«Ұлттық бірыңғай тестілеу өткізу пункттері туралы» Қазақстан Республикасы Білім және ғылым министрінің 2008 жылғы 12 наурыздағы № 115 бұйрығы (2020.05.06. берілген өзгерістер мен толықтырулармен)

Ұлттық бірыңғай тестілеу өткізу пункттері туралы
Қазақстан Республикасы Білім және ғылым министрінің 2008 жылғы 12 наурыздағы № 115 бұйрығы

(2020.05.06. берілген өзгерістер мен толықтырулармен)

Ұлттық бірыңғай тестілеуді ұйымдасқан түрде өткізу мақсатында БҰЙЫРАМЫН:

ҚР Білім және ғылым министрінің 2015.04.03. № 100 бұйрығымен 1-тармақ жаңа редакцияда (бұр.ред.қара)

1. Қызылорда облысы Қармақшы ауданы Төретам стансасы Ақай ауылында ұлттық бірыңғай тестілеу өткізу пункті (бұдан әрі - ҰБТ ӨП) республикалық бюджеттің қаржысы есебінен ашылсын.

ҚР Білім және ғылым министрінің 2016.14.04. № 281 бұйрығымен 1-1-тармақпен толықтырылды

1-1. Жергілікті атқарушы органдардың және жекеменшік инвесторлардың есебінен қаржыландырылатын Шығыс Қазақстан Өскемен қаласында ұлттық бірыңғай тестілеу өткізу пункті (бұдан әрі - ҰБТ ӨП) ашылсын.

ҚР Білім және ғылым министрінің 2015.04.03. № 100 бұйрығымен 1-1-тармақпен толықтырылды

1-1. Жергілікті атқарушы органдардың қаржысы есебінен Ақтөбе облысы Қарғалы ауданы Бадамша ауылында, Мәртөк ауданы Мәртөк ауылында және Алға ауданы Алға қаласында, Алматы облысы Іле ауданы Түймебаев атындағы ауылда, Атырау облысы Исатай ауданы Аққыстау ауылында, Қарағанды облысы Ақтоғай ауданы Ақтоғай ауылында, Қызылорда облысы Жалағаш ауданы Жалағаш ауылында, Шығыс Қазақстан облысы Абай ауданы Қарауыл ауылында және Курчатов қаласында ҰБТ ӨП ашылсын.

ҚР Білім және ғылым министрінің 2016.17.02. № 153 бұйрығымен 1-2-тармақпен толықтырылды

1-2. «Атырау мұнай және газ институты» шаруашылық жүргізу құқығындағы республикалық мемлекеттік кәсіпорны қаржысы есебінен Атырау мұнай және газ институты базасында ҰБТ ӨП ашылсын.

2. Қоса беріліп отырған ҰБТ ӨП тізбесі бекітілсін.

ҚР Білім және ғылым министрінің 2013.18.02. № 47 бұйрығымен 3-тармақ жаңа редакцияда (бұр.ред.қара)