«Нотариаттық іс жүргізу жөніндегі ережені бекіту туралы» Қазақстан Республикасы Әділет министрлігінің 2012 жылғы 31 қаңтардағы № 32 бұйрығы (2022.15.10. берілген өзгерістер мен толықтырулармен)

Нотариаттық іс жүргізу жөніндегі ережені бекіту туралы
Қазақстан Республикасы Әділет министрлігінің 2012 жылғы 31 қаңтардағы № 32 бұйрығы

(2022.15.10. берілген өзгерістер мен толықтырулармен)

ҚР Әділет министрінің 2019.29.03. № 150 бұйрығымен кіріспе жаңа редакцияда (бұр.ред.қара)

«Нотариат туралы» 1997 жылғы 14 шілдедегі Қазақстан Республикасы Заңының 32-бабының 3) тармақшасына сәйкес, бұйырамын:

1. Қоса беріліп отырған нотариаттық іс жүргізу жөніндегі ереже бекiтілсін.

2. «Нотариаттық іс жүргізу жөніндегі нұсқаулықты бекіту туралы» Қазақстан Республикасы Әділет министрінің 2011 жылғы 23 тамыздағы № 294 бұйрығының күші жойылды деп танылсын (Нормативтік құқықтық актілерді мемлекеттік тіркеу тізілімінде № 7182 болып тіркелген).

3. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және құқықтық көмек көрсету комитетінің төрағасына жүктелсін.

4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

ҚР Әділет министрінің 2021.31.08. № 757 бұйрығымен ереже жаңа редакцияда (бұр.ред.қара)

Қазақстан Республикасы

Әділет министрінің

2012 жылғы 31 қантардағы

№ 32 бұйрығына

1- қосымша

Нотариаттық іс жүргізу жөніндегі

ереже

1-тарау. Жалпы ережелер

1. Осы нотариаттық іс жүргізу жөніндегі ереже (бұдан әрі - Ереже) «Нотариат туралы» Қазақстан Республикасы Заңының (бұдан әрі - Заң) 4-бабына сәйкес әзірленді.

Ереже:

жеке практикамен айналысатын нотариустың (бұдан әрі - жекеше нотариус);

мемлекеттік нотариаттық кеңсенің мемлекеттік нотариустарының (бұдан әрі - мемлекеттік нотариус) нотариаттық іс жүргізуінің бірыңғай тәртібін белгілейді.

2. Нотариаттық іс жүргізу «Қазақстан Республикасындағы тіл туралы» Қазақстан Республикасының Заңына және Заңның 5-бабына сәйкес жүргізіледі.

3. Ереже:

1) құжаттарды қабылдау, тіркеу және жіберу;

2) істер номенклатурасын жасау;

3) істерді қалыптастыру;

4) істерді ресімдеу, істер тізімдемесін жасау;

5) құжаттарды сақтау;