«Атом энергиясын пайдалану саласындағы лицензияланатын қызмет түрлерін лицензиялау ережесін және оған қойылатын біліктілік талаптарын бекіту туралы» Қазақстан Республикасы Үкіметінің 2008 жылғы 19 наурыздағы № 270 қаулысына өзгерістер мен толықтырулар енгізу туралы» Қазақстан Республикасы Үкіметінің 2012 жылғы 14 мамырдағы № 610 Қаулысы (күші жойылды)

«Атом энергиясын пайдалану саласындағы лицензияланатын қызмет түрлерін лицензиялау ережесін және оған қойылатын біліктілік талаптарын бекіту туралы» Қазақстан Республикасы Үкіметінің 2008 жылғы 19 наурыздағы № 270 қаулысына өзгерістер мен толықтырулар енгізу туралы
Қазақстан Республикасы Үкіметінің 2012 жылғы 14 мамырдағы № 610 Қаулысы

ҚР Үкіметінің 2013 жылғы 10 шілдедегі № 716 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Атом энергиясын пайдалану саласындағы лицензияланатын қызмет түрлерін лицензиялау ережесін және оған қойылатын біліктілік талаптарын бекіту туралы» Қазақстан Республикасы Үкіметінің 2008 жылғы 19 наурыздағы № 270 қаулысына (Қазақстан Республикасының ПҮАЖ-ы, 2008 ж., № 15, 141-құжат) мынадай өзгерістер мен толықтырулар енгізілсін:

1) тақырыбы мынадай редакцияда жазылсын:

«Атом энергиясын пайдалану саласындағы лицензияланатын қызмет түрлеріне қойылатын біліктілік талаптарын бекіту туралы»;

2) 1-тармақта:

1), 3) тармақшалар алып тасталсын;

4) тармақша мынадай редакцияда жазылсын:

«4) ядролық материалдармен жұмыс істеу жөніндегі қызметке қойылатын біліктілік талаптары;»;

мынадай мазмұндағы 4-1) және 4-2) тармақшалармен толықтырылысын:

«4-1) радиоактивті заттармен, құрамында радиоактивті заттар бар аспаптармен және қондырғылармен жұмыс істеу жөніндегі қызметке қойылатын біліктілік талаптары;

4-2) иондаушы сәуле шығаруды генерациялайтын аспаптармен және қондырғылармен жұмыс істеу жөніндегі қызметке қойылатын біліктілік талаптары;»;

5), 6), 7), 9), 10), 11), 13), 15), 17), 19) тармақшалар алып тасталсын;

20) тармақша мынадай редакцияда жазылсын:

«20) ядролық және радиациялық қауіпсіздікті қамтамасыз етуге жауапты персоналды арнайы даярлау жөніндегі қызметке қойылатын біліктілік талаптары бекітілсін.»;

3) көрсетілген қаулымен бекітілген атом энергиясын пайдалану объектілерінің өмірлік циклінің кезеңдеріне байланысты жұмыстарды орындау жөніндегі қызметке қойылатын біліктілік талаптары осы қаулының 1-қосымшасына сәйкес жаңа редакцияда жазылсын;