|
Суды бақылау мен есепке алудың нормативтiк-техникалық, Осы редакция 2013 жылғы 23 шілдеде енгізілген өзгерістеріне дейін қолданылды
Қазақстан Республикасының 2003 жылғы 9 шiлдедегi Су кодексiне сәйкес Қазақстан Республикасының Үкіметі қаулы етеді: 1. Қоса берiлiп отырған Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу, келiсу әрi бекіту ережесi бекітілсiн. 2. Осы қаулы қол қойылған күнiнен бастап күшiне енедi. Қазақстан Республикасының
Үкiметінiң 2004 жылғы 6 ақпандағы № 141 қаулысымен бекiтілген Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу, келiсу және бекіту Ережесі 1. Жалпы ережелер 1. Осы Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу, келiсу және бекіту ережесi Қазақстан Республикасының Су кодексiне сәйкес әзiрлендi және суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу, келiсу әрi бекіту тәртібін белгiлейдi. 2. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету жүйесi Қазақстан Республикасының мемлекеттік стандарттарын, санитарлық-эпидемиологиялық ережелерi мен нормаларын, басқа да нормативтiк құқықтық кесiмдерiн қамтиды. 3. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптары Қазақстан Республикасы бекiткен халықаралық шарттарға сәйкес әзiрленедi. 4. Осы Ережеде мынадай негiзгi ұғымдар пайдаланылады: өлшемдер орындау әдiстемесiн метрологиялық аттестаттау өлшемдер орындау әдiстемесiнiң оған қойылатын метрологиялық талаптарға сәйкестiгiн анықтау (растау); өлшемдер орындау әдiстемесi - орындалуы осы өлшемдер орындау әдiстемесi белгiлеген дәлдiкпен өлшемдер нәтижелерiн алуды қамтамасыз ететiн операциялар мен ережелер жиынтығы. 5. Суды бақылау мен есепке алу үшiн пайдаланылатын өлшемдер орындау әдiстемесi өлшемдер бiрлiгiн қамтамасыз етудiң мемлекеттік жүйесi тiзiлiмiнде мiндеттi метрологиялық аттестаттау мен тiркеу рәсiмдерiнен өтедi. 6. Суды бақылау мен есепке алу үшiн пайдаланылатын өлшемдер орындау әдiстемесiн метрологиялық аттестаттауды аккредиттелген заңды тұлғалар стандарттау, метрология және сертификаттау жөніндегі уәкiлеттi мемлекеттік орган белгілеген тәртiппен жүзеге асырады. 2. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу, келiсу және бекіту 7. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу Қазақстан Республикасы заңнамасының, санитарлық-эпидемиологиялық ережелер мен нормаларға және қолданыстағы мемлекеттік стандарттау жүйесi стандарттарының талаптарына сәйкес жүзеге асырылады. 8. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеу кезiнде ғылыми-зерттеу, тәжiрибелiк-конструкторлық, тәжiрибелiк-технологиялық, жобалау жұмыстарының нәтижелерi, патенттiк зерттеулердiң нәтижелерi, отандық және шетелдiк ғылымның, техника мен технологияның қазiргi жетiстiктерi туралы ақпарат пайдаланылады. 9. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптарын әзiрлеудi: стандарттау, метрология және сертификаттау жөніндегі уәкiлеттi орган су қорын пайдалану мен қорғау жөніндегі уәкiлеттi органмен келісім бойынша суды бақылау мен есепке алуды метрологиялық қамтамасыз ету жөніндегі нормативтiк-техникалық актiлер жобаларын дайындау шеңберiнде; су қорын пайдалану мен қорғау жөніндегі уәкілетті орган халықтың санитарлық-эпидемиологиялық салауаттылығы саласындағы уәкілеттi органмен келісім бойынша жер бетi суларын бақылау мен есепке алу мәселелерi бойынша нормативтiк-техникалық актілер жобаларын дайындау шеңберiнде; жер қойнауын пайдалану мен қорғау жөніндегі уәкiлетті орган су қорын пайдалану мен қорғау жөніндегі және халықтың санитарлық-эпидемиологиялық салауаттылығы саласындағы уәкiлеттi органдармен келісім бойынша жер асты су қорларын бақылау әрi есепке алу мәселелерi бойынша нормативтiк-техникалық актілер жобаларын дайындау шеңберiнде; халықтың санитарлық-эпидемиологиялық салауаттылығы саласындағы уәкілетті орган су қорын пайдалану мен қорғау және стандарттау, метрология және сертификаттау жөніндегі уәкілетті органдармен келісім бойынша судың санитарлық-эпидемиологиялық жай-күйiн бақылау әрi есепке алу мәселелерi бойынша нормативтiк-техникалық актілер жобаларын дайындау шеңберiнде. 10. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптары қамтылатын нормативтiк-техникалық актiлер жобаларын осы Ереженiң 9-тармағында көрсетiлген уәкiлеттi мемлекеттік органдарда қарау және келiсу мерзiмi 30 күнтiзбелiк күннен аспауы тиiс. 11. Суды бақылау мен есепке алудың нормативтiк-техникалық, санитарлық-эпидемиологиялық және метрологиялық қамтамасыз ету талаптары қамтылатын нормативтiк-техникалық актілердi осы Ереженің 9-тармағында көрсетiлген уәкілеттi мемлекеттік органдар олардың құзыретіне сәйкес бекiтедi. |