Қазақстан Республикасы мен Халықаралық Қайта Құру және Даму Банкі арасындағы «Қазақстанда энергия тиімділігін арттыру» жобасы бойынша грант туралы келісім (Астана қ., 2014 жылғы 18 маусымда)

Қазақстан Республикасы мен Халықаралық Қайта Құру және Даму Банкі арасындағы
«Қазақстанда энергия тиімділігін арттыру» жобасы бойынша грант туралы
келісім
(Астана қ., 2014 жылғы 18 маусымда)

ҚР 2015 жылғы 19 наурыздағы № 296-V Заңымен ратификацияланды

Траст қоры берген грант

№ TF014185

2014 жылғы 18 маусымдағы КЕЛІСІМ

ҚАЗАҚСТАН РЕСПУБЛИКАСЫ (бұдан әрі - Алушы) мен энергияның тиімділігін арттыру және жастар бірлестіктерін дамыту бағдарламалары үшін бір донордың Траст қоры (бұдан әрі - Траст қоры) әкімшісі ретінде әрекет етуші ХАЛЫҚАРАЛЫҚ ҚАЙТА ҚҰРУ ЖӘНЕ ДАМУ БАНКІ (бұдан әрі - Дүниежүзілік Банк) арасында жасалды.

Осы арқылы Алушы және Дүниежүзілік Банк төмендегілер туралы уағдаласты:

I бап

Стандартты шарттар; Айқындамалар

1.01. Дүниежүзілік Банк әртүрлі қорлардан бөлетін гранттар бойынша 2012 жылғы 15 ақпандағы Стандартты шарттар (бұдан әрі - Стандартты шарттар) осы Келісімнің ажырамас бөлігі болып табылады.

1.02. Егер мән мәтінде өзгеше көзделмесе, осы Келісімде пайдаланылатын және бас әріппен жазылған терминдер оларға Стандартты шарттардың немесе осы Келісімнің негізінде берілген мәндерге ие.

II бап
Жоба

2.01. Алушы өзінің осы Келісімге (бұдан әрі - Жоба) 1-қосымшада көрсетілген жоба мақсаттарына шынайы берілгендігін мәлімдейді. Осыған байланысты мезгіл-мезгіл түзетулер енгізілу мүмкіндігін ескере отырып, Стандартты шарттардың II бабының және осы Дүниежүзілік Банк пен Жобаны Атқарушы Агенттік арасындағы Келісім (бұдан әрі - Жоба туралы Келісім) күнгі Келісімнің ережелеріне сәйкес Алушы Жобаны «Электр энергетикасын дамыту және энергия үнемдеу институты (Қазақэнергиясараптама)» Акционерлік Қоғамының (бұдан әрі - Жобаны Атқарушы Агенттік) іске асыруын қамтамасыз етеді.

2.02. Осы Келісімнің 2.01-бөлімінің ережелерін шектеусіз, және Алушы мен Дүниежүзілік Банк арасында келісілген өзге жағдайларды қоспағанда, Алушы Жобаның осы Келісімге 2-қосымшаның ережелеріне сәйкес іске асырылуын қамтамасыз етеді.

III бап
Грант