«Қазақстан Республикасының аумағында шикiзат тауарларынан бағалы металдарды өнеркәсiптiк алудың мүмкiндiгi (мүмкiн еместiгi) және экономикалық орындылығы (орынсыздығы) туралы қорытынды беру» мемлекеттік қызмет регламенті (Қазақстан Республикасы Премьер-Министрінің орынбасары - Қазақстан Республикасының Индустрия және жаңа технологиялар министрінің 2013 жылғы 18 ақпандағы № 42 бұйрығына 7-қосымша) (күші жойылды)

ҚР Премьер-Министрінің орынбасары - ҚР Индустрия және жаңа технологиялар министрінің 2014 жылғы 27 наурыздағы № 101 бұйрығымен күші жойылды

Қазақстан Республикасы

Премьер-Министрінің орынбасары -

Қазақстан Республикасының

Индустрия және жаңа

технологиялар министрінің

2013 жылғы 18 ақпандағы

№ 42 бұйрығына

7-қосымша

«Қазақстан Республикасының аумағында шикiзат тауарларынан бағалы металдарды өнеркәсiптiк алудың мүмкiндiгi (мүмкiн еместiгi) және экономикалық орындылығы (орынсыздығы) туралы қорытынды беру»
мемлекеттік қызмет регламенті
 
 
1. Жалпы ережелер

1. Осы «Қазақстан Республикасының аумағында шикiзат тауарларынан бағалы металдарды өнеркәсiптiк алудың мүмкiндiгi (мүмкiн еместiгi) және экономикалық орындылығы (орынсыздығы) туралы қорытынды беру» мемлекеттік қызмет Регламенті (бұдан әрі - Регламент) «Әкімшілік рәсімдер туралы» Қазақстан Республикасы 2000 жылғы 27 қарашадағы Заңының 9-1-бабының 4-тармағына сәйкес әзірленді.

2. Мемлекеттік қызметті Қазақстан Республикасы Индустрия және жаңа технологиялар министрлігінің Өнеркәсіп комитеті (бұдан әрі - Комитеті) көрсетеді.

3. Көрсетілетін мемлекеттік қызмет нысаны - автоматтандырылмаған.

4. Мемлекеттік қызмет мыналардың: «Беларусь Республикасының, Қазақстан Республикасының және Ресей Федерациясының кеден одағын бірыңғай тарифтік емес реттеу туралы» Еуразиялық экономикалық қоғамдастықтың Мемлекетаралық Кеңесінің (Кеден одағының жоғары органы) 2009 жылғы 27 қарашадағы № 19 шешімін орындау жөніндегі шаралар туралы» Қазақстан Республикасы Президентінің 2011 жылғы 21 шілдедегі № 120 Жарлығының;