«Қазақстан Республикасы Төтенше жағдайлар министрлігінің «Б» корпусының мемлекеттік әкімшілік лауазымдарына қойылатын біліктілік талаптарын бекіту туралы» Қазақстан Республикасы Төтенше жағдайлар министрінің 2014 жылғы 9 сәуірдегі № 161 бұйрығы (күші жойылды)

Қазақстан Республикасы Төтенше жағдайлар министрлігінің «Б» корпусының мемлекеттік әкімшілік лауазымдарына қойылатын біліктілік талаптарын бекіту туралы
Қазақстан Республикасы Төтенше жағдайлар министрінің 2014 жылғы 9 сәуірдегі № 161 бұйрығы

Қазақстан Республикасы Ішкі істер министрінің 2015 жылғы 16 қарашадағы № 927 бұйрығымен күші жойылды

«Мемлекеттік қызмет туралы» Қазақстан Республикасының 1999 жылғы 23 шілдедегі Заңының 13-бабының 5-тармағына, «Мемлекеттік қызметшілер лауазымдарының тізілімін бекіту туралы» Қазақстан Республикасы Президентінің 2013 жылғы 7 наурыздағы № 523 Жарлығына сәйкес, бұйырамын:

1. Қоса беріліп отырған:

1) Қазақстан Республикасы Төтенше жағдайлар министрлігі орталық аппаратының «Б» корпусының мемлекеттік әкімшілік лауазымдарына қойылатын біліктілік талаптары осы бұйрықтың 1-қосымшасына сәйкес бекітілсін;

2) Қазақстан Республикасы Төтенше жағдайлар министрлігі облыстар, Астана және Алматы қалалары Төтенше жағдайлар департаменттерінің «Б» корпусының мемлекеттік әкімшілік лауазымдарына қойылатын біліктілік талаптары осы бұйрықтың 2-қосымшасына сәйкес бекітілсін.

2. Қазақстан Республикасы Төтенше жағдайлар министрлігінің Кадрлық қамтамасыз ету департаменті (Е.Б. Құлтаев) Министірліктің «Б» корпусы мемлекеттік әкімшілік лауазымдарының санаттарына қойылатын біліктілік талаптарын келісу үшін Қазақстан Республикасы Мемлекеттік қызмет істері агенттігіне жолдасын.

3. Қазақстан Республикасы Төтенше жағдайлар министрлігінің Кадрлық қамтамасыз ету департаменті (Е.Б. Құлтаев) заңнамада белгіленген тәртіпте:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) Қазақстан Республикасы Әділет министрлігінде осы бұйрық мемлекеттік тіркелгеннен кейін күнтізбелік он күн ішінде мерзімдік баспа басылымдарына және «Әділет» ақпараттық-құқықтық жүйесінде ресми жариялауына жіберуін;

3) осы бұйрықтың Қазақстан Республикасы Төтенше жағдайлар министрлігінің ресми интернет-ресурсында жариялануын қамтамасыз етсін.

3. Осы бұйрықтың орындалуын бақылауды өзімде қалдырамын.