«Қазақстан Республикасының аумағындағы халықаралық мамандандырылған көрмеге қатысушылардың және (немесе) қатысушылар қызметкерлерінің келу және оларды тіркеу қағидаларын бекіту туралы» Қазақстан Республикасы Үкіметінің 2014 жылғы 21 мамырдағы № 518 Қаулысы (күші жойылды)

Қазақстан Республикасының аумағындағы халықаралық мамандандырылған көрмеге қатысушылардың және (немесе) қатысушылар қызметкерлерінің келу және оларды тіркеу қағидаларын бекіту туралы
Қазақстан Республикасы Үкіметінің 2014 жылғы 21 мамырдағы № 518 Қаулысы

2-тармаққа сәйкес 2017 жылғы 2 желтоқсанға дейін қолданылды

«Халықтың көші-қоны туралы» 2011 жылғы 22 шілдедегі Қазақстан Республикасының Заңы 8-бабының 7-1) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасының аумағындағы халықаралық мамандандырылған көрмеге қатысушылардың және (немесе) қатысушылар қызметкерлерінің келу және оларды тіркеу қағидалары бекітілсін.

2. Осы қаулы алғашқы ресми жарияланған күнінен бастап қолданысқа енгізіледі және 2017 жылғы 2 желтоқсанға дейін қолданылады.

Қазақстан Республикасы

Үкіметінің

2014 жылғы 21 мамырдағы

№ 518 қаулысымен

бекітілген

Қазақстан Республикасының аумағындағы халықаралық мамандандырылған көрмеге қатысушылардың және (немесе) қатысушылар қызметкерлерінің келу және оларды тіркеу

қағидалары

1. Осы Қазақстан Республикасының аумағындағы халықаралық мамандандырылған көрмеге қатысушылардың және (немесе) қатысушылар қызметкерлерінің келу және оларды тіркеу қағидалары (бұдан әрі - Қағидалар) «Халықтың көші-қоны туралы» 2011 жылғы 22 шілдедегі Қазақстан Республикасының Заңына, «Қазақстан Республикасының Мемлекеттік шекарасы туралы» 2013 жылғы 16 қаңтардағы Қазақстан Республикасының Заңына сәйкес әзірленді және Қазақстан Республикасының аумағындағы халықаралық мамандандырылған көрмеге (бұдан әрі - халықаралық мамандандырылған көрме) қатысушылардың және (немесе) қатысушылар қызметкерлерінің Қазақстан Республикасына келу және оларды тіркеу тәртібін айқындайды.