«Халықты әлеуметтік қорғау және тұрғын үй-коммуналдық шаруашылық саласындағы мемлекеттік қызметтер регламенттерін бекіту туралы» Павлодар облыстық әкімдігінің 2014 жылғы 24 сәуірдегә № 136/4 Қаулысы (2015.28.05. берілген өзгерістер мен толықтырулармен) (күші жойылды)

Халықты әлеуметтік қорғау және тұрғын үй-коммуналдық шаруашылық саласындағы мемлекеттік қызметтер регламенттерін бекіту туралы
Павлодар облыстық әкімдігінің 2014 жылғы 24 сәуірдегә № 136/4 Қаулысы

(2015.28.05. берілген өзгерістер мен толықтырулармен)

Павлодар облыстық әкімдігінің 2015 жылғы 28 шілдедегі № 222/8 Қаулысымен күші жойылды

Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының 16-бабы 3-тармағына сәйкес Павлодар облысының әкімдігі ҚАУЛЫ ЕТЕДІ:

Павлодар облыстық әкімдігінің 2015.28.05. № 157/5 Қаулысымен 1-тармақ өзгертілді (бұр.ред.қара)

1. Қоса беріліп отырған:

«Оралман мәртебесін беру»;

«Үйде оқитын мүгедек балаларға материалдық қамсыздандыруды тағайындау»;

«Жұмыссыз азаматтарды тіркеу және есепке қою»;

«Адамдарға жұмыспен қамтуға жәрдемдесудің белсенді нысандарына қатысуға жолдамалар беру»;

«Шетелдік қызметкерге жұмысқа орналасуға және жұмыс берушілерге тиісті әкімшілік-аумақтық бірлік аумағында еңбек қызметін жүзеге асыру үшін шетелдік жұмыс күшін тартуға рұқсат беру, қайта ресімдеу және ұзарту»;

«Мемлекеттік атаулы әлеуметтік көмек тағайындау»;

«Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау»;

«Ауылдық елді мекендерде тұратын және жұмыс істейтін әлеуметтік сала мамандарына отын сатып алу бойынша әлеуметтік көмек тағайындау»;