«Ақтөбе облысының қалаларында және басқа да елді мекендерінде иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары туралы» Ақтөбе облыстық мәслихатының 2013 жылғы 5 маусымдағы № 122 шешімі (2020.05.06. берілген өзгерістер мен толықтырулармен) (күші жойылды)

Ақтөбе облысының қалаларында және басқа да елді мекендерінде иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары туралы
Ақтөбе облыстық мәслихатының 2013 жылғы 5 маусымдағы № 122 шешімі

(2020.05.06. берілген өзгерістер мен толықтырулармен)

Ақтөбе облыстық мәслихатының 2021 жылғы 24 желтоқсандағы № 108 шешімімен күші жойылды

Ақтөбе облыстық мәслихатының 2015.27.03. № 292 шешімімен тақырыбы жаңа редакцияда (бұр.ред.қара)

Ақтөбе облыстық мәслихатының 2015.27.03. № 292 шешімімен кіріспе өзгертілді (бұр.ред.қара)

Әкімшілік құқық бұзушылық туралы» Қазақстан Республикасының 2014 жылғы 5 шілдедегі Кодексінің 408-бабына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабының 2-2-тармағына сәйкес Ақтөбе облыстық мәслихаты ШЕШІМ ЕТТІ:

Ақтөбе облыстық мәслихатының 2015.27.03. № 292 шешімімен 1-тармақ жаңа редакцияда (бұр.ред.қара)

1. Осы шешімге қоса беріліп отырған Ақтөбе облысының қалаларында және басқа да елді мекендерінде иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары бекітілсін.

Ақтөбе облыстық мәслихатының 2015.27.03. № 292 шешімімен 1-1 және 1-2 тармақпен толықтырылды

1-1. Ақтөбе қаласының және аудандардың жергілікті атқарушы органдарына ұсынылсын:

тұрғын үй құрылысын жобалау барысында иттерді серуендетуге арналған алаңдарды орналастыруды қарастыру, ескерілсін;

ветеринариялық мекемелерде өздерінің иттері мен мысықтарын уақытылы вакцинациялауды және есепке қоюды тұрғындар арасында насихаттау бойынша шаралар қабылдау.

1-2. Пәтерлер иелері кооперативтеріне ұсынылсын:

азаматтарды таныстыру үшін тиісті аумақтарда орналасқан хабарландыру тақталарына, қаңғыбас иттер мен мысықтарды аулау және жою міндеттерін жүзеге асыратын мемлекеттік ветеринариялық ұйымдардың мекенжайы мен телефондарын орналастыру;