«Әкелінетін карантинге жатқызылған өнімге қойылатын фитосанитариялық талаптарды бекіту туралы» Қазақстан Республикасы Үкіметінің 2011 жылғы 30 желтоқсандағы № 1674 Қаулысы (күші жойылды)

Әкелінетін карантинге жатқызылған өнімге қойылатын фитосанитариялық талаптарды бекіту туралы
Қазақстан Республикасы Үкіметінің 2011 жылғы 30 желтоқсандағы № 1674 Қаулысы

ҚР Үкіметінің 2015 жылғы 31 қазандағы № 870 Қаулысымен күші жойылды

«Әкелінетін карантинге жатқызылған өнімге қойылатын фитосанитариялық талаптарды бекіту туралы» Қазақстан Республикасы Ауыл шаруашылығы министрінің 2015 жылғы 30 қаңтардағы № 4-4/66 бұйрығын қараңыз

«Өсімдіктер карантині туралы» Қазақстан Республикасының 1999 жылғы 11 ақпандағы Заңының 6-1-бабының 9) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған әкелінетін карантинге жатқызылған өнімге қойылатын фитосанитариялық талаптар бекітілсін.

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы

Үкіметінің

2011 жылғы 30 желтоқсандағы

№ 1674 қаулысымен

бекітілген

Әкелінетін карантинге жатқызылған өнімге қойылатын фитосанитариялық

талаптар

1. Жалпы ережелер

1. Осы әкелінетін карантинге жатқызылған өнімге қойылатын фитосанитариялық талаптар (бұдан әрі - Фитосанитариялық талаптар) «Өсімдіктер карантині туралы» Қазақстан Республикасының 1999 жылғы 11 ақпандағы Заңының 6-1-бабының 9) тармақшасына сәйкес әзірленді.

2. Осы Фитосанитариялық талаптар өсімдік карантинін қамтамасыз ету мақсатында карантинге жатқызылған өнімге, оның ішінде оның орамасына, заласыздандыруға және тасымалдауға қойылатын талаптарды айқындайды.

3. Карантинге жатқызылған өнім түрлері Кеден одағының сыртқы экономикалық қызметінің тауарлық номенклатурасына (бұдан әрі - КО СЭҚ ТН) сәйкес бірдейлендіріледі.