«Ауылдық оқу орындарын бітірген тұлғалар үшін Қазақстан Республикасы жоғары оқу орындарына қабылдау квотасы белгіленген жоғары білім беру мамандықтарының тізбесiн және ұлттық бірыңғай тестілеу және кешенді тестілеу жүргізілетін таңдау пәндері мен бейінді пәндер көрсетілген мамандықтар тізбесін бекіту туралы» Қазақстан Республикасы Білім және ғылым министрлігінің 2012 жылғы 14 мамырдағы № 211 бұйрығы (2016.18.05. берілген өзгерістер мен толықтырулармен) (күші жойылды)

Ауылдық оқу орындарын бітірген тұлғалар үшін Қазақстан Республикасы жоғары оқу орындарына қабылдау квотасы белгіленген жоғары білім беру мамандықтарының тізбесiн және ұлттық бірыңғай тестілеу және кешенді тестілеу жүргізілетін таңдау пәндері мен бейінді пәндер көрсетілген мамандықтар тізбесін бекіту туралы
Қазақстан Республикасы Білім және ғылым министрлігінің 2012 жылғы 14 мамырдағы № 211 бұйрығы

(2016.18.05. берілген өзгерістер мен толықтырулармен)

ҚР Білім және ғылым министрінің 2017 жылғы 13 қыркүйектегі № 460 бұйрығымен күші жойылды

ҚР Білім және ғылым министрінің 2016.18.05. № 326 бұйрығымен тақырыбы жаңа редакцияда (бұр.ред.қара)

«Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі қағидаларын бекіту туралы» Қазақстан Республикасы Үкіметінің 2012 жылғы 19 қаңтардағы № 111 қаулысын іске асыру мақсатында БҰЙЫРАМЫН:

ҚР Білім және ғылым министрінің 2016.18.05. № 326 бұйрығымен 1-тармақ жаңа редакцияда (бұр.ред.қара)

1. Қоса беріліп отырған:

1) осы бұйрықтың 1-қосымшасына сәйкес ауылдық оқу орындарын бітірген тұлғалар үшін Қазақстан Республикасы жоғары оқу орындарына қабылдау квотасы белгіленген жоғары білім беру мамандықтарының тізбесi;

2) осы бұйрықтың 2-қосымшасына сәйкес ұлттық бірыңғай тестілеу және кешенді тестілеу жүргізілетін таңдау пәндері мен бейінді пәндер көрсетілген мамандықтар тізбесі бекітілсін.

2. Жоғары және жоғары оқу орнынан кейінгі білім департаменті (Ф.Н. Жақыпова):

1) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін;

2) мемлекеттік тіркеуден өткеннен кейін осы бұйрықты бұқаралық ақпарат құралдарында жарияласын.

3. Осы бұйрықтың орындалуын бақылау вице-министр М.К. Орынхановқа жүктелсін.

4. Осы бұйрық алғаш рет ресми жарияланған күнінен бастап қолданысқа енгізіледі.