген өзгерістер мен толықтырулармен)
Осы редакция 2012 жылғы 19 қаңтарда енгізілген өзгерістеріне дейін қолданылды
ҚР Үкіметінің 2010.07.06. № 532 Қаулысымен тақырыбы өзгертілді (бұр.ред.қара)
«Қазақстан Республикасы Тұңғыш Президентінің «Өркен» білім беру грантын тағайындау туралы» Қазақстан Республикасы Президентінің 2009 жылғы 13 қаңтардағы № 724 Жарлығының 2-тармағының 1) тармақшасына сәйкес Қазақстан Республикасының Үкіметі ҚАУЛЫ ЕТЕДІ: ҚР Үкіметінің 2010.07.06. № 532 Қаулысымен 1-тармақ өзгертілді (бұр.ред.қара) 1. Қоса беріліп отырған «Назарбаев Зияткерлік мектептері» мамандандырылған білім беру ұйымдарында дарынды балалардың оқуын төлеу үшін Қазақстан Республикасы Тұңғыш Президентінің «Өркен» білім беру грантын тағайындау ережесі мен мөлшері бекітілсін. 2. Осы қаулы алғаш рет ресми жарияланғаннан кейін қолданысқа енгізіледі.
Үкіметінің 2009 жылғы 14 наурыздағы № 317 қаулысымен Бекітілген
ҚР Үкіметінің 2010.07.06. № 532 Қаулысымен тақырыбы өзгертілді (бұр.ред.қара) «Назарбаев Зияткерлік мектептері» мамандандырылған білім беру ұйымдарында дарынды балалардың оқуын төлеу үшін Қазақстан Республикасы Тұңғыш Президентінің «Өркен» білім беру грантын тағайындау ережесі мен мөлшері
1. Жалпы ережелер
ҚР Үкіметінің 2010.07.06. № 532 Қаулысымен 1-тармақ өзгертілді (бұр.ред.қара) 1. Осы «Назарбаев Зияткерлік мектептері» мамандандырылған білім беру ұйымдарында дарынды балалардың оқуын төлеу үшін Қазақстан Республикасы Тұңғыш Президентінің «Өркен» білім беру грантын тағайындау ережесі мен мөлшері (бұдан әрі - Ереже) Қазақстан Республикасы Тұңғыш Президентінің «Өркен» білім беру грантын тағайындау туралы» Қазақстан Республикасы Президентінің 2009 жылғы 13 қаңтардағы № 724 Жарлығының 2-тармағының 1) тармақшасына сәйкес әзірленді және «Қазақстан Республикасы Тұңғыш Президентінің интеллектуалды мектептері» мамандандырылған білім беру ұйымдарында дарынды балалардың оқуын төлеу үшін Қазақстан Республикасы Тұңғыш Президентінің «Өркен» білім беру грантын тағайындау тәртібі мен мөлшерін айқындайды. ҚР Үкіметінің 2010.07.06. № 532 Қаулысымен 2-тармақ өзгертілді (бұр.ред.қара) 2. Осы Ережеде мынадай негізгі ұғымдар пайдаланылады: 1) Қазақстан Республикасы Тұңғыш Президентінің «Өркен» білім беру гранты (бұдан әрі - грант) - «Назарбаев Зияткерлік мектептері» (бұдан әрі - мектеп) мамандандырылған білім беру ұйымдарында дарынды балалардың 7-11 (12) сыныптарда орта білім алуы үшін, Қазақстан Республикасының заңнамасында белгіленген шарттарда білім алушыларға берілетін нысаналы ақша сомасы; 2) білім беру саласындағы уәкілетті орган (бұдан әрі - уәкілетті орган) - білім беру саласындағы басшылықты және салааралық үйлестіруді жүзеге асыратын Қазақстан Республикасының орталық атқарушы органы; 3) грантты тағайындау жөніндегі республикалық комиссия - грантты тағайындау үшін уәкілетті орган құратын комиссия (бұдан әрі - комиссия).
3. Грантты конкурстық негізде комиссия тағайындайды. 4. Комиссия құрамы уәкілетті органның, басқа да мүдделі мемлекеттік органдар мен ұйымдардың қызметкерлері, орта білім беру саласындағы қызметті жүзеге асыратын республикалық қоғамдық бірлестіктердің өкілдері қатарынан қалыптастырылады. Комиссияның төрағасы Қазақстан Республикасының Білім және ғылым министрі болып табылады. 5. Комиссия мүшелерінің саны тақ санды құрауы, бірақ кемінде жеті адам болуы тиіс. Комиссияның отырысы қажеттілігіне қарай өткізіледі және оның құрамының кемінде үштен екісі қатысса заңды деп есептеледі. 6. Конкурсқа қатысуға осы Ереженің талаптарына сәйкес құжаттарды ұсынған білім беру ұйымдарының 7-11 (12) сынып оқушылары болып табылатын Қазақстан Республикасының азаматтары (бұдан әрі - үміткерлер) жіберіледі. ҚР Үкіметінің 2011.27.05. № 719 Қаулысымен 7-тармақ өзгертілді (бұр.ред.қара) 7. Конкурсқа қатысу үшін үміткердің ата-аналары немесе өзге де заңды өкілдері мектепке мынадай құжаттарды ұсынады: 1) уәкілетті орган белгілеген нысан бойынша конкурсқа қатысуға өтініш; 2) уәкілетті орган белгілеген нысан бойынша толтырылған сауалнама; 3) үміткердің туу туралы куәлігінің немесе жеке басын куәландыратын өзге де құжатының көшірмесі; 4) тиісті білім беру ұйымының мөрімен расталған өткен екі оқу жылының үлгерім табельдерінің көшірмесі; 5) 086 /у нысандағы медициналық анықтама; 6) бар болған жағдайда, марапаттау қағаздарының, дипломдардың, сертификаттардың және басқа да тиісті құжаттардың тиісті білім беру ұйымының мөрімен расталған көшірмелері. 8. Құжаттарды қабылдау мерзімі мен орны, сондай-ақ конкурстың бірінші кезеңі өткізілетін мерзім Қазақстан Республикасының барлық аумақтарына таралатын бұқаралық ақпарат құралдарында жарияланады. Құжаттарды қабылдау отыз жұмыс күнінен кешіктірілмей жүргізіледі және конкурстың бірінші кезеңін өткізу күніне дейін екі жұмыс күні қалғанда аяқталады. Конкурс қысқы және жазғы каникул кезеңінде өткізіледі. 9. Конкурс екі кезеңнен тұрады және уәкілетті орган белгілеген тәртіппен жүргізіледі. Бірінші кезеңде мектептер бағытына сәйкес келетін бейінді пәндер, сондай-ақ қазақ, орыс және ағылшын тілдері бойынша үміткерлерді кешенді тестілеу өткізіледі. Кешенді тестілеу екінші кезеңге іріктеу болып табылады. Екінші кезеңге сұрақтардың жалпы санының қырық және одан да көп пайыз дұрыс жауаптарын жинаған үміткерлер жіберіледі. Екінші кезеңде мектептер бағытына сәйкес келетін бейінді пәндер бойынша жазбаша емтихандар өткізіледі. ҚР Үкіметінің 2011.27.05. № 719 Қаулысымен 10-тармақ жаңа редакцияда (бұр.ред.қара) 10. Конкурстың екінші кезеңінің қорытындылары бойынша әр пәннен ең көп ықтимал балдың отыздан жоғары пайызын жинаған үміткерлердің материалдары уәкілетті орган белгілеген тәртіппен комиссияның қарауына ұсынылады. 11. Үміткерлердің материалдарын қарау қорытындылары бойынша комиссия грантты тағайындау туралы түпкілікті шешім қабылдайды. 12. Грант конкурс нәтижелері бойынша неғұрлым жоғары бал жинаған үміткерлерге нақты мектептер бойынша бөлінген гранттар шегінде тағайындалады. 13. Конкурс қорытындылары бойынша шешім көпшілік дауыспен қабылданады. Грант отырысқа қатысып отырған комиссия мүшелерінің дауыс санының кемінде төрттен үш дауысын жинаған үміткерге беріледі. Дауыстар тең болған жағдайда, төраға берген дауыс шешуші болып табылады. Комиссия шешімі хаттамамен ресімделеді. ҚР Үкіметінің 2009.30.12. № 2305 Қаулысымен 14-тармақ өзгертілді (бұр.ред.қара) 14. Конкурстың қорытындылары комиссия хаттамасына қол қойылған күннен кейінгі бес жұмыс күнінен кешіктірілмей уәкілетті органның интернет-ресурсында жарияланады. ҚР Үкіметінің 2011.27.05. № 719 Қаулысымен 15-тармақ жаңа редакцияда (бұр.ред.қара) 15. Грант иегері мектептің ішкі тәртібін бұзғаны, әкімшілік құқық бұзушылық жасағаны, қылмыстық жазаланатын қылмыс жасағаны, оқу жылын бейінді және бейінді емес пәндердің бірінен «қанағаттанарлықсыз», оқу жылын бейінді пәндердің бірінен «қанағаттанарлықпен», оқу жылын бейінді емес екі пәннен «қанағаттанарлықпен» аяқтағаны, оқудан 10 күннен артық себепсіз қалғаны үшін, басқа мектепке ауысуды қоспағанда, басқа оқу орнына ауысқан жағдайда гранттан айырылады. Білім алушыны оқудан шығару Педагогикалық кеңестің шешімі негізінде жүзеге асырылады. ҚР Үкіметінің 2011.27.05. № 719 Қаулысымен 15-1-тармақпен толықтырылды 15-1. Конкурстық іріктеудің екінші кезеңінде ең көп ықтимал балдың отыздан жоғары пайызын жинаған, бірақ бос орынның болмауына байланысты мектепке қабылданбаған үміткерлер оқу жылының ішінде бос орын болған жағдайда оларды оқуға тарту мақсатында комиссия бекіткен резервтік тізімге енгізіледі. ҚР Үкіметінің 2011.27.05. № 719 Қаулысымен 15-2-тармақпен толықтырылды 15-2. Резервтік тізімге енгізілген үміткерлерге оқу жылы ішінде қосымша конкурссыз грант тағайындалады. 16. Осы ереженің 15-тармағында көрсетілген жағдайда босаған гранттар Осы ережеде көзделген тәртіппен конкурстық негізде тағайындалады. ҚР Үкіметінің 2011.27.05. № 719 Қаулысымен 16-1-тармақпен толықтырылды 16-1. Резервтік тізімнен грант тағайындау туралы шешім комиссия хаттамаға қол қойған күнінен бастап бес жұмыс күнінен кешіктірілмей уәкілетті органның интернет-ресурсында жарияланады. ҚР Үкіметінің 2011.27.05. № 719 Қаулысымен 16-2-тармақпен толықтырылды 16-2. Конкурстық іріктеуді өткізу немесе резервтік тізімнен үміткерді айқындау кезінде оқушыларды мектепке қабылдау балл саны тең болған кезде: 1) соңғы оқу жылындағы үлгерім табелінің орташа балы жоғары болған; 2) бірінші кезеңнің қорытындылары бойынша балы ең жоғары үміткерлер басымдыққа ие болады. Ескертпе: дәлелді себептерге сырқаттану, жақын туыстарының қайтыс болуы және еңсерілмейтін күш мән-жайлары (форс-мажор) жатады.
19. Грантты қаржыландыру республикалық бюджет қаражаты есебінен жүзеге асырылады. 20. Бір гранттың мөлшері жылына 728000 (жеті жүз жиырма сегіз мың) теңгені құрайды және индекстеуді ескере отырып өзгеруі мүмкін.
|