«Оралман мәртебесін беру» мемлекеттік көрсетілетін қызмет регламенті (Павлодар облысы әкімдігінің 2014 жылғы 24 сәуірдегі № 136/4 Қаулысымен бекітілді) (2014.26.08. берілген толықтырулармен) (күші жойылды)

Павлодар облыстық әкімдігінің 2015 жылғы 28 шілдедегі № 222/8 Қаулысымен күші жойылды

Павлодар облысы әкімдігінің

2014 жылғы 24 сәуірдегі

№ 136/4 қаулысымен

бекітілді

«Оралман мәртебесін беру»

мемлекеттік көрсетілетін қызмет регламенті

(2014.26.08. берілген толықтырулармен)

1. Жалпы ережелер

1. «Оралман мәртебесін беру» мемлекеттік көрсетілетін қызметті (бұдан әрі - мемлекеттік көрсетілетін қызмет) «Павлодар облысының жұмыспен қамтуды үйлестіру және әлеуметтік бағдарламалар басқармасы» ММ (бұдан әрі - көрсетілетін қызметті беруші) көрсетеді.

2. Мемлекеттік қызмет көрсету нысаны: қағаз түрінде.

3. Мемлекеттік қызмет көрсетудің нәтижесі көрсетілетін қызмет алушыға (алушыларға) оралман куәлігін (куәліктерін) беру болып табылады.

2. Мемлекеттік қызмет көрсету үдерісінде көрсетілетін қызметті берушінің құрылымдық бөлімшелерінің (қызметкерлерінің) іс-қимыл тәртібін сипаттау

1. Мемлекеттік қызметті көрсету жөніндегі рәсімді (іс-қимылды) бастау үшін негіздеме:

1) Қазақстан Республикасы Үкіметінің 2014 жылғы 11 наурыздағы № 217 қаулысымен бекітілген «Оралман мәртебесін беру» мемлекеттік көрсетілетін қызмет стандартының (бұдан әрі - Стандарт) қосымшасына сәйкес нысан бойынша толтырылған өтініш;

2) өмірбаян (еркін нысанда);

3) көрсетілетін қызметті алушының және онымен бірге көшіп келген оның отбасы мүшелерінің жеке басын куәландыратын құжаттар (төлқұжаттары, кәмелет жасқа толмаған балалардың туу туралы куәліктері және т.б. (қазақ ұлтына жататынын растай отырып) болып табылады.