«Қазақстан Республикасы Ішкі істер министрлігі жоғары оқу орындарының магистратуралары және PhD докторантураларын 2012 жылы жасақтау туралы» Қазақстан Республикасы Ішкі істер министрінің 2012 жылғы 21 мамырдағы № 311 Бұйрығы

Қазақстан Республикасы Ішкі істер министрлігі жоғары оқу орындарының магистратуралары және PhD докторантураларын 2012 жылы жасақтау туралы
Қазақстан Республикасы Ішкі істер министрінің 2012 жылғы 21 мамырдағы № 311 Бұйрығы

Қазақстан Республикасы Үкіметінің 2012 жылғы 19 қаңтардағы № 109 қаулысымен бекітілген Жоғары оқу орнынан кейінгі кәсіптік оқу бағдарламаларын іске асыратын білім беру ұйымдарына оқуға қабылдаудың үлгі қағидаларына сәйкес БҰЙЫРАМЫН:

1. Қазақстан Республикасы Ішкі істер министрлігі (бұдан әрі - ІІМ) жоғары оқу орындарының магистратурасына және PhD докторантурасына 2012-2013 оқу жылына арналған қабылдау жоспары бекітілісін.

2. ІІМ комитттерінің төрағалары, департаменттерінің бастықтары, облыстардың, Астана, Алматы қалаларының және көліктегі ішкі істер департаменттерінің, облыстардағы және Астана қаласының қылмыстық-атқару жүйесі департаменттерінің бастықтары:

1) ІІМ жоғары оқу орындарының магистратурасына және PhD докторантурасына ішкі істер органдары қызметкерлерінің ішінен оқуға үміткерлерді екі үміткерден кем емес есеппен іріктеу жөніндегі жұмысты ұйымдастырсын;