Қазақстан Республикасының Әдiлет министрлігі мен Беларусь Республикасы Әдiлет министрлігінiң арасындағы сот сараптамасы саласындағы ынтымақтастық туралы келiсiм (Алматы қ., 2000 жылғы 22 тамызда) (күші жойылды)

Қазақстан Республикасының Әдiлет министрлігі мен Беларусь Республикасы Әдiлет министрлігінiң арасындағы
 сот сараптамасы саласындағы ынтымақтастық туралы
келiсiм
(Алматы қ., 2000 жылғы 22 тамызда)

Қазақстан Республикасы Әділет министрлігі мен Беларусь Республикасы Әділет министрлігі арасындағы ынтымақтастық туралы меморандум күшіне енген күннен бастап өз қолданысын тоқтатты

ҚР Үкіметінің 2000 жылғы 26 шілдедегі № 1122 Қаулысымен бекітілді

Бұдан әрi «Тараптар» деп аталатын Қазақстан Республикасының Әдiлет министрлігі мен Беларусь Республикасының Әділет министрлігі

сот сараптамасы саласында байланыс жасауға ұмтыла отырып және қазiргi достық қатынастары мен өзара тиiмдi ынтымақтастықты нығайту екi мемлекеттiң ұлттық мүдделерiне жауап бередi деп есептей отырып,

құқық пен құқық қолдану тәжiрибесi саласында ынтымақтастықты дамыту жолымен қатынастарды бұдан әрi нығайту мақсатында

төмендегiлер туралы келiстi:

1-бап

Тараптар сот сараптамасының теориялық, құқықтық, ұйымдық және әдiстемелiк проблемаларын әзiрлеу, сараптамалық сақтандырулардың тиiмдiлiгi, сараптамалық зерттеулердiң жаңа әдiстерi мен әдiстемелерiн құру және қолданылып жүргендерiн жетiлдiру, сараптамалық практика тәжiрибесiмен алмасу саласында ынтымақтастықты жүзеге асырады.

2-бап

Осы Келісімнiң ережелерiн iске асырған кезде Тараптар бiр-бiрiмен тiкелей, сондай-ақ «Сот сараптамасы орталығы» мемлекеттік мекемесi мен ________________ арқылы ынтымақтастықты жүзеге асырады.

3-бап

Тараптар өз құзыретiне жататын қызметтiң мынадай бағыттарында сот сараптамасы саласындағы ынтымақтастықты дамытатын болады:

- сот сараптамасы проблемалары жөніндегі ғылыми жұмысты үйлестiру, әдiстер мен әдiстемелердi бiрiгіп әзiрлеу;