«Алкоголь өнімінің өндірісіне лицензия беру, қайта ресімдеу, лицензияның телнұсқаларын беру» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 5 наурыздағы № 200 қаулысымен бекітілген) (күші жойылды)

ҚР Үкіметінің 2015 жылғы 28 тамыздағы № 685 Қаулысымен күші жойылды

Қазақстан Республикасы

Үкіметінің

2014 жылғы 5 наурыздағы

№ 200 қаулысымен

бекітілген

«Алкоголь өнімінің өндірісіне лицензия беру, қайта ресімдеу, лицензияның телнұсқаларын беру»

 мемлекеттік көрсетілетін қызмет стандарты

1. Жалпы ережелер

1. «Алкоголь өнімінің өндірісіне лицензия беру, қайта ресімдеу, лицензияның телнұсқаларын беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Қаржы министрлігі (бұдан әрі - Министрлік) әзірледі.

3. Мемлекеттік қызметті Қазақстан Республикасы Қаржы министрлігінің Салық комитеті (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызмет көрсету нәтижесін беру:

1) көрсетілетін қызметті беруші;

2) халыққа қызмет көрсету орталықтары (бұдан әрі - ХҚО);

3) «электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік қызметті көрсету тәртібі

4. Мемлекеттік қызметті көрсету мерзімдері:

1) осы мемлекеттік көрсетілетін қызмет стандартының 9-тармағында көрсетілген құжаттар топтамасын көрсетілетін қызметті берушіге, ХҚО-ға тапсырған сәттен бастап, сондай-ақ портал арқылы жүгінгенде:

алкоголь өнімінің өндірісіне лицензия (бұдан әрі - лицензия) беру, қайта ресімдеу не лицензияны беруден бас тарту себебі туралы уәжделген жауабы - он бес жұмыс күнінен кешіктірмей;

жаңа нөмір бере отырып және жоғарғы оң жақ бұрышында «Телнұсқа» деген жазуы бар лицензияның телнұсқасын беру - екі жұмыс күні ішінде;

ұсынылған құжаттардың толықтығын тексеру, өтініш берушінің Қазақстан Республикасы заңнамасының талаптарына сәйкестігі бөлігінде лицензияны беруге келісім беруді жүзеге асыру үшін мемлекеттік органға сұрау салу, тапсырылған құжаттардың толық болмау фактісі белгіленген жағдайда көрсетілетін қызметті алушының өтінішін одан әрі қараудан бас тарту туралы уәжделген жазбаша жауап беру - екі жұмыс күні ішінде.