«Тұрғын үйдің меншік иелері болып табылатын кәмелетке толмаған балалардың мүдделерін қозғайтын мәмілелерді ресімдеу үшін қорғаншылық пен қамқоршылық жөніндегі функцияларды жүзеге асыратын органдардың анықтамаларын беру» мемлекеттік қызмет көрсету регламенті (Қызылорда облысы әкімдігінің 2011 жылғы 28 желтоқсандағы № 254 қаулысымен бекітілген) (2012.18.07. берілген өзгерістермен) (күші жойылды)

Қызылорда облысы әкімдігінің 2012 жылғы 22 қарашадағы № 635 Қаулысымен күші жойылды

 Қызылорда облысы әкімдігінің 2012.18.07. № 504 Қаулысымен мемлекеттік қызмет көрсету регламенті жаңа редакцияда (бұр.ред.қара)

Қызылорда облысы әкімдігінің

2011 жылғы 28 желтоқсандағы

№ 254 қаулысымен бекітілген

«Тұрғын үйдің меншік иелері болып табылатын кәмелетке толмаған балалардың мүдделерін қозғайтын мәмілелерді ресімдеу
үшін қорғаншылық пен қамқоршылық жөніндегі функцияларды жүзеге асыратын органдардың анықтамаларын беру»
мемлекеттік қызмет көрсету регламенті

(2012.18.07. берілген өзгерістермен)

1. Негізгі ұғымдар

1. Осы «Тұрғын үйдің меншік иелері болып табылатын кәмелетке толмаған балалардың мүдделерін қозғайтын мәмілелерді ресімдеу үшін қорғаншылық пен қамқоршылық жөніндегі функцияларды жүзеге асыратын органдардың анықтамаларын беру» мемлекеттік қызмет көрсету регламентінде (бұдан әрі - Регламент) келесі түсініктер пайдаланылады:

1) Орталық - Қызылорда облысы бойынша «Халыққа қызмет көрсету орталығы» Республикалық мемлекеттік кәсіпорнының филиалы, оның бөлімдері мен бөлімшелері;

2) орындаушы - міндеттеріне тұрғын үйдің меншік иелері болып табылатын кәмелетке толмаған балалардың мүдделерін қозғайтын мәмілелерді ресімдеу үшін қорғаншылық пен қамқоршылық жөніндегі функцияларды жүзеге асыратын органдардың анықтамаларын дайындау кіретін уәкілетті органның маманы;

3) тұтынушы - жеке тұлға;

4) уәкілетті орган - аудандардың, облыстық маңызы бар қаланың білім бөлімі.

2. Жалпы ережелер

2. Осы Регламент «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1 бабына және «Қазақстан Республикасы Білім және ғылым министрлігінің мемлекеттік қызмет стандарттарын бекіту және Қазақстан Республикасы Үкіметінің 2007 жылғы 30 маусымдағы № 561 қаулысына өзгеріс енгізу туралы» Қазақстан Республикасы Үкіметінің 2010 жылғы 26 ақпандағы № 140 қаулысына сәйкес әзірленді (әрі қарай - стандарт).