«Қазақстан Республикасының Байланыс және ақпарат министрлігі акциялардың мемлекеттік пакеттері мен мемлекеттік қатысу үлестерін иелену мен пайдалану құқықтарын жүзеге асыратын акционерлік қоғамдар мен жауапкершілігі шектеулі серіктестіктердің қызметін бағалау әдістемесін бекіту туралы» Қазақстан Республикасы Байланыс және ақпарат министрінің 2011 жылғы 29 желтоқсандағы № 426 бұйрығы (күші жойылды)

Қазақстан Республикасының Байланыс және ақпарат министрлігі акциялардың мемлекеттік пакеттері мен мемлекеттік қатысу үлестерін иелену мен пайдалану құқықтарын жүзеге асыратын акционерлік қоғамдар мен жауапкершілігі шектеулі серіктестіктердің қызметін бағалау әдістемесін бекіту туралы
Қазақстан Республикасы Байланыс және ақпарат министрінің 2011 жылғы 29 желтоқсандағы № 426 бұйрығы

ҚР Көлік және коммуникация министрлігінің 2012 жылғы 11 желтоқсандағы № 867 бұйрығымен күші жойылды

Қазақстан Республикасының Байланыс және ақпарат министрлігі акциялардың мемлекеттік пакеттері мен мемлекеттік қатысу үлестерін иелену мен пайдалану құқықтарын жүзеге асыратын акционерлік қоғамдар мен жауапкершілігі шектеулі серіктестіктердің қызметін жыл сайын бағалау мақсатында, БҰЙЫРАМЫН:

1. Қоса беріліп отырған Қазақстан Республикасының Байланыс және ақпарат министрлігі акциялардың мемлекеттік пакеттері мен мемлекеттік қатысу үлестерін иелену мен пайдалану құқықтарын жүзеге асыратын акционерлік қоғамдар мен жауапкершілігі шектеулі серіктестіктердің қызметін бағалау әдістемесі (бұдан әрі - Әдістеме) бекітілсін.

2. «Зерде» ұлттық инфокоммуникация холдингі», «Хабар» Агенттігі», «Қазақстан» Республикалық Телерадиокорпорациясы», «Казахстанская правда» Республикалық газеті, «Егемен Қазақстан» Республикалық газеті», «Қазтелерадио» акционерлік қоғамдарының (бұдан әрі - Қоғамдар) Директорлар кеңестері және «Қазақ газеттері», «Жас өркен» жауапкершілігі шектеулі серіктестіктердің (бұдан әрі - Серіктестіктер) Бақылау кеңестері:

Әдістемеге сәйкес Қоғамдар мен Серіктестіктердің атқарушы органдарының мүшелерін бағалауды жүргізсін;

Әдістемеде көрсетілген Қоғамдар мен Серіктестіктер қызметтерінің негізгі көрсеткіштерінің орындалуын және жүзеге асыратын қызмет түрлерінің ерекшелігін ескеретін Қоғамдар мен Серіктестіктердің қызметкерлерін бағалау мен сыйлықақы төлеудің ішкі жүйесін әзірлеп енгізсін;

осы бұйрықтан туындайтын қабылданған шаралар туралы ақпаратты 2012 жылдың 1 сәуіріне дейін Қазақстан Республикасы Байланыс және ақпарат министрлігіне ұсынсын.